• VIDEO

    Basha mesazh Berishës: Ndalni sa nuk jeni vonë! Dora për ata që e kanë humbur arsyen, por iu është rikthyer është e shtrirë

    Lulzim Basha iu ka dërguar një mesazh Sali Berishës dhe mbështetësve të tij.

    “Ndalni sa nuk jeni vonë, jua them qetësisht, por vendosmërisht, gjithçka iu fal, por nuk iu fal dhunën e gjuhës së urrejtjes ndaj demokratëve, për të tjerët dora është e shtrirë, të rinjtë që ishin jashtë vendin e kanë PD, nëse duan këtë gjë, është detyra ime dhe çdo drejtuesi t’i shtrijmë dorën nga acari dhe hutimi ku i ka çuar gjuha e urrejtjes, frikës, që janë instrumente të kaluara, modeli i grave këtu në sallë është frymëzim për çdo demokratë, kryetarin nuk keni nevojë që ta forconi, e keni të fortë, e keni në krahun tuaj. Do t’i dëgjojmë të gjithë ata që nuk e kanë humbur arsyen, ose që e kanë humbur dhe i është rikthyer, për të kuptuar që këtë betejë nuk është për fatin e  një njeriu”, tha Basha.

  • VIDEO

    Mbështetësja e Bashës që u përplas me Kokalarin: I bëj thirrje Berishës, s'kam frikë t'ia them emrin, të kërkojë falje nga nënat demokrate që i ka gjuajtur me gurë

    Violeta Geci është një prej mbështetëset e kreut të Partisë Demokratike Lulzim Basha, e cila ka pasur edhe një përplasje verbale dhe fizike në selinë e PD me Evi Kokalarin.

    Gjatë takimit të kryedemokratit me gratë demokrate, Geci tregoi disa momente të vështira sipas saj gjatë ditës së protestës së dhunshme të organizuar nga Sali Berisha.

    "Jam me zë të ngjirur nga gazi i asaj dite. Dua të tregoj një episod në momentin që na sulmuan me gaz, disa shoqe u përqafuam për të fundit herë, do dalim apo s'do dalim gjallë thonim. Unë thoja kam çunat me 40, Marta thoshte kam çunat në shtëpi pa ngrenë qanim të gjitha. Ka qenë dita më e vështirë e jetës sime. Na gjuanin me gaz, me shkopinj, me gurë si të dilnim tek fëmijët tanë? Nuk bashkoheshin dot në o momente. Atë ditë qanim dhe thonim, a do dalim gjallë? Si do të shkojmë në shtëpi?", u shpreh ajo.

    Mbështesja e Bashës i bëri thirrje Berishës, duke mos hezituar t'i lakoi emrin, t'i kërkoi falje nënave demokrate që i qëlloi me gurë.

    "Unë i bëjë thirrje patriotit tim, se kryetari im nuk është më të kërkojë falje nga të gjitha nënave të Tropojës që janë veshur me të zeza.  Sali Berisha na ka prek shumë, po ja them edhe emrin pa frikë, un s'kam frikë.  Ai nuk duhet të vinte të na gjuante me gurë, neve nënave. Dua t'i them tërhiqu.", shtoi ajo.

  • VIDEO

    Kërkesa e Bashës për ndryshimet në Statutin e PD, Gjykata e Tiranës do e shqyrtojë në 15 shkurt! Ende asnjë datë për kërkesën e Berishës

    Gjykata e Tiranës ka caktuar datën për shqyrtimine e kërkesës së Partisë Demokratike për ndryshimin e statusit të partisë në Kuvendin e PD të 17 korrikut 2021. Seanca e parë që do shqyrtojë këtë çështje nga gjyqtarja Blerina Muça pritet të zhvillohet më 15 shkurt.

  • VIDEO

    Ministrja gjermane në Tiranë: Mbështesim 'Ballkanin e hapur' dhe tregun e përbashkët rajonal! Të jetë gjithëpërfshirës

    Gjermania mbështet nismat për bashkëpunim rajonal dhe formimin e një tregu të përbashkët me 4 liritë e mëdha të lëvizjes. Mesazhi është dhënë në Tiranë nga ministrja gjermane për Europën, Anna Luhrmann.

    Pas takimit që zhvilloi me zv. Kryeministrin Ahmetaj ajo u shpreh se Procesi i Berlinit mbetet i një prioriteti të madh edhe për Qeverinë e re të Gjermanisë.

    "Ne mbështesim nismat e bashkëpunimit të krerëve të shteteve të Ballkanit Perëndimor. Këtu të përfshihen të gjashta vendet dhe nismat duhet të jenë gjithëpërfshirëse.  Duhet të ngrihet tregu i përbashkët rajonal. 4 liritë e mëdha, e lëvizjes së mallrave, shërbimeve, njerëzve dhe kapitalit, janë thelbësore për zhvillimin e rajonit", tha ajo.

    Ministrja lavdëroi avancimin e Shqipërisë për reformat.

    "Për mua është e rëndësishme të dërgoja një mesazh këtu në Shqipëri, ndaj dëshiroj të bëj të qartë se Shqipëria dhe Ballkani Perëndimor kanë një perspektivë të qartë drejt Bashkimit Evropian. Në bashkëpunojmë ngushtësisht në shumë sektorë. Pikërisht këtë vit kur Shqipëria ulet për herë të parë në Këshillin e Sigurimit të OKB ne gëzohemi që do të mund të mbështetemi te Shqipëria si partner i besueshëm.  Shqipëria ka bërë hapa para edhe në drejtim të luftës kundër krimit të organizuar. Kjo meriton një lavdërim të madh. Në këtë rrugë do të duhet të vijohet më tej me vendosmërinë. Dhe këtu janë të nevojshëm si Qeveria dhe opozita, hapat pas do ta dëmtonin procesin", tha ajo.

  • VIDEO

    Ballkani i Hapur/ Ministrja gjermane në Tiranë: Mbështesim nismat rajonale për treg të përbashkët, Shqipëria gati për negociatat! Ahmetaj: Integrimi s’mund të pengohet nga lojëra të vendeve të treta

    Pas vizitës në Maqedoninë e Veriut, ndalesa tjetër e ministres gjermane të Europës, Anna Luhrmann ka qenë Tirana. Ajo  është pritur nga zv.kryeministri Arben Ahmetaj. Ky i i fundit në konferencën për mediat vuri theksin se Shqipëria i ka bërë detyrat për integrimin në Bashkimin Europian. Ai tha se integrimi i vendeve të Ballkanit Perëndimor është domosdoshmëri, pasi sipas saj nuk duhet lënë një vakum për t’u përdorur si lojë nga vendet e treta.

  • VIDEO

    'Tensionet' me demokratëve në Kuvend, Balla: Nga grupi i PD janë përjashtuar historikisht deputetë! Noka: Po bëhesh zëdhënësi i shoqatës së bravave

    Kreu i grupit të PS, Taulant Balla ka ndërhyrë në tensionet mes demokratëve në Kuvend. Ai iu tha demokratëve se kjo seancë parlamentare duhet të vazhdojë normalisht dhe debatet e tyre t'i transferojnë në një seancë tjetër.

    “Mbështes vendimin tuaj zonja kryetare. E para të kujtojmë që në këtë sallë janë njoftuar vendime për përjashtime historikisht. Është përjashtuar Spartak Ngjela, Gilman Bakalli. Në këtë aspekt e drejta e një grupi parlamentar për të përjashtuar dikë është ekskluzive. Jam besimplotë që brenda grupit të PD ka një rregullore. Po flas si një deputet. Nuk ekziston koncepti i pezullimit o je o s’je në një grup. Do i kërkoja grupit të PD që këtë ta adresojë në një seancë pasardhëse. Në këtë këndvështrim mendoj se seanca duhet të vazhdojë normalisht”, u shpreh Balla.

    Por deputeti demokrat, Flamur Noka tha se Balla nuk mund të ndërhyjë në punët e brendshme të Partisë Demokratike.

    “Taulant balla nuk mund të flasë në emër të grupit të PD. Në rast se pengu autorizon Taulant Ballën të bëjë zëdhënësin e PD nuk mund të pranohet. Balla të vazhdojë me grupin e tij, por zëdhënësin e  shoqatës së bravave mund ta bëjë sa të dojë”, u shpreh ai.

  • VIDEO

    Balla: Nuk po marr në mbrojtje PD, qoftë larg të merremi me punët tuaja, ta gëzoni atë që iu ka gjetur

    Kreu i grupit të PS-së, Taulant Balla në fjalën e mbajtur në Kuvend i është përgjigjur Flamur Nokës i cili e cilësoi si 'zëdhënës të shoqatës së bravave' dhe se po merrte në mbrojtje PD-në. Balla i tha se përjashtimi i deputetëve nga grupi parlamentar është e drejtë ekskluzive e çdo partie, ndërsa theksoi se nuk ka ndërmend të marrë në mbrojte PD, por kjo e fundit duhet 'të gëzojë atë që e ka gjetur'

    Gjatë këtyre gjashtë muaj e gjysmë punë, të kemi mundësinë të kalojmë vendime të duhura në dobi të qytetarëve.  Qoftë larg që të hyjmë në punët tuaja të brendshme. I gëzofshi, i paçi për vite me radhë se ne ua thamë se këtu do përfundoni. Rregullorja nuk i ka shumë të qarta disa çështje, mendje se e drejta e çdo grupi parlamentar për ta përjashtuar dikë është e drejtë ekskluzive, prandaj ndërhyra dhe Noka më etiketoi që po marr në mbrojtje. As nuk e kam ndërmend, ju e gëzofshi ca iu ka gjet. Gjej rastin të falënderoj çdo koleg të PD që kanë votuar marrëveshje të rëndësishme se ky është një model që i bën nder secilit prej nesh.

    Dua t'iu them se opozita është institucion tepër i rëndësishëm, madje në Kuvend është pjesa përbërëse është pjesa më e rëndësishme që ka të bëj me kontrollin parlamentar. Keni ardhur me disa propozime dhe ne kemi qenë korrekt për të pranuar e punuar dua t'iua them troç që një pjesë e sjelljes tuaj nuk ka qenë brenda asaj që parashikon ligji, rregullorja e kuvendit, e megjithatë ka qenë fleksibilitet. Atë që kemi hequr ne me ju, atëherë ishte Berisha, sot Basha, ato që kemi hequr ne me ju në opozitë jua kemi thënë në 2013 ju s'keni për të vuajtur aspak nga ana jonë. Ta votojmë Gjekmarkajn, ne jemi të gjithë pro sepse është e drejtë ekskluzive", tha Balla në Kuvend.

  • VIDEO

    Çfarë solli vizita e Erdoganit?Të ftuar Kreshnik Çollaku dhe Bledian Koka

     

    Kryefjalë e ditës së sotme ka qenë vizita e presidentit turk Erdogan, e në një kohë kur ai është kritikuar shumë për marrëdhënien që ka me kryeministrin Edi Rama, gazetari dhe analisti Bledian Koka bëri me dije se edhe në PD-ja ka deputetët që “janë erdoganistë”. Deputeti i Partisë Demokratike, Kreshnik Çollaku është shprehur se pamjet që ofroi 8 janari, nuk e kishte menduar kurrë që do i shihte e ndërsa vë theksin se pasojat kryesore të kësaj lufte të brendshme nuk do të shkojnë të Lulzm Basha apo Sali Berisha, 2 protagonistët kryesor, por te demokratët e thjeshtë.

  • VIDEO

    Deputetët 'pro Berisha' dalin nga seanca, Noka për mediat: E njoftuam Nikollën! PD-në e përfaqëson vetëm Komisioni i Rithemelimit

    Partinë Demokratike e përfaqëson vetëm Komisioni i Rithemelimit. Me këtë qëndrim të ripërsëritur deputetët demokratë që janë pro lëvizjes së Sali Berishës dolën nga seanca plenare pas debateve me Nikollën dhe më pas i rikthyen për të dëgjuar fjalimin e Erdogan.

    Në emër të tyre foli për mediat  Flamur Noka.

    "Ne ju bëjmë me dije shqiptarëve se ata sot kanë opozitë dhe kanë deputetët e tyre që do të përballen me regjimin. Ne i kemi dorëzuar një shkresë Kuvendit më datë 23 dhjetor. Institucioni legjitim i dalë nga Kuvendi i PD-së më 11 dhjetor i dërgon një letër kryetares së Kuvendit për gjithçka ndodhi dhe vendimet që u morën në atë Kuvend. Kush do që ta emërojë pengun në krye të opozitës e ka gabim", tha Noka.

    I pyetur se çdo të ndodhë në zgjedhjet e pjesshme lokale që pritet të mbahen shumë shpejt, Noka tha se do të përgatiten.

  • VIDEO

    Çollaku te ‘5 Pyetjet’: Zgjidhja e krizës në PD, s’është votëbesimi, pro braktisja totale e dhunës! Pasojat do bien mbi demokratët e thjeshtë

    Deputeti i Partisë Demokratike, Kreshnik Çollaku është shprehur se pamjet që ofroi 8 janari, nuk e kishte menduar kurrë që do i shihte e ndërsa vë theksin se pasojat kryesore të kësaj lufte të brendshme nuk do të shkojnë të Lulzm Basha apo Sali Berisha, 2 protagonistët kryesor, por te demokratët e thjeshtë.

  • VIDEO

    5 Pyetje nga Babaramo/ Kreshnik Çollaku çfarë solli vizita e Erdoganit

    Kreshnik Çollaku çfarë solli vizita e Erdoganit

  • VIDEO

    Erdogan, lira për tërmetin dhe polemika

    Erdogan, lira për tërmetin dhe polemika

Për lajme të tjera kërkoni në arkiv