• VIDEO

    Ralf Gjoni: Puna e disa ambasadorëve ka qenë kriminale dhe anti-shqiptare, të hetohet! Në një vend të BE do ishin shpallur ‘Non Grata’

    Deputeti Ralf Gjoni ka hedhur akuza të forta ndaj ambasadorëve të huaj në vendin tonë duke thënë se puna e disa prej tyre ka qenë kriminale dhe anti-shqiptare, ndaj një ditë meriton të hetohet. Nëse do të ishin në një vend sipas Gjonit do të ishin shpallur “Non Grata”.

    “Më takon të them 2 fjalë për ambasadorët, sepse bëjnë check kutitë për karrierën e tyre, por ata mbështetën autokracinë në kurriz të demokracisë. Demokraci do të thotë rregulla të qarta të lojës, puna e disa ambasadorëve ka qenë kriminale anti shqiptare meriton të hetohet një ditë në një vend normal të BE duhet të ishin shmangur non grata. Unë e dua shqipërinë më shumë se këta ambasadorët që vijnë dhe ikun si autobusa. Dua të rrij këtu. Dua që edhe vajza ime të jetojë këtu e  jo të shkoj të laj të pasmet e pleqeve në azilin gjerman. Nuk mundte Gjermania ti thoshte Bullgarisë mbylle gojën atje dhe hap negpociatat dhe mos blloko maqedoninë e veroiut se po na bllokohet ballkani”, tha Gjoni.

    •  
  • VIDEO

    'Godet' sërish Jenishehri: Zgjedhjet e 25 prillit të anulohen, përndryshe në shtator do përsëritet '97

    Deputeti i opozitës, Selami Jenishehri ka habitur me deklaratën në Kuvend ku tha se zgjedhje e 25 prillit duhet të shpallen të pavlefshme pasi nuk u garantuar vota e emigrantëve, ndërsa shtoi se kjo situatë do të prodhojë Kuvendin e ri në shtator një situatë destabilizuese si ajo e 1997.

     “KQZ ka refuzuar të bëjë detyrën e saj në zgjedhjet e 25 prillit duke lënë pa votuar emigrantët. Kjo do të prodhojë në shtatorin e 2021 situatë destibalizuese si ajo e 1997. Nuk ka parlament e qeveri legjitime. Shpresoj që presidenti nuk do i certifikojë zgjedhjet e 25 prillit 2021. Duhet të përsëritën zgjedhjet se është shkelur neni i kodit zgjedhor. Këto zgjedhje janë të pavlefshme kur shkelet neni dhe kodi zgjedhor”, u shpreh ai

  • VIDEO

    Celibashi raporton në Kuvend: 5 mijë emigrantë u lanë jashtë votimit më 25 prill, aplikuan por ne ishim me vonesë

    Kreu i KQZ Celibashi tha në Kuvend nuk arriti të bënte të hartonte rregullat për votimin e emigrantëve, ndërsa zbuloi se rreth 5 mijë shqiptarë jashtë atdheut u regjistruan për të votuar, por mbetën jashtë procesit.

    "KQZ ka përpunuar të gjitha të dhënat që janë marrë  nga emërimet dhe lëvizjet e anëtarëve të komisioneve të niveleve të ndryshme dhe rezulton se ndryshimi është bërë një trend i konsoliduar që ndikon drejtpërdrejtë në mënyrën e  administrimit të proceseve zgjedhore.  Kodi Zgjedhor ka parashikime ne lidhje me ushtrimin e të drejtës së votës të emigrantëve por vetëm kaq pasi i gjithë seti tjetër i rregullave në këtë aspekt nuk është i plotësua", tha ndë rtë tjera Celibashi.

  • VIDEO

    Kostaq Papa habit në Kuvend: Shteti më ka marrë një shtëpi para 50 vitesh, të ma kthejë tani

    Deputeti Kostaq Papa, pas raportimit të bërë nga KLSH dhe ILDKPKI në Kuvend, tha se edhe atij shteti i ka marrë një shtëpi para 50 vitesh dhe dëshiron që t'ia kthejë tani. Ai tha se i ka të listuara pasuritë e tij dhe se shteti i ka borxh, ndërsa shtoi se nëse  shteti vepron me deputetët kështu imagjino me qytetarët e thjeshtë.

     
  • VIDEO

    Vendimi për negociatat, Balla në Kuvend: Shqipëria i ka përmbushur të gjitha pritshmëritë e familjes europiane! Shpresojmë që Bullgaria dhe Maqedonia e Veriut të gjejnë zgjidhje

    Kryetari i Grupit Parlamentar Partisë Socialiste, Taulant Balla, në fjalën e tij në Kuvend e vuri theksin te vendimi i Këshillit të Çështjeve të Përgjithshme të Bashkimit Europian për të mos përcaktuar një datë për negociatat me Shqipërinë dhe Maqedoninë e Veriut. Balla tha se Shqipëria i ka plotësuar të gjitha pritshmëritë e familjes europiane.

    "Ishte një pamundësi e Këshillit Europian për përcaktimin e një date.  Shqipëria i përmbushur të gjitha kushtet për tu mbajtur ky event formal i fillimit zyrtar të bisedimeve për anëtarësim. Tashmë të gjitha vendet anëtare, edhe ato që kanë qenë më skeptike, janë vlerësuara për atë që Shqipëria ka arritur. Ne jemi në kushtet e ecjes drejt përmbushjes së pritshmërive për Shqipërinë në familjen europiane.

    Por, siç e kemi thënë edhe më parë, është shumë e vështirë që të gjendet konsensus unanim. Shpresa jonë është që Bullgaria dhe Maqedonia e Veriut të gjejnë një zgjidhje, pasi të zhvillohen zgjedhjet e përgjithshme në Bullgari", tha Balla.

    Ndërsa për raportimin në Kuvend të dy institucioneve, KLSH dhe ILDKPKI, Balla shprehur gatishmërinë e mazhorancës për të rritur performancën e tyre në dobi të transparencës dhe llogaridhënies.

    "Mazhoranca e konsideron KLSH-në një institucion shumë të rëndësishëm, gjithnjë kanë qenë aty njerëz të PD-së si drejtues.  Ne na intereson një KLSH krejtësisht i pavarur. Ne duhet të rrisim kapacitetet e këtij institucioni, dhe në Kuvendin e Shqipërisë të kemi edhe nënkomisionin përkatës.  Çlirimi i këtij institucioni nga pengmarrja e një përfaqësuesi politik është gjëja më e mirë. Dua ta nxis këtë institucion të jetë më aktiv në auditimin e çdo qindarke në këtë vend.  Edhe ILDKPKI-në ne e kemi mbështetur me një legjislacion më të plotë. Duam që transparenca të vijojë dhe të rritet forca e bashkëpunimit me SPAK që të gjitha rastet  që ILDKPKI raporton ën prokurori të hetohen ashtu siç duhet", tha ndë të tjera Taulant Balla.

  • VIDEO

    Murrizi thirrje Kim: Për drejtësinë e re mos zgjidh bashkëpunëtorë të ish-sigurimit! Bllokimi i negociatave, vendi s’është shkëputur nga e kaluara Komuniste

    Deputeti Myslim Murrizi i ka bërë thirrje ambasadores amerikane Yuri Kim nga foltorja e Kuvendit duke thënë se shqiptarët e duan drejtësinë e re por thekson se nuk është dakord që sot të aspirohet një drejtësi  e ri 500 mln dollarë të investuar nga amerikanët por që do të bëhet nga institucionet tona.

    Murrizi i tha Kim të zgjedhë mes juristëve të maturës së parë postkomuniste dhe sipas tij jo “bashkëpunëtorë të ish-sigurimit”

    “Shqiptarët e duan  drejtëisnë e re. Unë sjam nga ata që qaj pse është hequr lideri nga foto e një gazete. Ishalla hiqet fare nga republika. Po sjam dakord si një nga studentët e 90 sot se kam menduar kurrë që do aspirohej një drejtësi e re me 500 mln dollarë të investuar nga amerikanët që do ta bëjnë këta. Zonja KIm, 91-95 ka qenë matura e parë post komuniste në juridik, ke 25 brezash juristësh nga 95 mbylli sytë e merr e zgjidh mes tyre kë të kesh qejf një boll më me bashkëpunëtorë të ish sigurimit”, tha Murrizi.

    Duke folur për negociatat me BE, Murrizi tha se vendi jonë nuk është shkëputur nga e kaluara komuniste.

    “Ka pasuri të paverifikuar në letra që hajdutliku i atyre që kanë ushtruar pushtet nga kjo sallë, ta përplasin surratit gjëne e vjedhur me arrogancë në çdo cep të Shqipërisë. Pashë me vëmendje raportin e KLSH, ai raporton se dëm ekonomik janë shumë milion euro. 32% e prrokurimeve publike janë tenderuar me 1 pjesëmarrës në garë, ky sështë tender. Duke parë raportet kam marrë të dhëna nga drejtoria e tatimeve për 3 kompani që jo pak miliona euro u kanë marrë shqiptarëve nga xhepat. Vodafonë AMC dhe eagle, pse është 94 milino euro.

    Ajo që do votoni sot për të qenë kryetare e amës, nusja e kushëririt të Bashës. Ju me lulin e keni pazarin çkeni me albanën. E kemi pasur në kryeministri e do ta zgjidhni kryetare të amës.Pashë kryeministrin dje që i thoshte vëlla Zoranit. Po ça po bëhet me negociatat? Kush është arsyeja e vërtetë? Ata e shohin mirë se ky vend nuk është shkëputur dot nga e kaluara. Ndoqa një komunikim të bukur të ambasadores me një nga Tropoja që po i tregonte çka bërë Enveri. Kim dhe Soreca, kur të kenë kohë ti drejton një letër genta sulës. Të takojnë visart zhitin. Ky Dvorani që ma keni bërë si falkone, kishte qenë pro pafajësisë së Metës por edhe e kishte agrumentu. Ky falconja i famshëm i juaji. Shoh ilir pandën. Të gjithë hetuesit e regjimit komunist kanë kaluar vetingun”, tha ai.

  • VIDEO

    Çertifikohet 25 prilli me 140 deputetët e rinj, çdo të ndodhë mes PS dhe PD në shtator?

    Emisioni Repolitix trajtoi çertifikimin e rezultatit të zgjedhjeve të 25 prillit pas përfundimit të gjithë procesit me 140 deputetët e rinj. Repolitix trajtoi dhe vendimin e Gjykatës Kushtetuese për tju drejtuar Komisionit të Venecias për zgjedhjet lokale të 30 qershorit. Të ftuar në studio deputeti i PS Etjen Xhafaj, ish-kreu i KQZ Kristaq Kume, Fabian Topollaj nga BD dhe analisti Ylli

  • VIDEO

    Zgjedhjet e 30-qershorit, Topollaj në Report Tv: Komisioni i Venecias ka kthyer një përgjigje për dekretin e Metës, presidenti ka tejkaluar kompetencat!

    Topollaj tha se do të kishte preferuar që Gjykata Kushtetuese të kishte marrë një vendim, pasi është i vetmi organ që gjykon mbi kushtetutshmërinë, sepse Komisioni i Venecias jep rekomandime, të cilat sipas tij i ka dhënë edhe më parë. Topollaj kujton rastin kur Kuvendi në 2019 nisi procedurat për shkarkimin e presidentit pasi anuloi dekretin e zgjedhjeve të 30 qershorit, dhe ju drejtua Komisioni të Venecias. Sipas Topollajt Komisioni i Venecias është shprehur për dekretin, pasi tha se Presidenti i Republikës ka tejkaluar kompetencat me shtyrjen e zgjedhjeve vendore.

  • VIDEO

    Hajdari në Report Tv: Do vazhdoj të jem aktive në politikë, jam vlerë e shtuar për çdo parti opozitare! PD humb shumë duke mos njohur zgjedhjet

    Deputetja Rudina Hajdari thotë se nuk ndihet aspak e keq ardhur për faktin se nuk u zgjodh deputete nga zgjedhjet e 25 prillit. Në një intervistë për Report Tv, Hajdari argumenton se kjo lidhet me faktin e betejës së fortë që ka zhvilluar në Kuvend, pasi opozita dogji mandatet, duke nënvizuar se ata duhet t'i zhvillonin betejat në Kuvend. Ky vendim sipas saj, kishte edhe kostot e veta politike.

     'Jo nuk më vjen aspak keq sepse kam bërë një betejë të fortë dhe jam shumë krenare për betejat që kamë bërë në parlament. Beteja për të qëndruar në parlament, për të dhënë mesazh që opozita ka nevojë për të bërë betejat e saj kundrejt çdo qeverie. Duhet luftuar brenda sistemit, për këtë kam qëndruar dhe jam krenare, patjetër që kjo është kostoja që merr me pas.'- tha Hajdari.

  • VIDEO

    Vokshi akuza Ramës: Ka paracaktuar zëdhënësen e PS-së në krye të AMA! Tjetër goditje demokracisë dhe lirisë së medias

    Deputetja e zgjedhur e PD-së, Albana Vokshi ka akuzuar kryeministrin Edi Rama se po tenton të marrë kontrollin e Autoritetit të Medias Audiovizive (AMA).

    Në një deklaratë për mediat, nga selia e PD, Vokshi tha se Rama ka marrë, sipas saj, vendet e opozitës në bordin e AMA, që sipas ligjit duhet të jetë i pavarur. Sipas Vokshit, Rama ka paracaktuar zëdhënësen e tij dhe të PS në krye të AMA

    "Parlamenti njëpartiak, me mandat të përfunduar, e që nuk përfaqëson vullnetin e qytetarëve shqiptarë, përmes Komisionit të Medias, në mungesë të opozitës reale, ka shkelur në mënyrë flagrante nenet që përcaktojnë procedurën dhe zgjedhjen e kryetarit dhe anëtarëve të Autoritetit të Mediave Audiovizive. Në garën për kreun e AMAs, me pseudokandidatë nënpunës shtetërore pa asnjë eksperiencë në fushën e medias apo fushat që përcakton ligji, në shkelje të afatëve ligjore, Edi Rama ka paracaktuar zëdhënësen e tij dhe te PS për këtë post. Edi Rama, urdhëroi kandidatët e listës së PS në zgjedhjet e fundit, në Komisionin Parlamentar të Medias, të votonin për Armela Krasniqin duke shkelur hapur ligjin dhe specifikisht nenin 7 dhe 8 që përcaktojnë papajtueshmërinë dhe konfliktin e interesave. E paprecedentë procedura e ndjekur për të rrëmbyer vendet e opozitës në bordin e AMAs, në shkelje të legjislacionit aktual, të Ligjit për Mediat Audiovizive, e në kundërshtim të hapur me rekomandimet e Komisionit të Venecias. Ky akt godet në zemër lirinë e medias, duke e kthyer këtë institucion në zgjatimin e partisë shtet, ndërsa rolin e drejtuesit të tij e njëson me atë të zëdhënësit të regjimit Rama-Doshi", tha Vokshi.

    Sipas Vokshit, Rama kërkon të përdorë AMA-n si 'gjykatën e gazetarëve', ndërsa bën thirrje për reagim.

    "Me këtë akt antidemokratik kundër lirisë së medias, regjimi Edi Rama kërkon ta përdorë AMA si gjykatën e gazetarëve, organin e censurës, që do kontrollojë jo vetm platformat televizive, por edhe portalet e mediave on line. Ky organ censure do të përdoret për të implementuar famekeqen paketë të censurës së medias për të ushtruar presion, shantazhuar, mbyllur gojën kujtdo medie apo gazetari që do të guxojë të denoncojë vjedhjen e zgjedhjeve, korrupsionin qeveritar dhe bashkëpunimin e pushtetit me krimin dhe oligarkinë. Sot, cdo shqiptar që kërkon një Shqipëri më demokratike, një Shqipëri më pranë Bashkimit Europian duhet të jetë i shqetësuar, sepse me këtë akt kundër lirisë së medias, kundër institucioneve të pavarura, demokracia është edhe më e rrezikuar, ndërsa Bashkimi Europian do të mbetet një destinacion politik edhe më i largët. Sot është koha të gjithë të reagojnë!! Të gjithë gazetarët, mediat, institucionet që monitorojnë lirinë e shtypit në Shqipëri. Kapja e AMAs paralajmeron kalimin dhe miratimin në parlament edhe të paketës së censurës së medias onlinë për mbylljen e portaleve online. Pa media nuk ka demokraci! të mos heshtim para se të jetë vonë! Partia Demokratike kërkon që të ndalet menjëherë ky akt antiligjor e antidemokratik i një parlamenti monopartiak", shton ajo.

  • VIDEO

    Gazetarja greke e pyet Ramën për marrëdhënien me Turqinë, Rama: Je xheloze?

    Kryeministri Edi Rama i është përgjigur me batutë gazetares greke e cila e pyeti për marrëdhënien me Turqinë.

    Gazetarja: Si janë marrëdhëniet me Turqinë?
    Rama: Mos jeni xheloze nga kjo marrëdhënie se është një marrëdhënie e frytshme për të dyja palët, për ne është shumë e qartë jetojmë në mes të trekëndëshsit dhe njerëzit, historia na bëjnë partnerë strategjik
    Gazetarja: Nuk është xhelozi
    Rama: Po flisja për marrëdhënien tënde, jo xhelozisë zyrtare nga Greqia

  • VIDEO

    Rama: Ligji i luftës me Greqinë është një paradoks i vërtetë! I lumtur që Greqia pranoi të shkojmë në Hagë sa u përket çështjes së kufijve detarë!

    I pyetur nga gazetarja Greke për Ligjin e Luftës dhe Çështjen e Përcaktimit të Kufijve detarë me Greqinë Kryeministri Edi Rama, u shpreh se këto nuk duhen ngatërruar me njëra tjetrën duke garantuar se pavarësisht ndryshimeve që ekzistojnë mes palëve marrëdhëniet greko-shqiptare janë në nivelin e duhur.

    “Pikë së pari nuk janë të lidhura me njëra, nuk dua të flas për probleme më shumë dua të fokusohem në zgjidhje. Ne kemi nevojë dhe duhet të jemi në të njëjtin nivel dhe të reflektojmë këtë mënyrë të të kuptuarit të njerëzve të zakonshëm. Sa i përket përcaktimit të kufijve detarë ne kemi vendosur të shkojmë në Gjykatën ndërkombëtare dhe jam shumë i lumtur që Greqia pranoi këtë kërkesë time. Ne jemi popull ballkanik dhe udhëhiqemi nga ndjenjat , prandaj kemi nevojë për një vëzhgues ndërkombëtar.  Sa i përket ligjit të luftës, është një paradoks i vërtetë, sepse në bazë të tij ne jemi në Luftë me Greqinë dhe kjo në fakt është absurde. Dhe qeveria juan tuaj dhe të heq këtë gjë. Duhet të hidhet poshtë dhe të heqim dorë nga dashuria dhe urrejtja ballkanike”, tha Rama.

Për lajme të tjera kërkoni në arkiv