• VIDEO

    Kreu i grupit parlamentar të PS: Zyra të bashkëqeverisjes duhet të ketë në çdo cep të vendit, qytetarë rrinë me muaj në dyert e zyrave për një përgjigje

    Kreu i grupit parlamentar të PS, Taulant Balla tha se agjencia e bashkëqeverisjes duhet të mbështetet nga të gjitha palët pasi kjo shmang abuzimet me institucionet dhe shërbimet që u ofrojnë qytetarëve.

    "U bënë 16 vite në këtë sallë dhe e di shumë mirë sa të shumtë janë njerëzit që nuk marrin përgjigje nga institucionet. Në këto 30 vite kemi pasur lloj-lloj përpjekjesh për të adresuar me ligj që institucionet t'i kthejnë përgjigje qytetarëve dhe kurrë nuk e kanë marrë një përgjigje. E kam mbështetur ngritjen e zyrës së bashkëqeverisjes në çdo cep të vendit. Njerëzit rrinë me muaj para dyerve të institucionit për të marrë një përgjigje dhe agjencia në vetvete do të jetë një instrument më shumë në duart e qytetarëve", tha Balla.

  • VIDEO

    EKSKLUZIVE/ Sonte në Report Tv intervistë nga Beogradi me Edi Ramën...Fati i 'Open Balkan', ftesa për Bashën dhe pasuesi i Ilir Metës

    Sonte në Repolitix  kryeministri i vendit Edi Rama flet nga Beogradi  për Open Balkan. A do të ndikojë kriza politike e Maqedonisë së Veriut për fatin e nismës? 

    A mund të funksionojë Open Balkan vetëm me Shqipërinë dhe Serbinë ?

    Pas tensionit në Bosnje-Hercegovinë a rrezikon Ballkani Perëndimor një konflikt të ri?

    Kryeministri Rama flet dhe për zhvillimet e brendshme në Shqipëri.

    Ftesa e bashkëpunimit për Lulzim Bashën dhe për çfarë nuk është e gatshme PS të pranojë kushtin e PD?

    Çfarë do të ndodhë për zgjedhjen e presidentit të ri dhe cili është profili për pasuesin e Ilir Metës?

    Për të gjitha këto tema sonte në Repolitix ora 20:55, kryeministri i Shqipërisë Edi Rama në një intervistë nga Beogradi me gazetarin Denis Minga.

  • VIDEO

    ‘Bashkëqeverisja’, ministri i Drejtësisë: Me anë të këtij ligji do të 'krasiten' të paaftët, qytetarët komunikojnë drejtpërdrejt me ministrat e deputetët

    Ministri i Drejtësisë, Ulsi Manja në fjalën e tij në kuvend këtë të enjte ka folur në lidhje me projekt ligjin për bashkëqeverisjen. Në fjalën e tij, Manja tha se ky ligj do të ndalojë abuzimin e punonjësve të administratës ndaj shërbimit që bënin për qytetarët të cilët endeshin nëpër zyra. Manja tha ndër të tjera se ky ligj do të nxjerrë në dritë të gjithë aftësinë e punonjësve të administratës publike.

     
  • VIDEO

    Dashnor Sula kërkesë mazhorancës për ‘Bashkëqeverisjen’: Vini fre kësaj marrëzie, ai që e ka shkruar ose është budalla ose është detyruar

    Deputeti Partisë Demokratike Dashnor Sula tha se projektligji për ‘Bashkëqeverisjen’ është një marrëzi dhe do monitorohet nga kryeministri Edi Rama. Ai i kërkoi qeverisë që të tërhiqet nga ky projektligj.

    ‘Ky projektligj ja kalon një telenovele turke, por vlen më pak. Personi që e ka shkruar ose është budalla ose e kanë detyruar. Varianti që u miratua në Komisionin e Ligjeve është ndryshuar. Është për të ardhur keq. Jo si krah kundërshtar, por do ju kërkoja të reflektojnë e t’i vënë fre një marrëzie të tillë. Projektligji që do të miratojë sot PS është një ligj tërësisht politik nën drejtimin e kryeministrin. Krijon problematika, pasi ndërfutet tek pushtet e tjera. Duke parë zellin e madh në të cilin u mbrojt projektligji nuk besoj se do të tërhiqet mazhoranca. Kjo nismë rrëzon pushtetin demokratik duke kontrolluar çdo pushtet.’- tha Sula.

  • VIDEO

    ‘Bashkëqeverisja’, Tabaku përplaset me Ahmetajn: Bën batuta dy lekëshe, duhet të ishe para SPAK! Jemi kundër qeverisë që ka varfëruar shqiptarët

    Deputetja e Partisë Demokratike tha se PD nuk do ta votojë ligjin e bashkëqeverisjes, pasi sipas saj ato janë kundër qeverisë që ka varfëruar shqiptarët. Duke ju drejtuar ministrit Arben Ahmetaj, Tabaku tha se ai duhet të ishte para SPAK e jo në Kuvend duke bërë batuta dy lekëshe.

    Tabaku: Të dëgjosh batuta dy lekëshe të Ahmetajt që duhet të ishte para SPAK, kjo është për të qeshur.. duhet të flisnim me fakte me shifra se çfarë po ndodh sot me shtetin shqiptar. Kjo tregon tendencën sesi këto duan të qeverisin. Ditë e zezë kur je ti aty... Po dëgjojmë humor banal me ty!.Ta harrojë ai që foli se ne do të diskutojmë në këtë Kuvend për bashkëqeverisjen. Për mua ka vetëm një kundërshtar ato që janë në qeverisje dhe që kanë varfëruar shqiptarët. Ne jemi kundër çdo ligji, dhe e keqja e shqiptarëve do të largohet.

    Ahmetaj: Jam në pozitë të vështire. Ju kujtoni se jeni kundërshtarët tanë... Nuk jeni ju, janë ato pengesa të zhvillimit që nuk e lejojnë Shqipërinë të bëhet ajo që duam ne dhe ju bashkë. Ju nuk jeni kundërshtarët tanë. Ne duam që ju të bashkëqeverisni me ne nëpërmjet inovacionit për qytetarët, me platforomën.

  • VIDEO

    Shehu-ministres: Fshehët viktimat, nuk janë deklaruar vdekjet në shtëpi

    Deputeti i Partisë Demokratike, Tritan Shehu tha se qeveria ka fshehur vdekjet si pasojë e Covid në vend dhe se Shqipëria mban numri i vdekjeve është ndër më të lartët në botë. Sipas tij nuk janë deklaruar ata që kanë humbur jetën në shtëpi, si dhe të sëmurët që kanë ndërruar jetë në spitalet private.

    "Humbjet ishin tragjike, me gjithë punë vetëmohuese të personelit. Ju nuk morët asnjë masë për mbrojtjen e mjekëve përveç spitaleve Covid. Ju nuk bëtë asgjë. Vepruat në mënyrën më hermetike. A ju kujtohet sesi vinte në lojë kryeministri testimet. Në një kohë kur roli i testimeve ishte esencial. Të gjitha ua thamë. Në spitale private është paguar edhe 1500 euro në ditë. Sepse ju asnjëherë nuk i keni certifikuar ato. Nuk llogarisni aq sa kanë paguar qytetarët për të bërë ilegalisht anti-viralin që ju nuk e keni rimbursuar. E njëjta gjë edhe me testet. Në Gjermani blihej 6 euro. tek ne u shitej qytetarëve 60-70 euro. Prandaj Shqipëria ka sot 16 mijë humbje jete deri në korrik të këtij viti, 50 mjekë të vjetër. Janë fshehur vdekjet, ashtu sikurse janë fshehur edhe rastet e identifikimit. Nuk janë deklaruar rastet e humbura në shtëpi dhe spitalet periferike ", tha Shehu.

  • VIDEO

    ‘Të votohet hapur,’ Tritan Shehu kërkon që të bëhet publike vota, kryeparlamentarja ja kthen: Çdo gjë është transparente

    Deputeti i PD-së, Tritan Shehu ka kërkuar në Kuvend që vota të bëhet publike dhe qytetarët të njihen me votat që hedhin deputetët. Por kryetarja e Kuvendit Lindita Nikolla tha se çdo gjë është transparente dhe se botohet në faqen zyrtare të Kuvendit.

    Shehu: Duhet të jemi transparencë ndaj opinionit publik. Duhet të dinë njerëzit si votojmë. Të mos votojmë fshehurazi në letër, por hapur me kartona, është absurde. Është absurditet i tërë...

    Nikolla: Votimi është i hapur është transparente çdo fletë votimi publikohet në faqen ë parlamentit të Shqipërisë.

  • VIDEO

    Frrok Çupi rrëfimi tronditës: Berisha ka dashur të më vrasë

    Emisioni Repolitix në pjesën e parë trajtoi situatën politike në vend me një intervistë me publicistin Frrok Çupi. Pse Basha iu referua trekëndëshit të Bermudes dhe çfarë synon me këtë levizje? Cfarë do të bëjë Berisha në 11 dhjetor dhe a do ta marrë ai PD? Frrok Cupi rrëfen konfliktin me Berishën dhe cfarë i tha në dhjetor të 1990? Në pjesën e dytë të Repolitix vaksinimi i fëmijëve , pse duhet bërë ? Cfarë duhet të dinë prindërit për vaksinimin e fëmijëve dhe si do të kryhet procesi ? Në studio Dr. Skënder Brataj shefi i Urgjencës Kombëtare , epidemiologu Ilir Alimehmeti ndërsa në skype Prof.Kita Sallabanda nga Madridi.

  • VIDEO

    Takimi i radhës i 'Open Balkan'/ Rama mbërrin në Beograd! Darkë miqësore me Vuçiç dhe zv.kryeministrin e Maqedonisë së Veriut! Merr pjesë edhe Krivokapiç i Malit të Zi

    Ditën e nesërme, 4 nëntor, do të zhvillohet në Beograd takimi i radhës mes tre vendeve që kanë firmosur për iniciativën e 'Open Balkan', Shqipërisë, Serbisë dhe Maqedonisë së Veriut. Kryeministri Edi Rama mbërriti në Beograd mbrëmjen e sotme, ndërsa ishte i pranishëm  në darkën që shtroi Presidenti serb, Aleksandar Vuçiç ku të ftuar ishin edhe zëvendëskryeministri i Maqedonisë së Veriut, Nikolla Dimitrov dhe kryeministri i Malit të Zi, Zdravko Krivokapiç.

  • VIDEO

    Deklarata e fortë e analistit Frrok Çupit në Report Tv: Sali Berisha ka dashur të më vrasë, jam 'viktima' e tij që ka jetuar rastësisht! Në listë ishim rreth 20 veta

    TIRANË- Analisti Frrok Çupi ka bërë një deklaratë të fortë ne emisionin 'Repolitix' në Report Tv, duke thënë se Sali Berisha ka dashur që ta vrasë. Në një intervistë për gazetarin Denis Minga, ai e ka quajtur veten "viktima e Berishës që ka jetuar rastësisht".

     
  • VIDEO

    Komisioni për Politikën e Jashtme, Ministrja tregon objektivat për vitin 2022: Fokus, nisja e negociatave për anëtarësimin në BE! Vëmendje të veçantë dhe marrëdhëniet me Kosovën

    Nisja e negociatave për anëtarësimin në BE do të jetë objektivi kryesor i Ministrisë së Jashtme për vitin 2022. Kështu bëri me dije Ministrja e Jashtme, Olta Xhaçka gjatë fjalës së saj në Komisionin për Politikën e Jashtme, ku u miratua në parim projektbuxheti për vitin 2022.

    Ministrja prezantoi objektivat për vitin 2022, ku theksoi se projekt buxheti do të mundësojë zhvillimin e Konferencës së parë Ndërqeveritare, zbatimin e marrëveshjes së stabilizim-asociimit mes Shqipërisë dhe BE si dhe forcimin e kapaciteteve institucionale dhe menaxhimin e asistencës financiare të BE.

  • VIDEO

    Takimi i ‘Open Balkan’ në Serbi, Rama mbërrin në Beograd

    Kryeministri Edi Rama ka mbërritur këtë mbrëmje në Beograd, ku do të zhvillohet takimi i radhës mes tre vendeve që kanë firmosur për iniciativën 'Open Balkan'. Kësaj nisme s’po i bashkohet Kosova, Mali i Zi dhe Bosnja e Hercegovina. Kryeministri i Kosovës, Albin Kurti, mendon se iniciativa e “mini-Shengenit” është nismë pa vizion për rajonin.
     

Për lajme të tjera kërkoni në arkiv