Në rubrikën “Bëje vetë” me Albana Barçi, tregojmë ‘sekretin’ si të lajmë tiganët dhe tenxheret e djegura në pak minuta duke i bërë si të reja. Cila është procedura që duhet ndjekur? A e keni zakon të pastroni enët tuaja me një sfungjer enësh në përpjekje për të hequr mbetjet e ushqimit të djegur dhe të ngurtësuar? Ky nuk është opsioni më efektiv. Në vend të kësaj, ekspertët rekomandojnë përdorimin e letrës së aluminit të shtypur në formë topi. Është mjaft gërryes për të liruar papastërtitë dhe yndyrat e ngurtësuara. Por, para se të pastroni plotësisht pjesën e poshtme të enës duket të hidhni në tigan një përzierje me sodë buke dhe uthull të bardhë. Të dy këta përbërës do të ndihmojnë në tretjen më të lehtë të çdo mbetjeje të ngulitur dhe pastrimi do të bëhet si me magji. Në studion e “Rreze Dielli” tregojmë të gjitha hapat për rezultatin ideal.