Nail Arifaj është një 43-vjecar me origjinë nga Puka, i cili rezulton i zhdukur për familjarët. Familja Arifaj ishin zhvendosur që heret në Tiranë. Ishte data 24 tetor i vitit 1999 kur Naili udhëton drejt Durrësit tek tezja e tij për të blerë një pajisje për makinën. Ai e kalon natën atje ndërsa të nesërmen niset për në Tiranë. Ai përshëndetet me tezen dhe djali i saj Gëzim Ahmetaj e përcjell deri tek autobuzat. Pasi ndahen askush nuk do ta mendonte se ai do të ishte kontakti i fundit me Nail Arifajn, pasi që nga ai moment askush nuk ka mundur të mësojë asgjë për fatin e 43-vjeçarit. Të merakosur familjarët kanë bërë denoncim në polici, por pa asnjë rezultat. Ai gjithmonë kishte shprehur dëshirën në familje, ndaj dyshimet e familjes dhe shpresa e vetme është se Arifi mund të ketë ndërtuar një familje në një shtet tjetër. Familjarët i drejtohen emisionit ’Pa Gjurmë’ për ndihmë me shpresën se një dritë jeshile do të ndizet.