-
VIDEO
Tavë me perime dhe qofte furre, një gatim plot ngjyra e shije nga zonja Albana
Tavë me perime dhe qofte furre
Përbërësit:
- 1 patëllxhan
- 1 spec i kuq
- 2 patate
- 2 domate
- 1 qepë
- 500 gr mish i grirë
- 1 lgj bukë e thërrmuar
- 1 kokërr vezë
- 200 ml salcë domate
- 70 ml ujë
- Vaj ulliri
- Hudhër pluhur
- Piper i kuq i ëmbël
- Kripë, piper i zi
- Majdanoz
Përgatitja:
Presim perimet në disqe dhe i marinojmë me kripë, piper të zi, piper të kuq dhe hudhër pluhur. Ndërkohë mishin e grirë e bashkojmë me një qepë të grirë imët, një vezë, thërrime buke, kripë, erëza dhe realizojmë qofte rrumbullake.
Vendosim në një tavë patëllxhanët, patatet, domatet dhe qoftet. Salcën e domates e hollojmë me pak ujë, shtojmë vaj ulliri dhe e lëmë të vlojë për 10 minuta. E shtojmë mbi perimet, vendosim nga një shirit spec të kuq për shije dhe për dekor dhe e vendosim tavën në furrë në temperaturën 200 gradë për 45 minuta me letër pjekje.
-
VIDEO
Si të realizojmë siç duhet Xaxiq, salcë kosi me erëza dhe kastravec nga zonja Albana
Xaxiq - Salcë kosi me erëza dhe kastravec
Përbërësit:
- 2/3 kastravec i madh
- 220 gr kos i trashë
- 1-2 thelpi hudhër
- 1 limon
- Vaj ulliri
- Majdanoz
- Koper
- Kripë
Përgatitja:
Qërojmë kastravecin dhe e kalojmë në rende, më pas e përziejmë me vaj ulliri, kripë dhe lëng limoni. E lëmë të kullojë në një sitë. Rrahim kosin mirë, shtojmë thelpinjtë e hudhrës, kastravecin e grirë, koperën dhe majdanozin. Në fund shtojmë vaj ulliri dhe kripë.
-
VIDEO
Shqeto Përmeti, gatimi me shije mbresëlënëse i traditës nga zonja Albana
Shqeto Përmeti
Përbërësit:
- 4-5 racione mish qengji / viçi
- 1 lugë gjelle gjalpë
- 2 lugë gjelle miell
- 1 gotë qumësht ose kos
- 1 e verdhë veze
- Lëng limoni sipas dëshirës
- Majdanoz i freskët
- Gjalpë i skuqur për servirje
- Kripë, piper i zi
Përgatitja:
Kaurdisim racionet e mishit duke shtuar herë pas here nga pak ujë. Pasi mishi ka ndryshuar ngjyrë shtojmë ujë me pak kripë dhe e lëmë të ziejë. Më pas, në një tigan kaurdisim miellin me gjalpë derisa mielli të ndryshojë ngjyrë. E shuajmë me lëng mishi dhe e trazojmë që të mos kokrrizohet. Më pas shtojmë 1 gotë qumësht ose kos, rregullojmë shijen me kripë dhe piper të zi dhe vendosim racionet e mishit. Rrahim të verdhën e vezës me lëng limoni dhe e shtojmë tek gatimi, e lëmë pak minuta në zjarr dhe më pas e shërbejmë të ngrohtë spërkatur me pak gjalpë të tretur dhe majdanoz të freskët.
-
VIDEO
Super e shpejtë dhe pa kosto / Tavë me bukë ricikluese nga zonja Albana
Tavë me bukë ricikluese
Përbërësit:
- 1 bukë tosti / masive
- 300 gr gjalpë
- 150 gr proshutë
- 60 gr djathë
- 1 domate
- 4 vezë
- 250 ml qumësht
- 50 gr djathë i butë pice
- Kripë, piper, rigon
Përgatitja:
Në një tavë vendosim fetat e bukës, sipër çdo fete shtojmë gjalpë, proshutë dhe djathë. Domaten e presim në kubikë të vegjël dhe e marinojmë me kripë dhe rigon dhe e vendosim mbi shtresën me djathë. Vendosim sërish një shtresë me feta buke. Rrahim vezët me qumësht, kripë dhe piper të zi. E shtojmë masën në tavë që të lagen të gjitha fetat e bukës. Vendosim pak copëza gjalpi dhe e spërkasim sipërfaqen me djathë të grirë. E vendosim tavën në furrë në temperaturën 190 gradë Celsius për 30 minuta.
-
VIDEO
'Shtypi i Ditës dhe Ju', ja çfarë shkruajnë gazetat për sot e enjte 20 korrik 2023
Titujt e gazetave për sot, nga korrupsioni, BE pezullon fondin 112 milionë Euro për bujqësinë te Frida Krifca ministrja e shkarkuar nga Brukseli e deri tek pse kaq zhurmë për RTSH.
-
VIDEO
Gjendet 42-vjeçarja që braktisi burrin, dashnori i del për zot: Të vegjlit i kam si fëmijët e mi (19 Korrik 2023)
“Elton më fal që të kam sjellë gjithë këto debate por tani kupa u mbush. Shiko jetën tënde, shiko të gjesh dashurinë e jetës tënde se unë e gjeta dashurinë time.” Njofton ikjen e saj me anë të kësaj letre, largohet me të dashurin nëna e 3 fëmijëve. Pas 21 vitesh martesë me bashkëshortin Elton Sinanaj, Zeliha merr guximin të largohet përfundimisht nga shtëpia, ku jetonin në Vlorë, për shkak të konflikteve të vazhdueshme në familje. Ishte data 27 mars 2023 kur 42-vjeçarja merr dy fëmijët e saj të mitur, djalin 15 vjeç dhe vajzën 1 vjeçe e gjysëm, duke braktisur kështu djalin e madh 19 vjeç, i cili prej dy vitesh punon në Itali. Përveç letrës, po atë ditë Zeliha ka njoftuar ikjen e saj edhe në komisariatin e policisë në Vlorë, ku ka deklaruar se do të largohej me dëshirën e saj. Për shkak të kësaj deklarate edhe pas denoncimit të familjarëve, uniformat blu nuk e kanë kërkuar 42-vjeçaren. Pas largimit të saj nga shtëpia, familjarët nuk kanë mundur dot të lidhen më me Zeliha Sinanajn, pasi telefoni i saj rezulton i fikur. Familjarët kanë arritur të zbulojnë personin me të cilin Zeliha kishte nisur një lidhje dashurie. Afro 10 vite më i ri në moshë, Zeliha ishte njohur me djalin nga Berati në ambjentet e punës, ndërsa kishte nisur një lidhje jashtmartesore. Pavarësisht se familjarët kanë trokitur në derën e këtij të fundit për ta pyetur, ai e ka mohuar një gjë të tillë, ndërsa ka treguar se Zeliha nuk ndodhet me të. Të shqetësuar pasi prej muajsh nuk kanë asnjë informacion, familjarët sot kërkojnë ndihmën e emisionit ‘Pa Gjurmë’ për gjetjen e 42-vjeçares nga Vlora.
-
VIDEO
Rrogozhinë, të dielën votohet për kryetarin e Bashkisë (19 korrik 2023)
I ashpër ka qenë kandidati i BF-së për Bashkinë Rrogozhinë, Shkëlqim Hoxha ndaj kryebashkiakut Erion Veliaj. I ftuar në Repolitix, me gazetarin e Report Tv, Denis Minga, Hoxha u përgjigj deklaratave të Veliaj ku e cilëson si ‘bixhozxhi’ dhe se është i blerë. Ai e ka quajtur kryebashkiakun Veliaj mashtrues ordiner, paksa me tone prej ‘të forti.’
-
VIDEO
Veliaj e quajti ‘Çim Bixhozi’, kandidati i BF për Rrogozhinën në Repolitix: Mashtrues ordiner, s’ka burrë none që më blen mua! Kam rival vetëm qeverinë
I ashpër ka qenë kandidati i BF-së për Bashkinë Rrogozhinë, Shkëlqim Hoxha ndaj kryebashkiakut Erion Veliaj. I ftuar në Repolitix, me gazetarin e Report Tv, Denis Minga, Hoxha u përgjigj deklaratave të Veliaj ku e cilëson si ‘bixhozxhi’ dhe se është i blerë. Ai e ka quajtur kryebashkiakun Veliaj mashtrues ordiner, paksa me tone prej ‘të forti.’
-
VIDEO
"Kafe, raki dhe vepra arti", Klevis Myrta rrëfen jetën në fshat: Ja hilet e artistëve (19 korrik 2023)
Klevis Myrta është student në vitin e parë master në Akademinë e Arteve në Tiranë. Pas përfundimit të sezonit të provimeve, ai rikthehet pë të qëndruar disa kohë në fshat pranë familjes. Gjithë fëmijërinë e tij e ka kaluar në fshatin Lleshan të Elbasanit, i cilësuar si një nga vendbanimet më të hershme ilire. Kështu lindi kurioziteti i tij për të njohur më tepër historinë dhe për të realizuar figura të rëndësishme historike në baltë, dru apo mermer. Arti i tij është përqëndruar më shumë tek skulpturat, por herë pas herë realizon piktura në telajo ose murale.
-
VIDEO
Gati skena për Ricky Martin, nesër koncerti me ritme latine! Bashkia Tiranë: Natë e paharrueshme, presim 20 mijë pjesëmarrës
Në sheshin ‘Skëndërbej’ në Tiranë po bëhen përgatitjet e dfundit për skenën ku do të performojë ylli i muzikës latine Ricky Martin. Drejtoresha e Promocionit e Bashkisë Tiranë Mirela Koçollari dha detaje nga koncerti.
-
VIDEO
Dosja ‘Ahmetaj’/ Kadilli për Report Tv: Rama të mbajë përgjegjësi politike, të japë dorëheqjen
Ish-deputeti demokrat Fatbardh Kadilli thotë se kryeministri Edi Rama duhet të mbajë përgjegjësi politike për çështjen e Arben Ahmetajt. I ftuar në Report Tv, Kadilli thotë se ai që merr përgjegjësi politike duhet të japë dorëheqjen dhe duke theksuar se përgjegjësia mbetet e kryeministrit Rama.
-
VIDEO
Cikloni në politikë, a po e gjunjëzon drejtësia? (19 korrik 2023)
Deputeti demokrat Dash Sula ka komentuar në Report Tv pezullimin e fondeve IPARD II. Deputeti Sula thotë se IPARD ka qenë prej vitesh një ‘gropë përfituese e zezë’, ku është abuzuar gjithë kohën me fondet e dhëna nga Bashkimi Europian.