Lajme nga emisionet

Analisti Frrok Çupi e konsideroi protestën e dhunshme të thirrur nga Sali Berisha një sulm ndaj PD dhe vetë SHBA për të shfryrë inatin se pse e shpalli "non grata". Çupi tha se brenda PD ka pasur gjithmonë persona të dhunës dhe sipas tij Berisha është kujdesur gjithmonë që t'i mbledhë këto persona të krimit rreth vetes.

Situata e tensionuar në PD ishte tema e diskutimit këtë mbrëmje në emisionin 'Pa Protokoll' të gazetares Anduela Ndreu në Report Tv. Anëtari i Këshillit Kombëtar të PD, Blendi Sulaj, tha se në protestën e nesërme të thirrur nga Berisha do të ketë kriminelë që do kryejnë akte dhune. Ndërsa analisti Plator Nesturi është i mendimit se kriza në selinë blu zgjidhet vetëm në gjykatë.

Ngritja e shtabit pararojë të ushtrisë amerikane në vendin tonë, për deputetin e Partisë Socialiste Bardhyl Kollçaku nuk është një përzgjedhje rastësore, por ka ardhur si rezultat i një bashkëpunimi ndër vite mes Forcave të Armatosura Shqiptare me NATO-n dhe SHBA-në. Në Report Tv, Kollçaku tha se javën e ardhshme nisin punimet për bazën ajrore të Kuçovës. 

Në emisionin 'Kontrast' në Report Tv, duke komentuar situatën në PD, gazetari Carlo Bollino u shpreh se rruga ligjore është në favor të Bashës.  Bollino u shpreh se vendimi i marrë në Kuvendin e datës 18 dhjetor nga Basha, rrëzon vendimin e parë të marrë në 11 dhjetor nga Berisha.

Atë se çfarë pritet të ndodhë në 8 janar, ditën kur do të mbahet protesta e thirrur nga Sali Berisha, për Kreshnik Çollakun, do të jetë një ngjarje që do të turpërojë për një kohë shumë të gjatë demokratët dhe të gjithë vendin.

. Një ditë para protestës së thirrur nga Sali Berisha, Varaku tha se pret të njëjtën retorikë dhe të njëjtën përpjekje për ta bërë sa më spektakolare lëvizjen e tij. Megjithatë, përkundër përpjekjeve të Berishës, Varaku theksoi se Basha do të vijojë të ketë kryetar i PD-së më 9 janar.

Në një kohë kur varianti Omicron është bërë mjaft agresiv për sa i përket transmetueshmërisë, eksperti i Shëndetit Publik dhe drejtues i programit të Track & Trace në Southwark, Londër, Laidon Shapo, i ftuar në “Sot Live në Shqipëri”, u shpreh se doza përforcuese e vaksinës anti-COVID duhet të merret edhe në Shqipëri 2-5 muaj pas marrjes së dy dozave të para dhe jo 6.

Shqipëri duket se ka nisur ‘dimrin demografik’ përsa i përket shkallës së lindshmërisë në vend. Në një intervistë në emisionin "Rreze Dielli" sociologia Entela Binjaku tha se shifrat janë gjithmonë në rënie. 

Shifrat e larta të infektimeve nga COVID-19 ditët e fundit në vendin tonë kanë ngritur "alarmin", por epidemiologu Ilir Alimehmeti për Report Tv tregoi se pavarësisht se Omicron ka "pushtuar" Shqipërinë, me rëndësi ka numri i të shtruarve në spital dhe ai është i ulët.

Idajet Beqiri, avokati i ish-truprojës së Sali Berishës, Izet Haxhisë ka shpjeguar sot se seanca ku u dha sot pretenca për vrasjen e Azem Hajdarit ka pasur probleme. I ftuar  në Report Tv, Beqiri tha se nuk janë marrë në pyetje dëshmitarët që mbrojtja ka kërkuar e ndërsa e cilësoi si të pazakontë faktin që gjykata ka ‘ndërruar mendje’ për të mos marrë parasysh deklaratat e Berishës në media në lidhje me vrasjen e shekullit ndërkohë që më herët i kishte pranuar.

"Jashtëzakonisht e rëndësishme, pikë kulmore në diplomacinë shqiptare", kështu e cilësoi diplomati i njohur Lisen Bashkurti anëtarësimin e Shqipërisë në Këshillimin e Sigurimit të OKB-së.

Nard Ndoka, kreu i Partisë Demokristiane, ish-aleat i PD-së është i mendimit që "lufta" e brendshme politike mes Lulzim Bashës dhe Sali Berishës mund të zgjidhet mes negociatave.

Në emisionin ’Pa Gjurmë’ në Report TV puntatën e kësaj të enjte erdhi në fokus historia e zhdukjes së një riu dibran.
Ardian Pali rezulton i humbur që prej datës 19 maj të vitit 2020. 

Prej 2 ditësh tashmë mbështetësit e Sali Berishës e kanë gjetur të kyçur derën e Partisë Demokratike për ta. Për deputetin Edmond Spaho, mbështetës i 'Foltores', kjo do të marrë fund më 8 janar, kur sipas tij demokratëve do t'u kthehet shtëpia e tyre.

Epidemiologët Erion Dasho nga Gjermania dhe Genc Kapxhiu nga Italia kanë bërë thirrje që në Shqipëri të shtohen kategoritë për vaksinimin e detyrueshëm. Nëse do të ketë më variante të reja të COVID-19  ajo jo nuk mund të thuhet ende.

Dea, Marinela dhe Xheni janë tre vajza të reja me aftësi speciale të cilat dëshirojnë të punojnë dhe të jenë të pavaruara. Me pak ndihmë, tashmë ato kanë arritur që ta bëjnë realitet ëndrrën e tyre. 

Partia Demokratike është kryefjalë e zhvillimeve politike në vend, ku ndonëse 5 janari iku pa shumë zhurmë, sytë janë nga 8 janari, protesta e thirrur nga Sali Berisha. Të ftuarit në emisionin ‘Repolitix’ në Report Tv të gazetarit Denis Minga janë të mendim se ajo që u prodhua sot në selinë blu, është një situatë groteste, sa për të qeshur aq edhe për të qarë.

Analisti Frrok Çupi, thotë se i ka bërë përshtypje që sot Sali Berisha nuk shkoi në selinë blu në zotimin e tij se do të lironte zyrën e PD-së nga Lulzim Basha. Për mungesën e Berishës, Çupi ka dhënë edhe arsye.

Tema e diskutimit këtë pasdite në ‘Studio Live’ në Report Tv ishte situata në Partinë Demokratike. Të ftuar ishin Nebil Çika, ish-kreu i shoqatës së të përndjekurve politikë dhe delegati i PD në Vlorë, Genc Deromemaj.