• VIDEO

    Sezoni i ri shkollor, në Fier disa godina jashtë funksioni ose në rikonstruktim! Nxënësit shpërngulen në shkolla të tjera

    Ashtu si në mbarë vendin, edhe në të gjitha shkollat e Qarkut Fier, ka nisur viti i ri shkollor 2022- 2023. Për këtë vit shkollor në Drejtorinë Rajonale të Arsimit Parauniversitar do të ulen në bankat e shkollës 57.334 nxënës të cilët do të akomodohen në 256 shkolla.

    Numri i nxënësve në arsimin fillor në ZVAP është 5261, numri i nxënësve në AMU është 4359 dhe numri i fëmijëve në kopshtet pranë shkollave është 939, dhe numri i nxënësve ne total është 12.750. Ndërsa për sa i përket numrit te punonjësve mësimorë është 1150 , numri i shkollave Qendër 52, numri i shkollave vartëse 13, numri i shkollave qendër me shkolla vartëse 9, numri i shkollave SHMB është 3.

    Nxënësit janë pajisur me tekste shkollore, proces i cili është realizuar normalisht ndërkohë që është punuar intensivisht për rikonstruksionin e godinave të shkollave.

    Probleme janë hasur në komunitetin rom, pasi gjatë regjistrimit, prindërit nuk kanë pasur një numër telefoni për të finalizuar aplikimin në e-albania dhe një pjesë e mirë e tyre nuk i kanë regjistruar fëmijët në shkollat që i përkasin zonës së tyre të mbulimit, por i janë drejtuar shkollave të qytetit.

    Përballë kësaj situate pranë çdo shkolle edhe këtij kontingjenti nxënësish iu është ofruar asistenca e duhur për të realizuar regjistrimin e tyre deri në ditën e parë të shkollës.

    Ndërkohë, shkollat që nuk do të hapen për vitin 2022- 2023 janë: Në Patos, shkolla “ Muhamet Shehu” për shkak se ndodhet në rikonstruksion, në Lushnje, shkolla vartëse AF Lekaj do të përqendrohet në shkollën Qendër, në Levan, gjimnazi “ Kutbi Vruzhaj” për shkak të rikonstruksionit, mësimi do te kryhet në godinën e gjimnazit “Janaq Kilica“ në Fier , njëlloj si gjatë vitit të kaluar, ndërsa në Mize të Divjakes për shkak se godina ndodhet jashtë funksionit, mësimi do të zhvillohet në shkollën 9-vjeçare “Koli Sako”.

  • VIDEO

    100 laboratorë smart në shkollat e vendit, Rama: Do të shtojmë edhe të tjerë! Të bëjmë të rinjtë të aftë për tregun e punës online

    Viti i ri arsimor nis me risinë e kurrikulës TIK në klasat e para, me Laboratorët Smart që janë ngritur edhe në 100 shkolla të tjera në të gjithë vendin. Rama tha se pritet që në tre vite të shtohen këto laboratorë, për t’i përgatitur të rinjtë për një treg pune, atë online, që sipas tij paguhet mjaft mirë.

    “Janë 100 laboratorët e parë që i instalojmë. Ndërkohë kemi dhe një plan mbështetje në mënyrë që i gjithë sistemi të përhapet në të gjitha shkollat e vendit në një kohë të arsyeshme. Duke qenë se futen për herë të parë laboratorët smart, e pamë të arsyeshme që ta nisim me 100 dhe më pas do shtojmë të tjerë. Ajo që është themelore, është të hyjnë në një fazë kodimi dhe të bëhen të aftë për një treg pune.

    Ne do shtrijmë gjithë programin në bashkëpunim me sipërmarrjet që të krijojmë një shtresë komplet të re që ka filluar të formësohet. Brenda 2-3 vjetësh të kemi një numër të rinjsh që të përshtaten me tregun e punës online dhe ka të ardhura shumë të larta”, tha Rama.

    Në shkollën “Jeronim de Rada”, mësuesja zbuloi detaje nga platforma e kodimit për fëmijët e klasës së parë.

    “Platforma e kodimit do të sjellë mënyrë të re të të mësuarit të kësaj lënde. Përdoret nga 25 milionë fëmijë në të gjithë botën ndërsa mund të përdoret edhe në shtëpi. Fëmijët pasi të kenë mësuar përdorimin e mausit dhe tastierës, do të prezantohen me kastorin, i cili duhet të kalojë një sërë sfidash në habitatin e vet. Faqja e aplikacionit është shumë e thjeshtë për fëmijët”, tha mësuesja.

    •  
  • VIDEO

    Sot nis viti i ri shkollor, rreth 29 mijë nxënës ulen për herë të parë në bankat e shkollës! Trafik i rënduar në Tiranë

    Sot nis viti i ri shkollor për arsimin parauniversitar. Rreth 29 mijë nxënës ulen për herë të parë në bankat e shkollës. Që në orët e para të mëngjesit, ka trafik të rënduar në rrugët e Tiranës pasi të gjithë prindërit nxitojnë që të çojnë fëmijët në orar në shkollë.

    • VIDEO

      Dita e parë e shkollës, trafik i rënduar në rrugët e Tiranës

      Në ditën e parë të nisjes së vitit të ri shkollor, në rrugët e kryeqytetit është shkaktuar një trafik i rënduar.

      •  
    • VIDEO

      Po transportonin 8 sirianë të paligjshëm, 2 të rinj në Vlorë nuk i ndalojnë policisë! FNSH u vihet në ndjekje, arrestohet një prej tyre

      Dy të rinj në Vlorë, të cilët po transportonin 8 sirianë, nuk i janë bindur forcave të policisë për të ndaluar gjatë një psotoblloku, por kanë braktisur mjetin dhe janë larguar.

    • VIDEO

      Pas Krujës, policia e Shtetit operacion ‘blic’ në Elbasan! Kontrolle në makina të dyshimta për kapjen e personave në kërkim

      Pas kontrolleve në zonën e Krujës, policia e Shtetit mbrëmjen e sotme ka zbarkuar në Elbasan, në kërkim të personave me precedentë të mëparshëm penal.

    • VIDEO

      Pilotët e garave ‘ndezin’ Tiranën, drift në sheshin ‘Nënë Tereza’, dhurojnë spektakël për kryeqytetasit

      Zhurma e motorëve të fuqishëm, xhirimet e gomave apo tymi i krijuar ka bërë që shumë qytetarë, kryesisht të rinj dhe të reja, të ndalen këtë të dielën në sheshin ‘Nënë Tereza’ të Tiranës.

    • VIDEO

      Prezantohet abetarja e përbashkët Shqipëri-Kosovë, ministrja Nagavci: Me një punë të madhe arritëm një proces kaq të rëndësishëm! Do të kemi projekte të tjera

      Ministrja e  Arsimit e Kosovës Arbërie Nagavci u shpreh se abetarja e re është një ndër gurët e parë në bashkëpunimin mes dy vendeve teksa njoftoi se në të ardhmen se do të ketë dhe projekte të tjera.

      "Është kënaqësi dhe nder i veçantë për mua për  promovimin e abetares unike. Shpresojmë që sot të fillojmë mësimin e shkronjave me një abetare  te përbashkët. Vogëlushit tanë do të mësojnë gjuhën shqipe me  një abetare të përbashkët, do të bëjmë histori. Kemi jo vetëm një abetare të re, po një libër  cilësor. Është detyra e jonë e  përbashkët për të vazhduar shembullin e mësuesve tanë të shembullt dhe të dashur.

    • VIDEO

      Prezantohet abetarja e përbashkët Shqipëri-Kosovë, ministrja e Arsimit: Sfidë të ruajmë dhe përforcojmë Gjuhën Shqipe

      Në Pallatin e Brigadave po prezantohet Abetarja e përbashkët Shqipëri –Kosovë! Ministrja e Arsimit në vendin tonë Evis Kushi tha se sfida e madhe është që të ruajmë dhe të përforcojmë Gjuhën Shqipe.

    • VIDEO

      Abetarja e përbashkët Shqipëri-Kosovë, Rama: Sfidë që u realizua në kohë! Ministrja e Arsimit: Fillimi i një faze për forcimin e Gjuhës Shqipe

      Nxënësit e klasave të para në Shqipëri dhe në Kosovë, për herë të parë do të mësojnë me një abetare të përbashkët, duke sjellë kështu një risi për brezat e ardhshëm që do të vijnë. Një ditë para nisjes së vitit të ri shkollor, në një organizim të mbajtur këtë të diel në Tiranë në Pallatin e Brigadave, ku të pranishëm kanë qenë ministrat e Arsimit të Shqipërisë, Kosovës e Maqedonisë së Veriut, u prezantua Abetarja e unifikuar.

    • VIDEO

      Nisja e vitit të ri shkollor, Meta: Shqipëria ka buxhetin më të ulët për arsimin, të ndihmohen familjet në nevojë

      Një ditë para nisjes së vitit të ri shkollor, kryetari i Partisë së Lirisë, Ilir Meta në një deklaratë për mediat ka folur në lidhje me problematikat e arsimit në vend. Meta e nisi fjalën tij duke kritikuar deklaratën e ministrit të brendshëm Bledi Çuçi, i cili tha në një studio televizive se pa krim nuk ka zhvillim. Kjo për Metën është në deklaratë shokuese, ndërsa shtoi se qeveria është kthyer në promotoren e krimit.

    • VIDEO

      Nesër nis viti i ri shkollor, Policia plan masash për garantimin e rendit! Rrumbullaku: Mos u vendosni gjoba prindërve që do çojnë fëmijët në shkolla

      Duke qenë se nesër nis viti i ri shkollor dhe pritet të ketë fluks trafiku, Policia e Shtetit ka hartuar një plan masash për garantimin e rendit dhe sigurisë. Drejtori i Përgjithshëm i Policisë së Shtetit Muhamet Rrumbullaku mesditën e sotme, zhvilloi një takim me strukturat e Departamentit për Sigurinë Publike dhe ato të DVP Tiranë.

      Rrumbullaku kërkoi që ndryshe nga çdo vit tjetër, pranë shkollave, të jenë të planëzuar patrulla të përgjithshme, shërbimet e Forcës së Posaçme “Shqiponja” dhe ndihmës/specialistë të Policimit në Komunitet, të cilët do të monitorojnë qarkullimin e automjeteve në afërsi të shkollave dhe do të ndihmojnë nxënësit dhe prindërit, me qëllim vijimin e trafikut normal dhe parandalimin e ngjarjeve të mundshme rrugore.

    Për lajme të tjera kërkoni në arkiv