Tavë me spinaq, patate dhe qumësht, super shije

Përbërësit:

3 lgj vaj ulliri

1 qepë mesatare

2 thelpinj hudhër

2 patate

1 spec i kuq

1 tufë spinaq

1 tufë koper

1 tufë majdanoz

2 lgj miell

1 gotë qumësht

100 gr djathë kaçkavall

Spec i kuq pluhur

Kripë, piper i zi

Përgatitja:

Fillimisht kaurdisim qepën të prerë në rrathë të imët. Sapo qepa të bëhet transparente shtojmë patatet të prera në kubikë mesatarë dhe vazhdojmë kaurdisjen derisa patatet të marrin pak faqe. Më pas shtojmë dy thelpinj hudhër të prera imët në feta, specin e kuq të prerë në unaza dhe spinaqin e grirë imët. Vazhdojmë kaurdisjen dhe sapo spinaqi të ulë vëllimin rregullojmë shijen me kripë, piper të zi dhe piper të kuq. E trazojmë me lugë druri, e spërkasim me pak miell dhe në fund shtojmë qumështin. Masën e vendosim në një tavë, e nivelojmë mirë dhe e mbulojmë të gjithë siperfaqen me djathë kaçkavall të grirë. E vendosim tavën në furrë të parangrohur në temperaturën 180 gradë Celsius për 30 minuta.