Thjerrëza me llukanik

Përbërësit:

• 500 gr thjerrëza
• 3-4 lgj vaj ulliri
• 1 qepë
• 1 presh
• 2 thelpinj hudhër
• 1 karrotë
• 4 lgj pure domate
• 1 gjethe dafine
• Llukanik sipas dëshirës
• Kripë, piper

Përgatitja:

Presim llukanikun në feta jo të holla. Pasi është ngrohur tenxherja, shtojmë vajin dhe pas 2 minutave shtojmë llukanikun të cilin e kaurdisim për 2-3 minuta. Shtojmë më pas qepën e grirë imët së bashku me karrotat dhe vazhdojmë kaurdisjen. Pasi të bie pak volumi shtojmë thjerrëzat dhe salcën e domatës. Shtojmë ujë të ngrohtë në masë të përbërësve dhe i lëmë thjerrëzat të ziejnë për rreth 40 minuta. Në fund shtojmë thelpinjtë e hudhrës dhe specin djegës. Rregullojmë shijen me kripë dhe piper dhe e lemë gatimin të ajkoset për rrth 10 minuta në zjarr të ulur.

Një qepë të kuqe të prerë në gjysmë hëne hollë e kaurdisim mirë në një tigan, pasi të marrë ngjyrë e shuajmë me pak uthull, kripë, piper dhe e shtojmë në momentin kur servirim thjerrëzat me llukanik.