Supë me patate, karrota dhe kastraveca turshi nga zonja Albana 
Përbërësit:

• 3 kastraveca turshi
• 1 e ½ fç lëng i turshive
• 2 patate
• 2 karrota
• 2 lgj miell gruri
• 500 ml buljon mishi
• 1 fç qumësht
• 2 lgj gjalpë
• Vaj ulliri
• Kripë, piper
• Majdanoz

Përgatitja:

Në një tenxhere vendosim vajin e ullirit dhe gjalpin, shtojmë karrotat dhe patatet e prera në kubikë të vegjël. I kaurdisim për 5 minuta, më pas shtojmë kastravecat turshi të prera në kubikë. Vazhdojmë kaudisjen dhe më pas shtojmë buljonin dhe lëngun e turshive dhe e lemë supën të marrë valë. 
Ndërkohë në një tigan të vogël kaurdisim pak miell dhe më pas e shuajmë me qumësht, njësoj siç veprojmë me përgatitjen e beshamelit. E shtojmë kremin tek supa, rregullojmë shijen me pak kripë dhe piper duke e kontrollluar më parë pasi kemi përdoror lëngun e turshive i cili ka shumë kripë. Në fund e spërkasim supën me majdanoz dhe e servirim të ngrohtë.