Lajme nga emisionet

Kandidatja e Partisë Demokratike për Tiranën, Taulanda Jupi, mendon se kandidatët e partisë kundërshtare nuk kanë të krahasuar me listën e PD-së

I ftuar në "5 pyetje nga Babaramo' në Report Tv, Ahmetaj tha se shumë shpejt pritet të mbërrijnë rreth 82 mijë doza AstraZeneca nga COVAX dhe 50 mijë AstraZeneca dhuratë nga një vend mik dhe gjithashtu deri në fund të prillit vijnë edhe 30 mijë doza Pfizer. Ministri Ahmetaj tha se duhen diku te 4 deri në 5 milionë vaksina për të përmbyllur vaksinimin masiv që nga mosha + 16 vjeç.

Kandidati i Partisë Socialiste në Shkodër, Benet Beci tha se Shkodra deri më sot ka mbetur 'peng' i politikës dhe se mungesa e investimeve dhe projekteve në të ka bërë që ajo të humbasë shkëlqimin e saj të dikurshëm.

Kandidati për deputet i LSI-së në Gjirokastër, Vangjel Tavo ka akuzuar kandidatin e PS, Bledi Çuçin, njëherazi edhe Ministër i Brendshëm, se ka dislokuar forca të shumta të veshur civil.

Zv ministrja e Shëndetësisë Mira Rakacolli në një intervistë për Report Tv ka deklaruar se spitali i Fierit është pothuajse në përfundim ashtu sikurse ishte premtuar se do të jetë gati brenda muajit prill. Duke folur për strukturën e spitalit, Rakacolli theksoi se ai është i ndërtuar me paramentra bashkëkohorë.

Në takimet elektorale të kryetarit të Partisë Demokratike, Lulzim Basha, qytetarët grumbullohen me dëshirën e tyre pasi duan që të prekin ndryshimin. Kështu bëri me dije kandidati për deputet i Partisë Demokratike në Tiranë, Belind Këlliçi i cili nënvizoi se ato vazhdimisht bëjnë thirrje për distancë sociale, dhe për të respektuar masat, por qytetarët grumbullohen pasi ka një padurim të madh nga qytetarët për të takuar Bashën

Nga

Eliza Gjediku

Operatorët turistikë e mirëpresin vendimin për të nisur vaksinimin në këtë sektor,  dhe thonë se ky është një mesazh pozitiv edhe tek shtetet e huaja. Sipas tyre Shqipëria do konsiderohet vend i sigurt dhe të huajt mund të lehtësojnë masat.

Ka kaluar më shumë se një vit, që kur i është drejtuar emisionit ’Pa gjurmë’ në Report TV në kërkim të djalit 9-vjeçar. Babai Marin Zefi udhëtoi nga Amerika për të qenë i pranishëm në puntatën e kësaj të shtune, duke bërë thirrje live, për të gjetur djalin e tij Bledi Zefi. 

Ish-e trafikuara, 44-vjeçarja nga Elbasani tronditi me rrëfimin e saj, pak ditë më parë në emisionin ’Pa Gjurmë’, në Report TV, ndërsa mori guximin të denonconte live dhunën dhe kërcënimet me jetë nga tutori i saj. Pasi bëri publike historinë e jetës, Blerta Lushnjari u përball këtë të shtunë live në studio me ish-bashkëjetuesin, ndaj të cilit ngriti një lumë akuzash për trafikimin në Francë.

E ftuar në emisionin ‘’ Rreze Dielli” në Report Tv astrologia Meri Gjini parashikoi një muaj solar e plotë ngjyra.

Ish-i burgosuri politik, Gëzim Peshkëpia, i cili ka marrë vendimin që t'i dorëzoje dekoratën që ai ka marrë nga institucioni i Presidencës Ilir Metës për shkak se ky i fundit dekoroi Mehdi Bushatin, tregon se ka shumë dëshmi që vërtetojnë makabritet e tij.

Më 26 prill në mëngjes Partia Socialiste do të jetë forcë e parë politike në Shqipëri, dhe kryeministër do të jetë Edi Rama. Kështu deklaroi gjatë një intervistë në emisionin ‘Pa Protokoll’ në Report Tv, drejtuesi i qarkut politik në Tiranë, Ervin Bushati. Bushati tha se PS ka një ekip për të fituar zgjedhjet dhe se në Tiranë synojnë 20 mandate

Tashmë kolaudimi nën përgjegjësinë e DPSHTRR ka edhe ndryshime, ku kontrolli teknik nuk do të kryhet çdo vit, por me afate të tjera. Gonxhe tha se nuk do të ketë asnjë lloj gjobe. Të gjitha gjobat që do të lidhen me kolaudimin do të vendosen vetëm pas fillimit të ciklit të ri të kolaudimeve me afatet e reja

Kreu i PR-së, Fatmir Mediu, ndërsa komentoi takimet elektorale të kreut të PD-së, Lulzim Bashës, në shkelje të masave anti-COVID, tha se pandemia më e madhe është "korrupsioni i Ramës".

Votuesit tanë në administratë do të jenë në rrezik nëse fiton Partia Demokratike. Kështu bëri të ditur kandidati i Partisë Socialiste për Tiranën Pandeli Majko gjatë një interviste për emisionin ‘Repolitix’ në Report Tv,  i cili tha se kjo gjë nuk vihet fare në dyshim sepse ato janë të rrezikuar për vendin e punës