-
VIDEO
Ndoka në Report Tv: Berisha ka mision, por jo e ardhmja e PD! Rama i mërzitur se investimi te Basha i shkoi dëm! Do kthehet si 'mbeturinat' që patëm në Kuvendin e kaluar
Kreu i Partisë Demokristiane, Nard Ndoka i ftuar në Report Tv është shprehur se Sali Berisha ka një mision, rithemelimin e PD-së, por theksoi se ai nuk është e ardhmja e kësaj partie. Ai ka vlerësuar maksimalisht ‘Foltoret’ e Berishës, duke thënë se në këtë aksion politik nuk ka gabuar, por ka ngjallur shpresën.
-
VIDEO
Do të shkojnë te selia e PD? Paloka: Nëse atje kanë frikë nga demokratët, ky është fundi! Ne nuk marrim asgjë me dhunë
Përgjigjes nëse do të shkojnë apo jo në selinë e PD, pas punimeve në Kuvend, Edi Paloka nuk i dha asnjë përgjigje të qartë, por tha se është fundi nëse në selinë blu kanë frikë nga demokratët. Ai u shpreh se ata nuk do të marrin asgjë me dhunë dhe se vendimet e dala sot nga Kuvendi i Berishës, duhet t'i zbatojnë të gjithë.
-
VIDEO
Shkarkimi i Bashës, voton Sali Berisha
Ish-Kryeministri Sali Berisha ka votuar pak minuta më parë në stadiumin 'Air Albania' për shkarkim ose jo të Lulzim Bashës. Votimi është i fshehtë.
4935 delegatët e pranishëm sipas grupit organizator të Kuvendit janë thirrur për të votuar për shkarkim të kryetarit, ndërkohë që ratifikimi i shkarkimit do të bëhet me 'një anëtar, një votë' me referendum në ccdo degë të partisë.
-
VIDEO
Momenti kur demokratët presin në radhë për të votuar shkarkimin e Lulzim Bashës
Kuvendi ka filluar votimin e fshehtë për shkarkimin e Lulzim Bashës, votim i cili do të ratifikohet me referendum në 18 dhjetor. Në pamjet e siguruara nga Report Tv, shihen demokratët që presin në radhë të votojnë për shkarkimin e kryedemokratit Basha. Organizatorët pohuan për Report Tv se nëse miratohet shkarkimi, do te ngrihet një komision që do të marrë drejtimin e partisë.
-
VIDEO
Berisha 'presion' SHBA-ve: Të rishikojë vendimin, arroganca dhe gabimi s'janë virtyte të njerëzve të lirë
Ish-kryeministri Sali Berisha, nga stadiumi 'Air Albania' ku po zhvillohet Kuvendi i PD-së i thirrur prej tij ka pasur një mesazh edhe për Shtetet e Bashkuara të Amerikës.
"SHBA të rishqyrtojë vendimin e tyre. Arroganca nuk është virtyt i njerëzve të lirë. Unë do të vazhdoj i palëkundur së bashku me ju, për të përmbysur narkoshtetin, për të kthyer në pushtet Partinë Demokratike. Si parti e vlerave të lirisë, që në qendër ka qytetarin dhe interesat e tij", tha Berisha.
-
VIDEO
Berisha sulmon Yuri Kim: Nuk po sillet si përfaqësuese e SHBA, por si dikur ambasadori i Bashkimit Sovjetik në Tiranë
Sulme të ashpra i ka drejtuar Sali Berisha Ambasadores së SHBA, Yuri Kim, ku tha se nuk po sillet si përfaqësues e SHBA në vendin tonë, por siç sillej dikur ambasadori i ish-Bashkimit Sovjetik në Tiranë. Nga 'Air Albania' Berisha tha se SHBA është perandori e të mirës dhe Bashkimi Sovjetik ishte i të keqes, po theksoi se ndonjëherë zyrtarët e harrojnë këtë.
"Dua të theksoj dhe t'u them këtyre zyrtarëve se ne jemi një komb i vjetër, në historinë tonë pak kush më shumë se ne ka patur të bëjë me superfuqitë e kohërave, nga lashtësia gjer sot. Bashkimi Sovjetik, ashtu siç e cilësoi Presidenti Regan, ishte perandori e të keqes, ishte superfuqia e totalitarizmit e degradimit të njeriut e mjerimit, dhunës, terrorit, e kundra e tij janë SHBA, perandori e lirisë, e vlerave, vendi i madh i lirisë. Ka bërë për lirinë e shqiptarëve më shumë se çdo vend tjetër në botë. Është e trishtuar e dhimbshme të shohësh ambasadoren e SHBA të sillet si guvernatorë njëlloj si dikur ambasadori sovjetik në Tiranë. Perandoritë ndryshojnë si nata me ditën, por mjerisht burokratë dhe njerëzit ndonjëherë e harrojnë këtë", tha ai.
-
VIDEO
Berisha ekzaltohet, bën premtime si në fushatë elektorale: Do rivendosim barazinë para ligjit, ekonominë e tregut e dinjitetin njerëzor
Turma e mbledhur në stadiumin 'Air Albania' e ka ekzaltuar së tepërmi Sali Berishën, i cili duket se ka harruar qëllimin e Kuvendit të thirrur prej tij, ndërsa filloi të bënte premtime sikur të ishte në fushatë elektorale. AI premtoi rivendosjen e barazisë para ligjit, ekonomi tregu dhe rikthimin e dinjitetit njerëzor.
-
VIDEO
Kuvendi voton sot shkarkimin e Bashës, ratifikimi me referendum më 18 dhjetor
Sot do të votohet në mënyrë të fshehtë shkarkimi i kreut të PD Lulzim Basha nga Kuvendi i Berishës. Ratifikimi i shkarkimit të Bashës do të bëhet përmes një referendumi më 18 dhjetor.
"Në mbështetje të nenit 43, të statutit të Partisë Demokratike me propozimin e një grupi të delegatëve Kuvendi Kombëtar vendosi të votojë me votim të fshehtë të delegatëve për shkarkim të kryedemokratit Lulzim Basha për dëmtim të rëndë të interesave politike. Votimi do kryhet gjatë zhvillimit të Kuvendit. Fleta të përmbajë pyetjen. A jeni dakord me shkarkimin e Lulzim Bashës? Vendimmarrja e dalë nga Kuvendi do të hidhet në votim edhe në çdo degë të PD në 18 Dhjetor 2021. Fleta e votimit në referendum të përmbajë pyetjen. A jeni dakord me vendimin e Kuvendit Kombëtar për shkarkimin e Lulzim Basha? Ky vendim miratohet me votim të hapur dhe hyn në fuqi menjëherë”, tha Këlliçi."-tha Këlliçi.
-
VIDEO
Ditëlindja e 31 e PD, Basha zbulon instalacionin me firmëtarët e themelimit të PD: Pa SHBA s’mund ta shkruajmë historinë
Teksa në Kuvendin e Berishës në 'Air Albania' u votua statuti i ri, Basha nisi festën në PD për ditëlindjen e 31 të kësaj partie. Basha tha se PD mbetet e vendosur për të vijuar përpara, teksa theksoi edhe njëherë se kjo nuk mund të arrihet pa mbështetjen e SHBA.
-
VIDEO
Ndryshimet në Statutin e PD Kuvendi i Berishës i miraton me ngritje duarsh! Komision rithemelimi merr në dorë PD-në për 4 muaj! Po humbe zgjedhjet ikën në shtëpi
Qëllimi kryesor i Kuvendit të thirrur sot nga Sali Berisha është ndryshimi i Statutit të PD për t'i hapur rrugë shkarkimit të Bashës.
Ndryshimet në Statut ia propozoi Kuvendit të thirrur nga Berisha, 4935 delegatëve por edhe militantëve të pranishëm, deputeti Oerd Bylykbashi. Statuti i ri i propozuar nga Sali Berisha u miratua me ngritje dore, duke e bërë të paqartë numërimin e votave se sa janë pro dhe sa janë kundër ndryshimeve.
Një ndryshim thelbësor i statutit sipas njerëzve të Berishës ka të bëjë me nenin se çdo akt i organeve të PD-së i ndërmarrë para hyrjes në fuqi të këtij Statuti dhe që bie në kundërshtim me dispozitat e tij, shfuqizohet automatikisht me hyrjen në fuqi të Statutit. Pra Berisha kërkon të zhbëjë vendimin e Bashës për ta përjashtuar.
Në dokument thuhet se pas Kuvendit për 4 muajt në vijim do të ketë një Komision të Përkohshëm të Rithemelimit që merr drejtimin e ekzekutiv të PD-së deri në konstituimin përfundimtar të organeve drejtuese. Komisioni përbëhet nga 15 anëtarë që zgjidhen nga Kuvendi kombëtar.
Në Statut parashikohet edhe një nen i veçantë është edhe për procesin e zgjedhjeve. Procesi nis me krijimin e organeve të reja dhe paraprihet nga një proces anëtarësimesh të reja dhe verifikimi i anëtarësisë ekzistuese.
Deputeti Bylykbashi tha se futja e referendumit, primaret, por edhe forcimi i organeve kolegjiale janë disa nga pikat e statutit të ri të PD-së. Një tjetër pikë lidhet me sanksionimin në statut të faktit që nëse humbet zgjedhjet pavarësisht arsyes, largohesh.
Ndryshimet e lexuara nga Bylykbashi
Ndryshime në Statut në 2018 dhe 2021 të bëra pas dy humbjeve të rënda nga kryetari në detyrë, në vend të çlironin energji të reja, centralizuan pushtetin në duart e kryetarit duke ja marrë pushtetin organeve kolegjiale. Organet në qendër dhe në bazë u kthyen në shtabe ushtarake. Kjo ka vrarë garën politike dhe karrierën e më të aftëve. Sot synojmë të projektojmë një PD ku energjitë e anëtarëve rriten nga gara dhe u shtypen nga urdhri epror. PD mbron vlerat konservatore demokratike euroatlantike.
Parimi 1 anëtar 1 votë me qëllim fuqizimin e anëtarësisë. Kjo për zgjedhjen e organeve në qendër dhe lokale. Votimet primare për të zhbërë praktikën negative që konsolidoi Lulzim Bashën në këto vite ku kandidatët për organet e zgjedhura i shpallte në momentin e fundit, tashmë kanë të drejtë ti zgjedhi në mënyrë primare. Vota e anëtarëve do vlejë më shumë se e kryetarit.
Referendumi, vendimet e rëndësishme do merren nga anëtarësia ku i jep demokratëve referendumin që vendosin me demokraci të drejtpërdrejtë.
Për të garantuar dhe forcuar lirinë e fjalës dhe mendimit ,garantohen me parime dhe ne fusim në statut fraksionet. Partia bëhet më e madhe. Të mendosh ndryshe e të thuash atë që mendon është vlerë dhe jo kërcënim për kryetarin.
Organet kolegjiale do forcohen, kemi rikthyer pushtetin e rëndësishëm vendimmarrës. Kryetari duhet të udhëheqë mbi bazën e vendimeve të tyre por nuk u merr dot tagrat dhe nuk i përdor dot si vulë noteri si me vendimet e fundit.
Duke riformatua në madhësi organet për ti bërë eficente, do bazohet në garën dhe zgjedhjen e anëtarëve me votë të fshehtë.
Rol përcaktues kuvendit dhe këshillit kombëtar. vendime te tyre përcaktojë politikëbërjen dhe aksionin politik.
Janë forcuar organet kolegjiale në bazë. Të zgjedhurit në organet qendrore do jenë shumicë. Do marrë fund debati për dorëheqjen e kryetarit humbës Kryetari që humb zgjedhje pavarësisht arsyes i përfundon mandati menjëherë dhe pa asnjë ekuivok. Të gjitha këto që kemi përjetuar në 2 zgjedhje parlamentare dhe 4 humbje radhazi nuk do i shohim më.
Organizatat partnere përveç LGD dhe FRPD, është shtuar grupimi dhjetor 90. Ato do kenë akses më të sigurt në listat e kandidimit në pushtetin vendor. Në 2017 Basha zhduku në fushatë logon dhe simbolet e PD me republikën e re. Ne kemi qenë për këto simbole krenarë që prej fillimit.
Në 2017 Basha filloi një operacion të gjatë për ndryshimi ne identitetit dhe ADN-së sonë politike. I shohin vulën si marka tregtare, por ja ku është përgjigja sot për Bashën.
-
VIDEO
Paloka çel punimet në Kuvendin e Berishës: Kur ne u bëmë gati të luftonim Ramën, Basha na përjashtoi Berishën
Kreu i Këshillit Kombëtar të PD, Edi Paloka, mbajti fjalimin hapës të Kuvendit të thirrur nga Berishqa.
'Mblidhemi në përvjetorin e themelimit të Partisë Demokratike për ta rithemeluar. Për fat të keq ccdo ditë e më shumë përkrah tij. kjo është arsyeja pse ne jemi mbledhur sot këtui për të kuvenduar. Ne 25 prillin e konsideruam me të drejtë masakër zgjedhore se ashtu ishte.
Kur të gjithë prisnin nisjen përballjes me Ramën, Lulzim Basha largon nga grupi parlamentar i PD liderin e saj historik, Sali Berisha. Akti u justifikua me shpalljen 'non grata' të Berishës ndërkohë që kjo nuk e pengoi z. Basha që të merrte një tjetër mandat në krye të PD duke qëndruar pikërishnt përkrah Sali Berishës. Kjo me të drejtë zgjoi reagimin e ashpër të anëtarëve të PD. Ju uroj të gjithë Gëzuar ditën e themelimit të PD, dhe ditën e parë të rithemelimit të PD.
-
VIDEO
Edhe militantët votojnë Komisionin Drejtues të Kuvendit Kombëtar të Berishës! Miratohet me duatrokitje kur në stadium janë 10 mijë militantë dhe 5 mijë delegatë