Bllokohet çanta me rreth 30 mijë paund në ‘Audi’ në portin e Durrësit, detaje nga operacionet

Policia kufitare e Durrësit ka bllokuar dhe sekuestruar në port ditën e djeshme në dy raste mbi 30 mijë paund. Sipas policisë, fillimisht nga kontrolli në mjetin tip “Audi” që drejtohej nga 38-vjeçari me inicialet N.M. në çantë ju gjetën e bllokuan  një sasi  paund që nuk i kishte deklaruar.

Edhe rasti i dytë u regjistrua po dje, ku personave me inicialet B. M. dhe F. Gj. 32 vjeçe e 41 vjeç iu bllokuan sërish një sasi paund të padeklaruar. Policia kufitare nuk jep detaje për shumën që është gjetur dhe sekuestruar, por burime për Report Tv pohojnë se bëhet fjalë për mbi 30 mijë paund, që janë bllokuar, rreth 15 mijë në rastin e parë dhe 17 në të dytin.

Ende nuk dihet nëse dy rastet kanë lidhje me njëri tjetrin, ndërsa dosja ka kaluar në prokurorinë e Durrësit. Personat që kishin shumat e sekuestruara po ktheheshin nga Anglia, ndërsa janë marrë në pyetje për të deklaruar origjinën e shumës dhe janë liruar, ndërsa hetimet vijojnë.

LEXO EDHE:
Eksportet në krizë/ INSTAT: U tkurrën me mbi 22% në tremujorin e parë të vitit! Industria e tekstileve ‘në kthetrat’ e zhvlerësimit të euros

Kujtojmë që pak javë më parë në portin e Durrësit u sekuestruan 3.4 milionë euro në dy makina tip ‘Toyota’, ndërsa porositësit janë ende në kërkim.

TAG:
• porti i durresit
• paund

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  23.8%

• Keq

  62.9%

• Nuk e di

  13.3%

Vota total: 870

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di