Supë e kadifenjtë me kërpudha nga zonja Albana

27 Shtator 2021, 11:01

SUPË E KADIFENJTË ME KËRPUDHA

Përbërësit:

- 300 gr kërpudha

 1 litër ujë

60 gr gjalpë

40 gr miell

1 tufë majdanoz

 50 gr pana

2 të verdha veze

kripë,piper

Përgatitja:

Në një tigan shkrijmë gjalpin dhe skuqim miellin. Shtojmë ujë (jo të gjithë masën), disa gjethe majdanoz, kripë, piper dhe e lemë të marrë valë për rreth 15 minuta. 

Në një tjetër tigan kaurdisim kërpudhat për 1 minut, shtojmë pjesën tjetër të ujit dhe gjethe majdanozi dhe i lemë kërpudhat të gatuhen për 10-12 minuta.

I kalojmë të gjithë përbërësit e supës në blender ose grirëse perimesh. E vendosim supën në zjarr dhe shtojmë 2 të verdhat e vezëve të rrahura me pak pana. E lëmë supën për pak minuta të ajkoset dhe e servirim të ngrohtë me pak kubikë buke.