Lajme nga emisionet

Ushtria ka marrë pasditen e sotme nën kontroll Kullën e Kontrollit në Aeroportin Ndërkombëtar “Nënë Tereza”, pasi një pjesë e madhe e kontrollorëve që kryejnë kontrollin e hapësirës ajrore shqiptare kanë deklaruar paaftësi për të kryer punën. 

Ministrja e Infrastrukturës, Belinda Balluku në një intervistë për Report Tv, tha se pas grevës së kontrollorëve të trafikut ajror qëndrojnë njerëz me prapavijë politike që janë kallëzuar në prokurori.  Ajo tha se Kulla e Kontrollit po merret në mbikëqyrje nga ushtria si ndërtesë e sigurisë së lartë, ndërsa tha se ky grusht shteti nuk do të pengojë zhvillimin e stërvitjes ushtarake të NATO-s më 26 prill.

Ndërprerjen e punës nga ana e kontrollorëve të AlbControll që solli dhe pezullimin e flutrimeve në Rinas, aktivistja Brizida Gjikondi në një intervistë për Report Tv e ka cilësuar si një pabesi me prapavijë politike, pas së cilës sipas saj fshihet presidenti Ilir Meta

Kandidati për deputet i koalicionit opozitar, PD-AN, Dashamir Shehi është shprehur kundër takimeve elektorale të kryedemokratit Lulzim Basha ku shfaqet në mes të turmave të mëdha të njerëzve pa respektuar asnjë masë anti-COVID. Megjithatë për Shehun, as kundërshtari i tyre politik, Edi Rama nuk është më mirë, duke thënë se kryeministri nuk mbledh njerëz në takime për fasadë, por në "zyrat e PS që janë plot".

Report Tv dhe Instituti prestigjioz italian Piepoli, sollën sondazhin e gjashtë për zgjedhjet politike të 25 prillit. 60% e shqiptarëve e konsiderojnë si strategji të dobishme blerjen e vaksinave ruse dhe kineze, e ndërsa janë shprehur kritik për mitingjet e zhvilluara nga kryedemokrati Lulzim Basha, sipas së cilëve po kërcënon shëndetin e qytetarëve. Megjithatë ka edhe nga ata që mendojnë se fitoja është më e rëndësisishme se rregullat.

Kryetari i Bashkisë Tiranë dhe drejtuesi i qarkut të PS në Tiranë, Erion Veliaj tha se PS është forca që do t'i fitojë zgjedhjet pasi askush nuk mund të sjellë në krye të vendit një parti e cila ka treguar se di vetëm të flejë gjumë dhe të sjellë regres duke iu referuar PD. Në lidhje me deklarata e Ilir Metës se do të jap dorëheqjen nëse fiton PS një ditë pas zgjedhjeve, Veliaj tha në emisionin Repolitix në Report Tv se PS do t'i fitojë zgjedhjet dhe presidenti Ilir Meta nuk do të japë dorëheqjen sepse nuk e mban fjalën.  

Drejtorët e bashkisë në Korçë janë në sulm për të intimiduar vartësit e tyre për të mbledhur vota. Kështu ka deklaruar në një intervistë për Report Tv, Endrit Braimllari kandidat për deputet në qarkun e Korçës

Rezultati i zgjedhjeve të 25 prillit do të vonojë më shumë se vitet e kaluara, për shkak të fletës së re të votimit, ku përveç votave të ardhura për partinë, do të numërohen edhe ato për kandidatët.