-
VIDEO
PS ktheu Majkon në Tiranë, Berisha: Kriminel i madh elektoral, i përgjuar nga SHIK me trafikantë në tavolinë
Në konferencën e sotme me gazetarët në selinë e PD-së, pas daljes nga SPAK, Berisha lëshoi një lum akuzash edhe për Pandeli Majkon. Kjo pas lajmit se Majko, nuk do të jetë më drejtues qarku politik i PS-së në Kukës por do të drejtojë një nga zonat e Tiranës. Berisha e cilëson Majkon si një ‘kriminel elektoral’ në Kukës, Has e Tropojë.
-
VIDEO
Pse pikërisht tani po zbaton 'Detyrimin me paraqitje', përgjigjet Berisha: Fitova kauzën kushtetuese! Kështu u veprua edhe me Trump, por kombi amerikan dha verdiktin
Pas daljes nga SPAK, Berisha u pyet pse pikërisht tani po fillon të zbatojë masën e vendosur ndaj tij me detyrim paraqitje dhe jo më parë. Berisha thotë se në atë kohë pas tetorit 2023, mbrojti kushtetueshmërinë dhe parlamentarizmin. Ndërsa tani e krahason veten me Trump, që proceset gjyqësore ndaj tij i rritën votat.
'Ishte proces parlamentar nuk kërkova asgjë tjetër por vetëm të zbatohet kushtetuta. Nuk zbatuan kushtetutën por parlamenti votoi. E fitova kauzën kushtetuese. Mbrojta kushtetueshmërinë. Kjo do më shtojë më shumë vota. U faktua. Këtë qëndrim mbajtën sorosianët ndaj Trump por kombi amerikan dha verdiktin.'
-
VIDEO
Berisha nuk ndal sulmet: Dumani dhe Kraja kanë kryer krime të shëmtuara, përdorin dosjet për të prerë gjoba
Sali Berisha pas daljes nga SPAK, ku ishte për herë të parë në zbatim të masës detyrim paraqitje, nuk ndali sulmet ndaj prokurorëve të Prokurorisë së Posaçme. Si zakonisht, shënjestër e sulmeve ishte Altin Dumani, por edhe ish-kreu i SPAK, Arben Kraja. Berisha i ka quajturi si ‘kriminel’ dhe si bashkëpunëtorë me krimin.
'Janë 2-3 vlerësime për Klubin Partizani. Altin Dumani ka urdhëruar që të bëhet rivlerësim duke u bazuar në një vendim që detyron audituesit që të përdorin normat e vitit 2017 ose 2019. Sipas këtij vendimi, auditi konkludon se vlera e lokaleve të Klubit Partizani të ndërtuara në vitet ’70 dhe të bëra copë-copë, është 520 euro për metër katror. Apartamentet e reja, të blera nga Dumani, i ka deklaruar me çmimin 380 dhe 490 euro. Pra, kjo është. Besoj se unë isha i qartë. Për të mos shkuar tek Kraja, tek ish-xhelati i Sigurimit të Shtetit, i cili ka vilën, por nuk thotë çmimin me të cilin e ka blerë.
Por del se ka blerë në Lalëz troje të repartit ushtarak me 4 euro metri katror, në një kohë kur të tjerët me vendim të qeverisë i kanë blerë 130 euro metri katror kur është bërë vlerësimi. E kuptoni ju se çfarë janë këta? Por krimi më i shëmtuar i tyre është përdorimi i dosjeve për të prerë gjoba. Nuk e pyeti Ymer Lalën për vrasjen e denoncuar nga Luftim Reçi, sepse i mori, thonë këta, 1 milion euro dhe kjo është një gjë e tmerrshme...'
-
VIDEO
'Sali Berisha i ka sulmuar do ti sulmojë të gjithë' Ja çfarë deklaroi kryetari i PD-së pasi doli nga SPAK
Pas daljes nga godina e SPAK-ut Berisha tha se prokurorët e SPAK-ut flejnë mbi dosjet e krimit dhe se po bëhen xhelatë të fjalës së lirë.
-
VIDEO
'Anëtari i bandës së Elbasanit komunikoi me Ballën', Berisha: I kërkuan Taos arrestimin e kundërshtarëve dhe si garanci mori vota në 2021
Sali Berisha pas daljes nga SPAK, ku ishte në zbatim të masës detyrim paraqitje, hodhi akuza ndaj Taulant Ballës, se ka ndikuar në vitin 2021 në sistemin e drejtësisë.
Sipas një dokumenti që kishte me vete, Berisha thotë se Balla ndikoi të arrestoheshin Çapjat në mars të 2021, para zgjedhjeve.
'Në datën 10.2 2020 target është njëri nga banditët e Elbasanit informon me pin AM 5 P 80 se kishin rënë dakord , mes tyre që të mos i kërkonin Taos tenderë publik apo favore të tjera përveç atyre që kishin rënë dakord ti kërkonin. Ky mesazh iu përcoll Taos dhe i dhanë afat deri në dhjetor. Taos i kishin kërkuar arrestimin e kundërshtarëve të tyre. Tao i përgjigj: A garantoni se të gjithë ata njerëz do votojnë nëse vendosim në listë ata që doni në burg. Nëse me listë i burgosim. Përgjigja ishte: Po e garantojmë këtë. Më pas Tao tha: Ata do shkojnë në burg këtë vit. Tao është fiks Taulant Balla, një kriminel njëri nga të shumtat të dhëna që ka në dosjen e vet. Në listë, me datën 24 mars bëri check up të vitit 2021, u arrestuan Çapjat. Me kërkesë të Çelëve u arrestuan. Kjo është e vërteta. Më pas Tao tha: Ata do shkojnë në burg këtë vit. Meqenëse shkuan në burg në mars të vitit 2021 para zgjedhjeve.'
-
VIDEO
Berisha paraqitet në SPAK, e presin militantët, nuk komenton për gazetarët: Do flas kur të dal
Sali Berisha është paraqitur në SPAK paraditen e sotme. Përpara ambjenteve të Prokurorisë së Posaçme e kanë pritur militantët e tij dhe deputetët e PD-së.
-
VIDEO
Zgjedhjet 2025/ Taulant Balla thirrje diasporës të regjistrohet prej 11 janarit: Fleta e votimit pas plotësimit duhet nisur për në Shqipëri
Drejtuesi politik i Partisë Socialiste për Diasporën dhe ministri i Shtetit për Marrëdhëniet me Parlamentin, Taulant Balla, i ka bërë thirrje diasporës shqiptare që të regjistrohet prej datës 11 janar, kur do të nisë procesi i regjistrimit për të gjithë shtetasit shqiptarë që dëshirojnë të votojnë në zgjedhjet e 11 majit.
-
VIDEO
Hetimi në SPAK/ Veliaj: S’dorëzohem përballë letrave anonime! Përballja me kundërshtarët te kutia e votimit
I bindur se letrën anonime prej të cilës SPAK ka nisur një hetim e kanë bërë kundërshtarët e tij politikë, Erion Veliaj, nuk kursen për ta një mesazh në ditët e para të vitit, teksa zhvillonte një takim me pensionistët e kryeqytetit.
-
VIDEO
Afera ‘Partizani’/ Berisha duhet të paraqitet nesër në SPAK, mobilizon militantët në protestë! Paralelisht seanca paraprake në GJKKO
Nesër në 10:00, Berisha duhet të paraqitet në SPAK për masën detyrim paraqitjeje që caktoi Apeli i GJKKO ndaj tij për çështjen 'Partizani'. Vetë Berisha ka deklaruar se do e zbatojë masën detyrim paraqitjeje. Paralelisht, në GJKKO zhvillohet seanca paraprake për dosjen e aferës Partizani, ku gjyqtarja Davidhi pritet të vendosë kalimin apo jo për gjykim.
-
VIDEO
PD: Qeveria ka ulur financimin për arsimin
Partia Demokratike thotë se financimi i sektorit të arsimit nga buxheti i shtetit ka rënë në mënyrë të ndjeshme në 10 vitet e fundit.
Në një deklaratë për median, drejtuesja e departamentit të arsimit në PD, Lili Sula, solli në vëmendje raportin e Organizatë së Kombeve të Bashkuara për Edukim, UNESCO, ku evidentohet ulja e financimit për arsimit dhe kërkohet rritje urgjente e vëmendjes ndaj këtij sektori.
Kryeministri i Rilindjes i ka mashtruar shqiptarët qysh në 2013, kur u premtonte financim të arsimit me 5 % të PBB. Edhe për vitin 2025 partia-shtet vendosi ta mbështesë arsimin vetëm me 2,6 % të PBB duke përfshirë në këtë shifër edhe arsimin professional.
-
VIDEO
Apeli i ktheu masën e sigurisë/ Berisha: Të hënën paraqitem në SPAK! Kërcënon gjyqtaren Gjoka e kreun e SPAK, Dumani: Do ua nxjerr për hundësh
Kryetari i PD-së, Sali Berisha nuk heq dorë nga kërcënimet dhe gjuha intimiduese ndaj gjyqtares së GJKKO-së Irena Gjoka dhe kreut të SPAK Altin Dumani. Një ditë pasi Gjykata e Posaçme e Apelit kundër Korrupsionit dhe Krimit të Organizuar ktheu masën e sigurisë “detyrim paraqitje” ish-kryeministrin Sali Berisha zbulon bisedën me avokatin dhe sulmon sërish me gjuhë intimiduese Irena Gjokën, gjyqtaren e GJKKO dhe kreun e SPAK Altin Dumanin.
-
VIDEO
Afera ‘Partizani’/ Apeli i GJKKO-së rikthen masën e sigurisë për Berishën: Të paraqitet 2 herë në muaj në SPAK! Kryetari i PD-së: Do e zbatoj
Rikthehet masa e sigurisë për Berishën. Apeli i GJKKO e detyron të paraqitet dy herë në muaj në SPAK për 'Partizanin'. SPAK donte rikthimin në arrest shtëpie: Berisha rrezikon të prishë provat e intimidojë dëshmitarët. Avokati i Berishës sulmon gjykatën: E kapur