Një 62-vjeçare nga Tirana vjen të rrëfejë kalvarin e dhembjes së një nëne me një peshë të rëndë që mban mbi supe. Ajo quhet Melita Ziza dhe vjen të ndajë për publikun historinë e jetës. Si u nda për së gjalli me djalin që ndodhet pas hekurave i dënuar me burgim të përjetshëm, por edhe ndarjen nga jeta të djalit tjetër që u ekzekutua ne afersi te Medresese Ziza me arme zjarri. Si jeton sot 62-vjeçarja, pas dy tragjedive që ndodhen në familjen Ziza njëra pas tjetrës. Shpëtim Ziza u dënua me burgim të përjetshëm për vrasjen e 10-vjeçarit, Besim Çenga, ngjarje e ndodhur në tetor të vitit 2007. Ndërsa Sajmir Ziza u ekzekutua në Tiranë, në vitin 2014, ngjarje që u klasifikua si hakmarrje ndaj aktit makabër që kreu i vëllai. Me duart e mbledhur grusht sa më shumë kalojnë vitet aq më tepër rëndojnë mbi të. 62-vjeçarja i ka mbetur vetëm vajza e vetme, pasi bashkëshorti ka emigruar në shtetin grek. Emri i kësaj familje në rrethinat e Tiranës u lakua në pak minuta pasi opinion public u trondit shumë pas vrasjes së të miturit me autor Shpëtim Zizën. Deri në atë moment të kobshëm jetuan në Peshkopi, por frika nga gjakmarrja i detyroi të zhvendosen në Tiranë, aty ku pak vite më pas do të ekzekutohej djali i dytë. Kryefamiljari pas vrasjes së të birit u largua për në Greqi, ndërsa mbetën vetëm gratë e shtëpisë. Cdo marëdhënie me botën jashtë tashmë është shkëputur. Të burgosur në shpirt e zemër frika e gjakmarrjes, qëndron ende në pragun e shtëpisë, në atë shtëpi që u la me gjak pas vrasjes së Sajmirit. Viktima e fundit ishte 27-vjecari, babai i një fëmijë 11 muajsh, i cili punonte si emigrant për të siguruar të ardhura, por i vrarë sepse ishte “i miri” i familjes Ziza, ku i “keqi” Shpëtimi kreu një krim që mendja njerëzore nuk arrin ta rrok dot...