• VIDEO

    Gafa e Sali Berishës, i ngatërron adresën banorëve të pallatit të dëmtuar nga tërmeti

    Teksa fliste për shembjen e pallatit të dëmtuar nga tërmeti në rrugën “Myslym Keta” ai ngatërroi emrin e rrugës, duke thënë se bëhet fjalë për rrugën “Myslym Shyri”.

    “Ajo që u zhvillua në rrugën Myslym Shyri ishte mënyrë çnjerëzore e të zgjedhurve vendorë e qendrorë pasi pabesisht zgjodhën pragun e festave për të përdorur forcën, buldozierët”, tha Berisha”, tha Berisha.

  • VIDEO

    Vlorë/ Ndoti ajrin duke djegur goma automjetesh, në pranga 24-vjeçari

    Selam Zira, 24-vjeç është arrestuar ditën e sotme pasi është identifikuar si autori i zjarrvënies të disa gomave ditën e djeshme pranë fushës së mbetjeve të qytetit. Zjarri zgjati përreth 90 minuta.

  • VIDEO

    Falsifikuan dokumente pronësie, falsifikuesi i frikësuar se është zbuluar: Ça bone me atë, se i ka kap Artan Lame

    Në një nga përgjimet e zbardhura është përmendur edhe kreu i Kadastrës, Artan Lame. Kjo sepse falsifikuesi, Gëzim Xhafa. Xhafa interesohet i frikësuar për një certifikatë pronësie të falsifikuar që i ka lëshuar të inflitrur, pasi kishte informacione se në kadastër ishin zbuluar shkelje

    • B-Po kot mo mboni pershtypje,për atë..... që bom ne të tokës ça thon për atë si shpi?
    • A- Kot o burr veç dashka me ja kallzu plakës vet ai me i thon që kam marr hipotekën e sdi gjo se ka i merr do lek, ka i merr ca lek. 200(dyqind) i ke këtu.Numëroi po dush.Je në rregull?
    • B- Tashi,nesër.
    • A- Veç mbo telefon thuj e takohena ktu dhe..
    • B- Thash un ngaqë i ka kap ai Artan Lame,  kishin kap ato të ..........
    • A- Po jo or ska lidhje fare, ska lidhje fare, hajt pra me t mira. Çiao mbo telefon e takona.
    • B- Hajt mirupafshim.
  • VIDEO

    Berat/ Një 65-vjeçar humb kontrrollin e mjetit dhe përplaset me shtyllën dhe trafikndarësen, anjë i lënduar, qarkullimi i bllokuar

    Mjeti Toyota humb kontrrollin dhe përplaset me shtyllën dhe trafikndarësen e rrugës në qendër të Beratit, rreth 500 metër larg Drejtorisë Vendore të Policisë Berat Fatmirësisht nuk ka anjë të lënduar. Qarkullimi në qendër të qytetit është momentalisht i bllokuar.

  • VIDEO

    ‘Ciceron’, aktivitetet e kulturës që mund të ndiqni sot

    Art, kulturë dhe spektakël, në vijim, rubrika “Ciceron”, ju njeh me aktivitetet që mund të ndiqni gjatë ditës.

    Prezantohet sot në orën 11.00 në Teatrin e Operas kalendari artistik i këtij institucioni për vitin 2023.

    Bazuar në ngjarje reale, duke sjellë kohën e persekutimeve të klerikëve e besimtarëve, vjen sot në orën 19.00 në skenën e Teatrit Eksperimental premiera “Gjaku i martirëve të kombit” me regji të Bajram Torbës e një kast të përzgjedhur aktorësh.

    Mbahet sot në orën 18.00 në teatrin “Andon Zako Çajupi” në Korçë një koncert instrumental nga Pjetër Guralumi dhe Shkëlzen Baftiari.

    Çelet sot në orën 18.00 në galerinë “FAB” ekspozita “Gjendje” e piktorit Fatmir Tufina,  që do të qëndrojë e hapur deri në 31 dhjetor.

    Me emrat më të mirë të artit bashkëkohor vendas, vijon të jetë e hapur në Galerinë e Artit Tiranë, ekspozita "Muri".

    Pret vizitorët  në Qendrën për Hapje dhe Dialog në kryeministri ekspozita  “Amerikanët” e Fate Velaj, e çelur në kuadër të 100-vjetorit të marrëdhënieve Shqipëri-SHBA. Artisti e gjen frymëzimin  nga arti i fotografisë së Robert Frank.

    Shfaqet sot në orën 13.30 dokumentari “Kol Idromeno”, ku është hulumtuar mbi Shkodrën e  figurën e piktiorit si artist multidimensional.

    Mbahet sot dhe nesër në orën 18.00 në teatrin “Migjeni” premiera “Takimi i parë” me regji të Ina Morinajt.

    Renis Gjoka  dhe bendi i tij mbajnë sot në orën 19.00 në sheshin para Bashkisë Shkodër një koncert.

  • VIDEO

    Rama: Do ndërtojmë teatrin më të bukur në rajon, njëlloj si stadiumi! Fëmijët meritojnë shfaqje moderne

    Kryeministri Rama u prononcua për mediat edhe pasi përfundoi fjalën e tij në përurimin e teatrit. Rama u shpreh se fëmijët meritojnë më tepër shfaqje moderne.

    “Do ndërtojmë një teatër që do jetë më i bukuri në rajonin tonë. Njëlloj si stadiumi. S’do jetë vetëm një hapësire brenda për brenda por e gatshme për koncerte ndërkombëtare, festivale etj. Sepse fëmijët meritojnë më tepër se shfaqet që marrin sot, që s’kanë lidhje me kohën.”- tha Rama.

    I pyetur për grupin protestues, Rama u shpreh se grupi i çingiljeve vazhdon të anojë nga e kaluara.

    “Unë nuk merrem me ftesa jam i ftuar vetë.  Grupi i çingiljeve të koncertit 36 vazhdon.”- tha ai.

    I pyetur për çështjen e detit dhe kompromisit të arrirë ditën e sotme shoqëruar me akuzat e opozitës, Rama u shpreh se njerëzit janë të lirë të fantazojnë çdo gjë.

    “Janë të lirë njerëzit të fantazojnë në çdo gjë që ju vjen nëpër mend, mjaftojnë ti bëjnë në formë paqësore. Nga pikëpamja tjetër kush do qash, kush do qesh kushdo ju përshëndet si unë.”- tha ai.

  • VIDEO

    Rama: Sot zgjidhet misteri i ‘kullave’! Ky është teatri, ky është sheshi! Çfarë nuk ecën keni punë me Lali Erin, unë e mbarova detyrën time

    Kryeministri Rama u shpreh se me përurimin ditën e sotme të teatrit kombëtar, do të marrin fund spekulimet dhe “misteri” i kullave në tokën e teatrit. Me humor, kreu i qeverisë u shpreh se ka mbaruar detyrën e tij dhe për çdo “problem” të mëtejshëm mund të adresohen te kryebashkiaku Erion Veliaj.

    “Sot zgjidhet misteri ka kullë s’ka kullë në zonën e teatrit. Ky është teatri, ky është sheshi!  Ajo që do të mbetet edhe në këtë rast është vepra. Një vepër që unë do isha shumë i lumtur sikur të isha bashkë me Ndrenikën dhe Tinka Kurtin për të hapur dyert. (...)

    Çfarë nuk ecën keni punë me Lali Erin, unë e mbarova detyrën time”- tha Rama.

  • VIDEO

    Rama: Në Teatrin ri Kombëtar do organizohen aktivitete ndërkombëtare, do ketë standarde europiane

    Kryeministri Edi Rama, në fjalën e tij gjatë përurimit të Teatrit të ri bëri një krahasim me stadiumin dhe të gjithë ata që bënin rezistencë për të mos e prekur. Kreu I qeverisë u shpreh se godina e re do të jenë në nivel europian dhe do të organizohen aktivitete ndërkombëtare.

    “Mund të bëjmë paralele me stadiumin se u fut në listën e zezë të UEFA-s dhe FIFA-s. ndërkohë vijonte rezistenca absurd për të mos e prekur kur ishte e qartë që nga pikëpamja e vlerës historike, stadium ishte vetëm në një pjesë të tij ai që kishte qenë dhe e gjithë pjesa tjetër një shtesë që nuk kishte vlerë.

    Ne e ndërtuam stadiumin dhe jam i bindur që askujt deri para se stadium të bëhej realitet, nuk I ka shkuar mendja që në Shqipëri të luhej finale europiane dhe Tirana të ishte destinacioni që të merrte sytë e gjithë botës mbi vete. Ndodhi se ndërtuam stadium të denjë dhe më besoni se janë kushte të panumërta. E njëjta do të ndodhë me Teatrin sepse pa diskutim ky teatër nuk do të jetë vetëm destinacion për komunitetin tonë të dashamirësve e teatrit por do të jetë një vend ku pa diskutim do të organizohen aktivitete ndërkombëtare, një hapësirë ku do të ketë ballafaqim në Tiranë të teatrove të ndryshëm nga rajoni, Europa e bota”, tha Rama.

  • VIDEO

    Përurimi për ndërtimet e teatrit, Rama: I kisha shpallur 'luftë' asaj godine që kur isha ministër kulture! Ky projekt, gur i çmuar në gjerdan veprash

    Kryeministri Edi Rama e ka cilësuar gur të çmuar në një gjerdan veprash projektin e ri për teatrin kombëtar. Duke kujtuar se qysh prej periudhës kur ishte ministër kulture i kishte shpallur luftë asaj godine të vjetër, Rama tha se edhe pse shumë vonë, me këtë projekt Tirana ka kapërcyer pritshmëritë. Tirana tashmë ka gur të çmuar në një gjerdan veprash që e kanë shndërruar metropolin, theksoi Rama.

    Rama u shpreh se edhe pse e kishte të vështirë, arriti të kuptonte revoltën e komunitetit të teatrit ku tha se për shkak të kohëve dhe premtimeve të pambajtura u pajtuan me një realitet që i përkonte asaj kohe.

    “Kur erdhi arkitekti i thashë, nuk e di nëse në jetën tendë ke pasur ndonjë përurim me polici. E ndërkohë, ajo që ka rëndësi e që është e bukura e kësaj skene është se perfekti i viteve 36 është këtu me ne. Nuk është në anën e atyre që donin të prishnin koncertin. S’kemi ç’bëjmë kjo është historia bashkëkohorë i zhvillimit të këtij vendi. E kam menduar shumë herë, se pse komuniteti i teatrit, duke i lënë mënjanë ata që teatrin, stadiumin apo sheshin Skënderbe i kanë parë si platforma për të kërcyer shpatat politike. Por pse komuniteti? Pavarësisht bindjeve pulitke, kishin një mosbesim thuajse konsensual lidhur me këtë proces dhe lidhur me dëshirën dhe vullnetin për të ndërtuar më në fund një teatër të denjë. Mbase nuk arrij dot t’i jap përgjigje kësaj pyetjeje por besoj se një ndër arsyet është se për shumë kohë, komuniteti i teatrit kombëtar u pajtua me inercinë e të punuarit në kushtet shumë të vështira. E dekada, e dekada të tëra kaluan me zotime e premtime, por askush nuk u bë mbarë për të ndërtuar teatrin. Pastaj edhe paragjykimet në këtë kohë që ne jetojmë. Ku kemi parë shumë skena, shqyerje të pronave, e pasurive pulitke, e vetvetiu u krijua një vetëmbrojtje.

    Më vjen mirë që të gjitha këto më në fund u fashitën. Ja kisha shpallur luftën asaj godinë që në 98 kur isha ministër kulture. Kur mendon që nga 98 nderi sot, mund të ishin hedhur hapat e nevojshëm, realisht ka kaluar shumë kohë. Ky projekt shkon përtej një teatri kombëtar. Është një tjetër gur i çmuar në një gjerdan veprash që e kanë nxjerrë Tiranës jashtë vetes.”- tha Rama.

  • VIDEO

    Durrës/ Vidhnin portofola dhe celularë në sportelin e spitalit! Arrestohen 2 persona

  • VIDEO

    Thirret Ezani, Rama ndërpret fjalimin për Teatrin e ri Kombëtar: Ta pranojmë këtë bekim

    Kryeministri Edi Rama ka ndërprerë fjalimin për Teatrin e ri Kombëtar pasi po thirrej Ezani në xhaminë e Tiranës.

    “Kush nuk do të donte… ta pranojmë këtë bekim tani. Në këtë rast vjen për mirë, nuk e di sa e ndihmon shfaqjen”, tha Rama.

  • VIDEO

    Arkitekti Ingels shpjegon si do të jetë Teatri i ri Kombëtar: Do të ketë hapësira publike deri në tarracë! Skenat me element çeliku krijojnë akustikën e duhur

    Arkitekti danez Bjarke Ingels ka shpjeguar detaje nga teatri i ri Kombëtar.

    "Kam ardhur këtu për herë të parë në 2010 kur fituam garën për Muzeun e Tolerancës që nuk u realizua dhe u riktheva për të bërë Piramidën. Praktikisht ka përfunduar dhe dua të them që transformimi i këtij qyteti në mënyrë kaq thelbësore në më pak se 10 vjet është i pakrahasueshëm në qytetet europiane.

    Jemi këtu që të flasim për hapjen e themeleve të Teatrit të ri Kombëtar të vendosur në zemër të Tiranës, të rrethuar nga parqe e godina publike dhe në njëfarë mënyrë e vendosur në zonën e rehatshme të lëvizjes këmbësore dhe me objekte të reja tregtare duke transformuar zemrën e qytetit. Ideja është për një godinë publike. Nga njëra anë, e gjithë pjesa e pasme i ekspozohet pjesës publike dhe pjesa e parë, jetës publiket. Skenat janë në mes që nga kati i parë deri lart, ndërtesa është e hapur dhe ngrihet për të krijuar rrugë publike. Kemi dhe një ambient të jashtëm dhe e kthejmë çatinë në hapësirë publike. Kemi bërë që edhe gjatë ditës të shohësh si lëvizin ashensorët dhe si përgatiten skenat. Nga arkitektura kemi dhe perdet e kuqe. Fasada është i kuq. Kemi gjithashtu një sërë funksionesh nacionale dhe brenda është një shpërndarje nga pjesa e parme dhe e pasme.

    Kemi dhe sallën mbështetëse si dhe tapetin e kuq. Nëse shohim tek tapeti i kuq është nga hyrja dhe shkon në të gjithë godinën. Kemi 2 shkallë të mëdha që të çojnë deri në tarracë. Në hyrjen kryesore sheh parkun me Muzeun Kombëtar. Kemi pjesën e origami palosës. Kemi një seri elementësh çeliku, disa që kthejnë dhe reflektojnë zërin që krijon dhe akustikën e duhur.  Kemi dhe skenën eksperimentale ku shihen veprimtaritë që duken nga jashtë dhe playbox me 350 vende që përdoret si pjesa e pasme e skenës. Godina është publike deri në tarracë. Jemi mundur të imagjinojmë një arkitekturë që shihet si makineri dhe shpalos kulturën", tha Ingels.

Për lajme të tjera kërkoni në arkiv