Bota

83% e grave të moshave 16 deri në 39 janë të detyruara të ndryshojnë sjelljet e tyre apo personat me të cilët shoqërohen për të shmangur dhunën apo ngacmimet seksuale, duke kufizuar kështu lirinë personale, thuhet kështu në raportin e publikuar nga Agjencia Evropiane për të drejtat themelore.

Rritja e konsiderueshme e rasteve të reja me COVID-19 në Evropë ka bërë që një pjesë e madhe e shteteve të rikthejnë kufizimet, ndërkohë që pas dy muajsh shkëputje nxënësit britanikë kthehen në shkolla, ndërkohë që bizneset gjermane hapin sërish qepenat.

8 marsi është Dita Ndërkombëtare e Gruas, dita kur luftohet për liri dhe barazi të grave. Por cili është kuptimi i saj? A është një festë apo protestë? A ka një ditë të ngjashme për burrat? A do të mbahen evente online për hir të kësaj dite?

Eksperti i sëmundjeve infektive në SHBA, Anthony Fauci ka paralajmëruar se është shumë herët për t’i dhënë fund kufizimeve anti-COVID, pavarësisht se Teksasi dhe Misisipi i kanë lehtësuar ato, duke hequr përdorimin e maskave dhe duke mos kufizuar numrit e personave në ambiente të mbyllura.

Jo një trëndafil por një mimozë për të shprehur mirënjohjen dhe vlerësimin për gratë, sot në Ditën Ndërkombëtare të Gruas. Në mbarë botën sot organizohen protesta, për t'iu kujtuar edhe njëherë grave se edhe pse kemi ecur shumë përpara ende barazia mungon.

Në një  rrëfim  të jashtëzakonshëm Duka dhe Dukesha e Sussex rrëfyen vështirësitë që kishte ndeshur çifti mbretëror nga fillimi i lidhjes së tyre, problemet me paragjykimet racore dhe shëndetin mendor të Markle.

Rritja e temperaturave i josh njerëzit të dalin në natyrë. Por sa gjasë ka që të infektohesh jashtë nga koronavirusi?

Dy ditë para ditës së gruas, gruaja e “hekurt” e Evropës kancelarja Angela Merkel ka paralajmëruar se pandemia e COVID-19 po kërcënon barazinë gjinore në të gjithë sferat e jetës.

Olivier Dassault, deputeti francez dhe trashëgimtari miliarder i pasurisë së Dassault, vdiq ditën e sotme pasi helikopteri me të cilin udhëtonte u rrëzuar në veri të Francës.

Në Italia janë shënuar ditën e sotme 207 viktima me COVID, 100 më pak se ditën e djeshme, ndërkohë që u raportuan 20765 raste të reja.

Zvicra do të ndjekë Francën, Belgjikën dhe Austrinë pasi votoi ngushtë në një referendum për të ndaluar gratë të veshin burka ose veshjet që mbulojnë fytyrën në hapësirat publike.

Vendosja e bllokimit të 250 mijë dozave të vaksinës së AstraZenneca nga ana e Italisë për Australinë ka marrë vëmendjen e të gjithë globit. në të gjithë botën. Një vendim i fortë, por i domosdoshëm, pasi në javët e fundit prodhuesi i vaksinës kishte njoftuar vazhdimisht shkurtime në dërgesat e pritshme.

Pas vaksinimit masiv të popullatës, Izraeli duket se po i kthehet jetës normale. Restorantet, baret dhe hapësirat e aktiviteteve që kanë qenë të mbyllura në kuadër të masave kundër COVID-19, filluan të ofrojnë shërbime, por shumica prej tyre vetëm për personat që kanë marrë dy dozat e vaksinës.

Nazanin Zaghari-Ratcliffe u lirua nga byzylyku elektronik pasi vuajti një dënim me pesë vitesh në Iran, tha një deputet britanik i cili foli me familjen e saj, por ajo është thirrur përsëri në gjykatë të Dielën e ardhshme.

Agjencia shëndetësore austriake ka lajmëruar ditën e sotme pezullimin e vaksinimit me  një grup të vaksinave të AstraZenneca pasi një 49 vjeçare humbi jetën pas injektimit. 

Udhëheqësi shpirtëror tibetian Dalai Lama ka marrë dozën e tij të parë të vaksinës antiCOVID në një spital në Indi.

Kohë pandemie, pa party, më pak drogë? Përkundrazi. Kokaina pavarësisht lockdownit mbërrin me tonelata në Gjermani. Nga Amerika e Jugut përmes kontejerëve nëpër porte droga arrin klientët, nëse nuk ka pengesa rrugës.

Vaksinimi kundër COVID-19 , nuk ka arritur ende të vërë nën kontroll pandeminë. Në të gjithë kontinentin evropian variantet e reja të virusit po përhapen me shpejtësi të madhe. Varianti i ri u përfshiu një çerdhe dhe një shkollë fillore në periferi të Bollate të Milanos me një shpejtësi të mahnitshme. Për vetëm disa ditë, 45 fëmijë dhe 14 anëtarë të stafit rezultuan pozitiv.

Nga rrënojat e katër kishave në Mosul, të shkatërruara midis viteve 2014 dhe 2017 nga sulet e ISIS, Ati i Shenjtë u lut për viktimat e luftës.