• VIDEO

    EKSKLUZIVE/ Presidentja e PE, Metsola për Report Tv: Asnjë kriter shtesë për Shqipërinë, sa më shpejt negociatat! Stabiliteti i rajonit, jetik për stabilitetin e BE-së

    Presidentja e Parlamentit Europian Roberta Metsola në një komunikim me gazetarin Ermal Qori për Report Tv është shprehur se procesi i zgjerimit mund të jetë një mjet i fuqishëm për të kundërshtuar përpjekjet e aktorëve të huaj keqdashës, për të destabilizuar rajonin.

    • VIDEO

      Rama-PD-së: Nga ju dëgjoj të njëjtat argumente 'denbabaden', jeni kope, i shkoni pas të 'vdekurit'

      Gjatë fjalës së tij në parlament kryeministri Edi Rama tha se demokratët edhe pse janë prej kohësh të përçarë përdorin të njëjtat argumente dhe fjalë, duke mos dalluar aspak nga njeri-tjetri.

      Rama tha se demokratët ndjekin mënyrën e politkbërjes së të “vdekurit” siç e cilësoi, Sali Berishës.

      “Edhe këtë të kartelës e kam dëgjuar nga ju kam kohë. Kjo e kartelës tregon dhe njëherë që ju jeni e njëjta gjë edhe kur jeni të ndarë, përdorni të njëjtat argumentet dhe përdorini të njëjtat fjalë. Njerëzit kur ndahen për çështje të mospajtimeve politike, kulturore, estetike, nuk i dallon dot po që se dallohen vetëm nga fytyra dhe emri. Kartela klinike...këtë e kam dëgjuar denbabaden nga ai që ka vdekur. Jeni kope, ky është fakt, jo opinion. E vërteton e përditshmëria juaj, pavarësisht se jeni nga njëra apo tjetra. S’ka marrëveshja sekrete dhe çfarë do të bëhet me Butrint e vendosim ne që kemi shpëtuar Butrintin nga ju. E mbaj mend se çfarë ishte Butrintin kur unë jam bërë ministri i Kulturës dhe kur kemi krijuar bordin e administrimit të Butrintit dhe njësoj si atëherë, kjo zonja këtu qe flet nuk kishte lindur akoma. Nuk ka lidhje, kurdo që lindi ju, mjafton të futen në këtë kope dhe merrni sëmundjen e budallallëkut. Nuk ka lidhje kur keni lindur, as sa normal keni qenë, çfarë keni studiuar ju infektoheni nga baballëku. Mos u ofendoni fare! Nuk do të thotë të jesh budalla, do të thotë të jesh në një krizë! Jeni thellësisht të afektuar! E keni shtrembërim në ADN, që për çdo gjë flisni bashkë. Mos u fyeni, shikoni veten në pasqyrë, do kuponi që unë po them shumë pak.”, tha ai.

    • VIDEO

      Butrinti me koncesion? Rama për PD: Ju i gjetët pronën teatrit antik, gjetët pasardhësin e atyre që e ndërtuan! Budallallëku në kopenë tuaj sëmundje ngjitëse

      Kryeministri Edi Rama e ka cilësuar budallallëk qëndrimin e Partisë Demokratike për çështjen e Butrintit.

      “Sot e gjithë ditën ka një pretendent fizik, subjekt fizik për Butrintin si pronë familjare.  I keni njohur pronën në teatrin Antik të Butrinti një subjekti fizik. Keni pranuar se sot në Shqipëri jeton stër, stër stër stër stër nipi i atyre që ndërtuar teatrin antik. Këta jeni ju. Budallallëku në familjen tuaj është sëmundje ngjitëse. E keni në ADN-në e partisë tuaj që të trashëgoni budallallëkun brez pas brez dhe që ta bazoni të gjithë përsiatjen tuaj për t’i bërë njerëzit për budallenj. Jeni si ajo pjesa e ndarë përgjysmë nga e njëjta gjë. Vini flini këtu për vlerat e trashëgimisë sonë kulturore ju. Ju që kulturalisht jeni kërcënimi më i madh i vendit tonë, agresion permament mbi shoqërinë tonë. Ju që kulturalisht kërkoni ta ktheni Shqipërinë në kohën kur luftonte Amerikën”, tha kryeministri Rama.

    • VIDEO

      Debate në Kuvend për ‘Butrintin’/ Zhupa: Do ndërtoni bare e restorante, shiko Instagramin tim! Ministrja e Kulturës: Je regjisore e humbur

      Deputetja e PD, Ina Zhupa po fliste për të drejtën e informimit dhe u ndal tek cështja e Butrintit, për të cilën ka pasur debate me ministren e Kulturës Elva Margariti në Komision. Sipas Zhupës, në Butrint do të jetë biznes fitimprurës për një fondacion ndërsa Margariti i tha se ka një keqardhje e një kompliment për të.

    • VIDEO

      Kuvendi i 30 prillit, Bardhi: Miting i njëanshëm për interesat e Berishës! Platforma e Alibeajt? Askush nuk u tërhoq, s’jemi karagjozë

      Deputeti i Partisë Demokratike, Gazmet Bardhi i cili cilësoi Kuvendin e “Rithemelimit” një miting të njëanshëm, tha se kjo është përpjekja e radhës për të mbajtur PD e përçarë për interesat e Sali Berishës.

      Ai theksoi se Grupi Parlamentar votoi për platformën e propozuar nga Alibeaj për bashkim, ndërsa mohoi faktin se disa nga deputet janë tërhequr duke thënë se ata nuk janë karagjozë.

      “Ka një miting tjetër të organizuar në mënyrë të njëanshme si një akt për të vijuar përçarjen.

      Ka një platformë të shumicës dërmuese të grupit parlamentar të PD, që është një hap konkret për bashkimin e demokratëve. Ka një pjesë të demokratëve që nuk e duan bashkimin dhe duan ta lënë përjetë në opozitë për interesat e tyre.

      Çdo deputet që i ka vënë emrin e tij asaj platforme ka shpehur qëndrimin e tij, vendimet merren nga institucionet që kanë të drejtë statutore, ne deputetet kemi shprehur mendimet tona sesi mund të arrihet bashkimin.  Secili prej deputetëve ka shprehur mendimet e tij në një mbledhje të grupit parlamentar që ka zgjatur 9 orë. Ai qëndrim është shprehur edhe me shkrim.

    • VIDEO

      Alibeaj: PD ka një platformë bashkimi që është në fuqi, çështja është në gjykatë, presim vendimin

      Kryetari i komanduar i PD-së, Enkelejd Alibeaj, teksa foli për situatën në PD, u shpreh se tashmë ata kanë një platformë bashkimi 'që nuk synon interesin individual të personave me probleme'. Ai shtoi po ashtu se PD ka ka rregullat dhe institucionet e saj, pavarësisht veprimeve që bën Berisha, dhe ato do të qëndrojnë njësoj deri në vendimin e Gjykatës.

       
    • VIDEO

      Presidenti i ri/ Alibeaj: Nuk i ikim përgjegjësive, duam një figurë politike që t’i përfaqësojë të gjithë! Mazhoranca se ka legjitimimin ta zgjedhë e vetme

      Ndryshe nga Sali Berisha që i ‘ka larë duart’ me procesin e zgjedhjes së Presidentit të Republikës, kryetari i grupit parlamentar të Partisë Demokratike, Enkelejd Alibeaj, është shprehur se është detyrim dhe përgjegjësi e çdo partie politike dhe askush nuk duhet t’i ikë kësaj përgjegjësie.

    • VIDEO

      Repolitix/ Kush do të jetë presidenti i ri? Kriza në PD, akti i fundit me 30 Prill

      Repolitix/ Kush do të jetë presidenti i ri? Kriza në PD, akti i fundit me 30 Prill 

    • VIDEO

      Nis në OKB mbledhja për llogaridhënien për krimet në Ukrainë, e organizon Shqipëria e Franca, e drejton ministrja e Jashtme: Thelbësore që të gjitha krimet të dokumentohen

      Në selinë e Organizatës së Kombeve të Bashkuara në New York para takimit në Këshillin e Sigurisë, ministrja e Jashtme Olta Xhaçka dha një deklaratë në lidhje me luftën në Ukrainë pas sulmit nga Rusia. Xhaçka tha se është thelbësore që të gjitha krimet e  luftës në Ukrainë të dokumentohen dhe të përdoren në gjykatë. Sipas ministres, propaganda ruse ka shtrembëruar realitetin, por ne duhet të themi të vërtetën

    • VIDEO

      Berisha në krye të PD? Rama: Nuk është koha për ta turpëruar në këtë farë feje Shqipërinë

      Kryeministri Edi Rama në përfundim të mbledhjes së Kryesisë ka bërë ironi me Komisionin e Rithemelimit duke thënë se nuk e di se çfarë është, teksa pati edhe një mesazh për Sali Berishën dhe ata që e ndjekin nga pas.

      "Ça është ky Komisioni i Rithemelimit? Nuk kam parë në ndonjë flet votimi subjekt, Komision Rithemelimit. Shtëpia e Lirisë, e kujt lirie? Me botën e përtejme ne nuk kemi asnjë lidhje dhe as nuk negociojmë e as nuk diskutojmë, dhe atyre që gabimisht kujtojnë se përfaqësuesi i botës së përtejme është gjallë, se gjallimi fizik është tjetër dhe gjallesa politike është krejt tjetër dhe nuk është koha e atyre që e ndjekin për ta turpëruar Shqipërinë në këtë farë feje, edhe pse janë një pakicë që rrudhet nëse do të shkojnë nga pas botës së përtejme", tha Rama.

    • VIDEO

      Negociatat me opozitën për presidentin e ri? Rama: S'ka ndonjë dramë të madhe nëse nuk kontribuon, s'do ishte hera e parë

      Kryeministri Edi Rama ka treguar se deri ku qëndrojnë negociatat me opozitën për presidentin e ri.

      "Nuk a probleme afatesh, po ndërtohet procesi, do presim deri në momentin kur do të fillojmë procesin kur do të kemi emrat, nëse ata nuk do të sjellin asnjë kontribut, nuk ka ndonjë dramë të madhe, s'është hera e parë. madje e kundërta. Ne kur ishim opozitë që s'kishim vota dhe e dinim që gjasat do të ishte që  do të ishte një partizan i PD, ne dhamë kontributin tonë, opozita është në Parlament për të dhënë kontributin e vet që të bindi pjesën tjetër", tha Rama.

    • VIDEO

      Integrimi në BE/ Rama: Aspak optimist për negociatat mes Bullgarisë dhe Maqedonisë, do kërkojmë që të na ndajnë

      Kryeministri Edi Rama ka bërë me dije se nuk është aspak optimist për negociatat mes Maqedonisë së Veriut dhe Bullgarisë, prandaj ka theksuar se do të kërkojë ndarjen nga Maqedonia sa i përket procesit të integrimit në BE.

      "Unë nuk jam optimist për rezultatin e negociatave që po zhvillohen mes Maqedonisë së Veriut dhe Bullgarisë, dhe siç e panë në Formularin e Këshillimit, nëse në fund të kësaj 6 mujori ky ngërç nuk do zgjidhet ne do kërkojmë me insistim që të na ndajnë", iu përgjigj Rama, pyetjes së gazetarit të Report Tv, Ermal Qori.

      •  

    Për lajme të tjera kërkoni në arkiv