Lajme nga emisionet

Kryetari i Partisë ‘Nisma Thurje’ Endri Shabani pretendon se Belind Këlliçi, kandidati i koalicionit Berisha-Meta ka kopjuar skemën e tyre për transformimin e transportit publik në Tiranë. Në një intervistë për Report Tv, komenton platformën e Belind Këlliçit që premton për transport publik falas duke thënë se kanë të njëjtën skemë, por vetëm për 2 kategori, studentët e pensionistët.

Kujtimet e një ambasadori, Fatos Tarifa në një rrëfim ndryshe për jetën dhe vështirësitë e një diplomati në SHBA si dhe pasionet përtej kostumit diplomatik.

Sipas analistit, Ergys Mërtiri, shtimi i numrit të vëzhguesve, jo domosdoshmërisht do të sjellë si rezultat zgjedhje me standart më të lartë. Në një lidhje ‘skype’  për emisionin ‘Sot Live në Shqipëri’ me gazetarin Nertil Agalliu në Report TV, Mërtiri tha se problemi i vërtetë që duhet të zgjidhet sot në Shqipëri ka të bëjë me shitblerjen e votave para ditës së votimit.

Deputeti i anuar nga kampi i Alibeaj, Dashnor Sula u shpreh sot se në rast se Berisha merr rezultate pozitive në zgjedhje, do shkojë pranë tij. Ndër të tjera, ai beson se do të ketë edhe një rikthim të Lulzim Bashës në politikë, përplasja e së cilit me ‘të atin’ politik, Berishën, shkaktoi një luftë brenda demokratëve. Sula thotë se shkaku i kësaj ndarjeje të thellë brenda selisë blu ka qenë pjellë e elitave politike, e jo dëshirë apo ambicie e demokratëve të thjeshtë

Debate të ashpra janë regjistruar sot në emisionin ‘Studio Live’ në Report Tv. Mes ish deputetit Halit Valteri dhe kryeredaktorit të gazetës “Standard”, Gëzim Saliu.

Nga

Xhensila Nako

Enkeleda Brahimaj e ka gjetur formulën dhe në familjen e saj nuk njihet më termi "monotoni". Pas 10 vitesh në Itali, vendosi të kthehej për dashurinë në Shqipëri, ku ndërtoi familjen.

Merita Nexhipi kishte 4 muaj që nuk kishte asnjë lajm nga vajza e saj, 22-vjeçarja Brisilda Nexhipi, mirëpo sot mësoi nga ‘Pa Gjurmë” fatin e trishtë se e bija i ka ndërruar jetë si pasojë e një aksidenti rrugor të ndodhur në Durrës.

Ish kreu i shoqatës së basteve, Arjan Shyti u shpreh pro projektligjit të propozuar për rikthimin e basteve, por sipas tij duhen rishikuar rregullimet që ligji përmban. Nevoja për të pasur një llogari bankare si e vetmja mënyrë për të qenë në gjendje të vendosen baste online, është diçka që do të stepë shumë persona, sipas Shytit.

Obeziteti në shtatzani, suplementet që duhen marrë, kujdesi për veten dhe foshnjen

Kryetari i LZHK-së Dashamir Shehi thotë se kandidati i koalicionit Berisha-Meta, Belind Këlliçi duhet të dalë jashtë ‘Foltores’ dhe t’i drejtohet politikisht qytetarëve të Tiranës, në mënyrë që të maksimalizojë votat për të fituar. I ftuar në emisionin ‘Sot Live në Shqipëri’ ne Report Tv, u shpreh se partia e tij do të mbështesë kandidatët të cilët kanë mundësitë më në mëdha në zgjedhje

Rigels Xhemollari, drejtues në ‘Qëndresa Qytetare’, organizate e cila merret me vëzhgimin e zgjedhjeve deklaron se blerja e votës dhe përdorimi i burimeve publike janë 2 prej problematikave më të mëdha të zgjedhjeve në vend. I ftuar në ‘Sot Live në Shqipëri’ në Report Tv me gazetarin Nertil Agalliu, Xhemollari shprehet vetëm pjesëmarrja e minimizon efektin e këtij fenomeni.

Eva Kjaer, shqiptarja që po korr sukses në Danimarkë në fushën e gastronomisë

Tërbuni i Pukës (Kategoria e Parë) u përjashtua nga Komisioni i Disiplinës pranë FSHF-së dhe sezonin e ri do luajë në Kategorinë e Dytë, me argumentin për mos plotësimin e kritereve të sigurisë dhe dhunës ndaj arbitrave në ndeshjen mes tyre dhe Turbinës, fundjavën që lamë pas.

Bensik Vathi, anëtar i Bordit të Tur-Operatorëve ka komentuar në Report Tv Konventën Ndërkombëtare të Turizmit që u mbajt në vendin tonë. Vathi tha se kjo ishte një mundësi shumë e mirë për promovimin e vendit tinë në rrjetin ndërkombëtar të profesionistëve të turizmit. Gjithsesi, Vathi u shpreh se Shqipëria nuk mund të presë vetëm aktivitete të tilla, por duhet të marrë pjesë edhe në panairet ndërkombëtare.

Një 70-vjeçar nga Çekia ndërroi jetë një ditë më parë në një fluturim me parashutë, pasi pësoi arrest kardiak. Artion Vreto, Sekretar i Përgjithshëm i Federatës se Aeronautikës foli në Report Tv për këtë ngjarje, ndërsa thotë se turistët e huaj që vijnë në Shqipëri hidhen me parashutë në mënyrë të pavarur dhe nuk kërkojnë shoqërimin e guidave shqiptare, ashtu siç e parashikon ligji shqiptar.

Tirana do të ketë 6 kandidatë në garë për Bashkinë dhe për gazetarin Flogert Muça kjo është në dëm vetëm të Belind Këlliçit pasi Roland Bejko i PD dhe Lajla Përnaska e PDIU do i marrë vota që mund të shkonin drejtpërdrejtë te ai.

Shqipëria ka arritur që të mbledhë firmat në asamblenë e Këshillit të Europës për mocionin për një rezolutë të re mbi rezolutën e propozuar në 2011 nga Dick Marty për luftën e UÇK-së. Deputeti i PS, Etjen Xhafaj thotë se kjo erdhi pasi nuk u arrit të provohej asnjë nga akuzat.

Gjendet pas 6 viteve në Gjermani, 38-vjeçari Landi Kondaj. Falë emisionit ’Pa Gjurmë’ në Report TV, një bum informacionesh mbërritën në adresë të programit. Landi Kondaj u gjet në Berlin, ndërsa ishte informuar se kërkohej në emisionin ’Pa Gjurmë’.

Çdo vit e më shumë po shtohet numri i të prekurve nga kanceri dhe tumori. Cilat janë shkaqet dhe mënyrat për ta parandaluar një tumor dhe ushqimet që ndihmojnë.