E braktisi në maternitet 39 vite më parë, foshnja 2 muajsh përfundon në jetimore. Nëna sot është në kërkim të djalit të saj. 61-vjeçarja nga Tepelena gjen forcën për të qenë pjesë e emisionit “Pa Gjurmë”, jo vetëm për të rrëfyer jetën e saj plot vuajtje dhe sakrifica, por me shpresën se shumë shpejt do bjerë në gjurmët e djalit të vetëm që solli në jetë. Pasi mbaroi shkollën fillore dhe një kurs profesional, e reja filloi punë në një ofiçinë në Tepelenë, aty ku u njoh me një djalë që nuk I përkiste fesë së saj, por pavarësisht kësaj, dashuria triumfoi. Të rinjtë qendruan më shumë se 1 vit të lidhur, nën mbikqyrjen e familjeve të tyre, deri kur në vitin 1983 ndodhi një shtatzëni e padëshiruar. Nëna e mbajti foshnjen ndërsa familja e djalit nuk dëshironte martesë. Më 19 prill 1984 në maternitetin e Tiranës vjen në jetë djali i cili u pagëzua me emrin Ergys. I vogli mori mbiemrin e nënës, ndërsa babai biologjik nuk ia njohu atësinë, madje as nuk deshi kurrë të interesohej më për të birin. Asokohe vetëm 22 vjeçe mbetet vetëm dhe pa asnjë mbështetje, pasi familja e djalit që ajo dashuronte nuk e donte bashkimin e dy të rinjve, as fëmijën me pretendim se kishte ardhur në jetë jashtë martese. Ndërsa foshnja ishte 6 muajsh u bënë deri edhe analizat e ADN-së, por pavarësisht kësaj gjatë një séance gjyqësore të zhvilluar asokohe në Gjirokastër, babai biologjik nuk pranoi ta mbante fëmijën e tij, duke pretenduar se kishte probleme financiare. Kësisoj, e mbetur në udhëkryq 22-vjeçarja vendos përfundimisht që djalin ta dorëzojë në institucion. Pas atij momenti, ajo nuk e pa më kurrë të voglin e saj. Në Tepelenë krijoi një jetë të re dhe u bë nënë e një vajze, por gjithmonë kokën e mbajti pas të kthyer, në të shkuarën ku e thërriste gjith jë e qara e një fëmijë, që solli në jetë 39 vite më parë. Për Ergysin kjo nënë vjen sot në studio, me ndjenjën e pendesës jo vetëm, për të kërkuar falje...