Vrasja në Vlorë/Prindërit e viktimës:Prisnim ta bënim dhëndër, e vranë pabesisht

27 Janar, 20:46

Familja Petanaj jeton ende mes dhembjes dhe lotëve, që pas mbrëmjes së 20 qershorit 2020, kur goditja me thikë në zemër do t’i merrte jetën në moshën 25-vjeçare djalit të tyre Aleksandrit, i cili mbeti viktimë i një sherri mes të rinjve në lagjen "24 Maji" në Vlorë. E e ka të vështirë të rrëfejë atë natë të kobshme, kur do të mësonte mbi ngjarjen e rëndë. Babai, Kristo Petanaj i rikthehet kujtimeve të dikurshme, me të cilat mban në zemër të birin që ka lënë pas një zbrazëti të madhe. Një djalë si Aleksandri i rritur plot sakrifica që nuk e njohu në katër vitet e para të jetës të atin pasi ai ishte në emigrim. A do mund ta mendonte ky baba se 20 vite pas djalin do ta humbte përgjithnjë...Pak para se ngjarja të ndodhte, autori i krimit 15-vjeçar Gabriel Tartaraj teksa ishin të ulur në një lokal kishte ngacmuar me thikë në këmbë Kristianin, vëllain e viktimës. Për katër ditë më radhë adoleshenti me disa shokë të tij, prisnin natën qosheve të rrugicave, për ta sulmuar sërish 17-vjeçarin. Sulm i cili kulmoi me përledhje mes grupit të të rinjve, kur me të njëjtën thikë, që i shantazhonte vëllanë adoleshenti i mori jetën 25-vjeçarit që kishte ardhur për ndihmë. Kristiani rrëfen zanafillën e këtij sherri, duke treguar me hollësi çfarë ndodhi atë natë kur Aleksandrin e dërgoi vetë në spital me shenja jete, por nuk ia doli dot. Ndërsa sot një vit më pas, kur autori i ngjarjes Gabriel Tartaraj vuan dënimin, familja kërkon ende drejtësi, pasi natën e krimit ai nuk ishte i vetëm. Babai i 25-vjeçarit apelon për dënimin që meritojnë edhe persona të tjerë të përfshirë në ngjarjen që pnaifikohej prej katër ditësh.Nënës lotët i janë tharë. Anila Petanaj flet për kujtimet e fundit me të birin duke u dhënë forcë edhe dy fëmijëve të tjerë.

Programe të tjera

    Nuk u gjeten video për këtë program!

Shiko të gjitha

    Nuk u gjeten video për këtë program!

Shiko të gjitha