-
VIDEO
Kriza energjetike, zv.kryeministri: Bizneset duhet të ishin në mëshirën e tregut, por ne i kemi subvencionuar
Zv.kryeministri Arben Ahmetaj ka folur për krizën energjetike në vendin tonë duke thënë se qeveria ka reaguar menjëherë duke bërë të mbrohen qytetarët dhe bizneset. Ahmetaj tha se është rritur çmimi nga shumë vende, ndërsa qeveria shqiptare nuk do e lejojë këtë gjë.
Për familjet që konsumojnë mbi 700 kWh në muaj, Ahmetaj u shpreh se është mbi normalen dhe po mendojnë se si do t’i faturojnë këta abonentë.
“Qeveria jonë ka marrë masa me paketën e rezistencës. Mendoj që është strategjike dhe do ta ndaj me ju modestisht politika energjetike në vendin tonë. Kemi qenë të zbuluar përpara reshjeve. Sot me energjinë ka 2 elementë, një është diversifikimi dhe dekarbonizimi.
Dua t’ju kujtoj që kur i referohemi sipërmarrjes, të jemi të vërtetë. Sekretariati kërkon që t’i kemi hedhur në tregun e libëralizuar. Rreth 7500 biznese të tensionit të ulët do të duhet të kishin dalë në mëshirën e tregut sot që është agresiv. Çmimi i tyre do të duhej të ishte 34 lekë/kWh. Është 18 lekë/kWh. Arrijmë të subvencionojmë të gjithë këto biznese dhe kjo është politikë sociale.
Skavica është në horizont për të shtuar kapacitetet dhe për të optimizuar Kaskadën e Drinit. Nuk dua të lë pa theksuar elementin e subvencionit që e dallon këtë mazhorancë. Shihni të treja krizat e fundit, tërmetin, pandeminë, krizën e invazionit rus, kjo qeveri ka reaguar menjëherë. Më thoni një moment që një qeveri tjetër të ketë bërë këtë, ndërton shtëpi falas, harxhon 4.6% të prodhimit të brendshëm dhe ndërhyn që të mos ketë rritjen e energjisë”, tha Ahmetaj.
-
VIDEO
Debate në Kuvend për ‘Butrintin’/ Zhupa: Do ndërtoni bare e restorante, shiko Instagramin tim! Ministrja e Kulturës: Je regjisore e humbur
Deputetja e PD, Ina Zhupa po fliste për të drejtën e informimit dhe u ndal tek çështja e Butrintit, për të cilën ka pasur debate me ministren e Kulturës Elva Margariti në Komisionin e Edukimit. Sipas Zhupës, në Butrint do të jetë biznes fitimprurës për një fondacion ndërsa Margariti i tha se ka një keqardhje e një kompliment për të.
-
VIDEO
Menaxhimi i Butrintit, debat në Kuvend! Zhupa: E jepni me koncesion, do e çojmë në SPAK! Rama: Ju i gjetët pronarin teatrit antik, budallallëkun e keni në ADN
Menaxhimi i Butrintit ishte tema e nxehtë e një tjetër diskutimi në seancën e sotme plenare. Deputetja e PD, Ina Zhupa po fliste për të drejtën e informimit dhe u ndal tek çështja e Butrintit, për të cilën ka pasur debate me ministren e Kulturës Elva Margariti në Komision. Në debat ndërhyri edhe Kryeministri Rama.
-
VIDEO
'Rithemelimi' përfundon zgjedhjet për kryetar dege, Vokshi: Ishin mbi 39 mijë pjesëmarrës, janë zgjedhur 8 gra kryetare
Procesi zgjedhor i drejtuar nga Komisioni i Rithemelimit ka përfunduar në 70 degë në të gjithë Shqipërinë. Në një konferencë për mediat, Albana Vokshi bëri me dije se ushtruan të drejtën e votës 39.512 qytetarë ndërsa për herë të parë u zgjodhën 8 zonja kryetare.
-
VIDEO
Shkarkimi i Elizabeta Imerajt, Yzeiri: 2 vjet kjo çështje, ndërkohë gjykatat e mbushura me ‘Zhukra’! Peticioni kundër Kim? E inicioi Berisha, i zemëruar me SHBA
Analisti Ilir Yzeiri tha se drejtësia prej 2 vitesh është angazhuar për cështjen e Elizabeta Ymerajt, e cila u shkarkua ditën e djeshme nga KPA, ndërkohë që gjykatat janë të mbushura me “Zhukra”. Behet gjalë për gjyqtarin e Tiranës Agron Zhukri, i cili ka “në dorë fatin e PD” dhe që ende nuk ka kaluar nga filtri i Vetingut.
-
VIDEO
Zhupa: Çështjen e Butrintit do ta çojmë në SPAK, po e trajtoni si mall tregu
Deputetja e PD, Ina Zhupa iu përgjigj kryeministrit Edi Rama për çështjen e Butrintit duke i thënë se do ta çojë në SPAK. Në fjalën e saj në Kuvend, ngre pyetje përse në planin e menaxhimit nuk u përfshi asnjë ekspert apo studiues shqiptar. Zhupa thotë se qeveria po e trajton Butrintin si mall tregtar, ndaj të mos çuditet askush që të blihen bileta avioni për të justifikuar milionat.
-
VIDEO
Ministrja e Kulturës: Butrinti nuk po jepet me koncesion! Po kthen kokën drejt Europës me formulë më të mirë menaxhimi
Ministrja e Kulturës, Elva Margariti ka theksuar sot në Kuvend se Butrinti nuk do të jepet me koncesion, por do të ketë një përfaqësim më të mirë dhe formulë më të mirë menaxhimi.
"Në seancë na u servir një spektakël shumë i shëmtuar. Është trillimi ai që ne duhet të shmangim dhe më vjen keq që është abuzuar me imazhin publik dhe është harruar që ne jemi shembulli publik. Nuk besoj se kemi parë më parë gra që shkulin mikrofona dhe i bien tavolinave me grushte. Mua më rëndon që këtë e bën një grua. Mos të trillojmë në të gjitha çështjet që trajtojmë. Nuk po jepet Butrinti me koncesion. Butrinti po kthen kokën drejt Europës, botës, me përfaqësim më të mirë dhe formulë më të mirë menaxhimi", tha ministrja.
-
VIDEO
Tritan Shehu: E papranueshme që kryeministri të ofendojë në këtë mënyrë opozitën! Të ndërpritet seanca, Rama të ndëshkohet për shkelje etike
Deputeti demokrat, Tritan Shehu ka akuzuar kryeministrin Edi Rama se ofendoi 'në mënyrë të papranueshme' opozitën, ndërsa i kërkoi kryetares së Kuvendit të ndërpresë seancën dhe kryeministri të ndëshkohet për shkelje etike.
"Të ofendohet në këtë mënyrë opozita nga kryeministri i vendit, është e papranueshme. Të kalohen të gjitha normat etike, është e papranueshme, procedura nuk e lejon dhe ju takon ju kryetare t'i ndërprisni fjalën kur kalohen këto caqe të rënda etike. Ju zonja kryetare kërkuat t'i ndërprisni fjalën zonës Zhupa se doli nga rendi i ditës, por ku ne quhemi, kope e hajvanë, nuk paska dalë njeri nga rendi i ditës. Si mund të lejohet kjo. Unë kërkoj të ndërprisni seancën të kërkoni mbledhjen e Konferencës së Kryetarëve dhe të merrni masa ndëshkimore ndaj kryeministrit për shkelje të etikës", tha ai.
-
VIDEO
Duma-Ramës: E ke në seancë psikoterapike të shfrysh me stërkalat e pështymës së përroit psikologjik! Me patronazhistët kthyet makthin e tmerrshëm të spiunimit
Deputetja e PD, Grida Duma i përgjigjet me gjuhë të ashpër kryeministrit Edi Rama duke i thënë se duhet të ketë durimin psikologjik të dëgjojë teksa flasin edhe të tjerët, jo të largohet nga Kuvendi.
Sipas saj, Rama e ka seancë psikoterapike që të shfryjë drejt PD, por kur ishte i ri synonte të bëhej pjesë e saj. Nuk hezitoi të thoshte që në PS ka njerëz të spikatur, jo kope siç i cilësoi Rama ata të opozitës. Sa i përket të dhënave personale, kujton patronazhistët e 25 prillit duke thënë se i kanë kthyer shqiptarët në kohën e komunizmit kur nuk dinin kujt t’i besonin se spiunoheshin.
-
VIDEO
23 vjetori i Masakrës së Mejës, Kuvendi mban 1 minutë heshtje
Kuvendi i Shqipërisë ka nderuar sot me një minutë heshtje viktimat e masakrës së bërë 23 vite më parë nga serbët në Mejë në Gjakovë, ku u ekzekutuan 372 civilë shqiptarë të Kosovës.
-
VIDEO
Alibeaj: Të sanksionohet Rama për gjuhën e përdorur! Kryeministri: Keni nivel të ulët, s'është faji im nëse u ndjetë dele
Enkelejd Alibeaj i ka kërkuar kryetares së Kuvendit, Lindita Nikolla që të sanksionohet kryeministri Edi Rama për gjuhën e përdorur duke thënë se vetëm gjendja e rënduar mund ta shpëtojë.
"Duhet sanksionuar nga juve pavarësisht se është ulur poshtë jush. Për historinë e budallenjve apo të hajdutëve, këtu mund të jenë shumë të rinj dhe në kohën kur zotëria ishte ministër kulture, ikonat i çoi në Gjermani dhe nuk u kthyen kurrë këtu. Për procedurë po them, për të kthyer seriozitetin e diskutimit në këtë sallë dhe për të folur për gjërat që i interesojnë shqiptarëve dhe jo budallenjve siç pretendon ai, të flasë nga Ina Zhupa. Pres sanksionet për deputetin Rama, vetëm gjendja mendore e rënduar e shpëton nga sanksioni', tha Alibeaj.
Në replikën e tij, kryeministri Rama u shpreh se kanë nivel të ulët të gjuhës duke shtuar se nuk i tha askujt budalla, por kanë budallallëkun si sëmundje ngjitëse në kope. Ndër të tjera i thekson se nuk është problemi i tij nëse ndihen dele dhe e marrin për fyerje.
-
VIDEO
Akuzat për Butrintin, Rama: Investimi do bëhet nga Fondacioni Shqiptaro-Amerikan! Do jetë i pari park pa asnjë përqindje karboni, komplet zonë e gjelbër
Teksa iu përgjigj akuzave te opozitës për Parkun e Butrinit, kryeministri Edi Rama sqaroi se investimi do të bëhet nga Fondacioni Shqiptaro-Amerikan, duke theksuar se nuk është mëkat që Butrinti do të ketë aktivitete fitimprurëse. Ai shtoi po ashtu se Parku i Butrintit do të jetë i pari që do të hyjë në hartën e parqeve me zero përqindje karboni.
"E dini kush është fondacioni shqiptaro-amerikan? Është një kontributor i rëndësishëm në të gjithë procesin e zhvillimit të vendit me kohë e me vakt dhe është një bashkëpunëtor i qeverisë, jo sot por i të gjitha qeverive të Shqipërisë prej kohësh. Ju po akuzoni se fondacioni shqiptaro-amerikan, kontribut i një grupi njerëzish që jetojnë në SHBA dhe mbledhin fonde për Shqipërinë, na paska hyrë në marrëveshje sekrete me qeverinë për të hapur bare dhe restorante në Butrint sepse për ju bari dhe restoranti janë akoma e vetmja mënyrë si e shikoni ju fillimin e konvertimit të politikës në para sepse ju jeni autorët e kioskave. Jeni të njëjtët, nuk ndryshoni, nuk ka rëndësi fare se disa nga ju nuk kishin lindur kur u hapën kioskat. Kopeja juaj ka logjikën e vet, ju kioskën e keni në kokë. Keni të gjithë moshën e atij të vdekurit që e dini për të gjallë. Parku i Butrinit sot, falë punës që kemi bërë ne, këtyre marrëveshjeve, prej vitesh ka vazhduar të qëndrojë në fuqi bashkëpunimi dhe ka vazhduar të ecë puna në Butrint në saj të këtyre marrëveshjeve që kontribuojnë për këtë vend. Butrinti patjetër që do ketë aktivitete fitimprurëse, ky nuk është mëkat, por ju duhet të shikoni se për çfarë do përdoren për Butrintin. Do përdoren për Butrintin. Parku do bëhet siç themi ne, ju flisni sa të doni, ne dimë se çfarë bëjmë, ju nuk dini se çfarë flisni. Partneri ynë është fondacioni shqiptaro-amerikan. Ky fondacion nuk je kredi, nuk kërkon asgjë nga shteti shqiptar veç partneritetit. Ata investojnë dhe ne investojmë, së bashku siç kemi bërë në shumë projekte. Në Butrint po kalohet në modelin e administrimin e parqeve kombëtare në botën e zhvilluar. Qëllimi është që Butrinti të jetë Park Kombëtarë që të vazhdojë të rrisë fuqinë atraktive, të vijojë të zhvillohet në sensin e gërmimeve arkeologjike dhe ne jemi krenarë për këtë marrëveshje dhe shumë falënderues fondacionit që ka marrë përsipër këtë investim, të kërkuar prej nesh. Ne jemi shumë krenar për këtë marrëveshje dhe falënderues që fondacioni ka marrë përsipër të bëjë këtë investim. Fondacioni ka pranuar të hyjë në këtë proces dhe Butrinti do të jetë edhe e para zonë e cila do të hyjë në hartën e zonave pa asnjë përqindje karboni, pra komplet zonë e gjelbër në sensin jo me pemë dhe shkurre por me të gjitha aktivitetet e brendshme pa asnjë përqindje karboni. Për të gjitha këto, jemi shumë krenar", tha Rama.