Lajme nga emisionet

Deputeti i Partisë Socialiste, Xhemal Qefalia ka folur për vakancat e krijuara në disa bashki  të vendit i cili tha se nuk do të ketë zgjedhje të parakohshme. Xhefalia në një intervistë për gazetarin e Report Tv, Ermal Qori është shprehur se nuk mund të kalojmë në zgjedhje të parakohshme për 61 Bashki. Sipas tij në raste të tilla pritet dekreti i presidentit, Ilir Meta. Ai tha se  për këtë çështje duhet të veprojë drejtësia duke theksuar se e inkurajojnë atë të bëjë punën e saj.

Anëtari i Kryesisë së PD, Fatbardh Kadilli i kërkon Lulzim Bashës të sqarojë lakimin e emrit të tij për përfitime financiare, ndërsa thotë se kryedemokrati po jep tituj e funksione në parti pa kufi, njësoj si presidenti Meta dekoratat.

Një nga figurat historike të PD-së, Bamir Topi, thotë se opozita aktuale është në diktaturë dhe fajtor për këtë bën Lulzim Bashën, që e quan një lider pa karakter jo vetëm politik, por edhe si njeri. Jo më pak fajtor bën Sali Berishën, të cilin e cilëson se arkitekt të shkatërrimit të PD-së që e bën përgjegjës, mes të tjerave edhe për emërimin në krye të partisë, Lulzim Bashën. Këtë të fundit e quan lider të dështimin, për të cilin thotë se i ka gjetur të gjitha gjërat gati dhe mendon se në këtë mënyrë do bëhet edhe kryeministër.

Arben Ristani ish-deputet i Partisë Demokratike, thotë se Kuvendi Kombëtar i PD-së nuk është një Kuvend i jashtëzakonshëm dhe se nuk synon që të bëjë ndryshime të qenësishme në parti. Ristani, i ftuar në Report Tv, thotë se ky është një kongres ku kryetari i partisë synon që të mbyllë proceset politike, dhe që të realizojë synimet e tij që janë kthimi i PD në një ndërmarrje private të kryetarit

Arrestimi i mjekëve në QSUT për korrupsion ka revoltuar bluzat e bardha të cilat protestuan në lidhje me këtë vendim. Në një lidhje telefonike për Report Tv, mjekja shqiptare nga Gjermania Aurora Meta Dollenberg u shpreh se mënyra sesi po trajtohen mjekët është e gabuar.

Operacionet e fundit të SPAK, që kanë goditur korrupsionin majtas dhe djathtas në rradhët e zyrtarëve dhe ish-zyrtarëve kanë qenë temë diskutimi sot në emisionin "Repolitix" në Report Tv.

Shkëlqim Hajdari, ish-kryetari i shoqatës së prokurorëve, i cili aktualisht mban postin e Kryeinspektorit të Përgjithshëm, thotë në një intervistë në Report Tv se operacionet e fundit të SPAK janë tregues se këtë herë po ndryshon shumëçka në lidhje me kulturën e ndëshkimit në vend. Sipas tij kushdo që ka shpërdoruar detyrën të përgatitet se shumë shpejt do të përballet me drejtësinë.

I zhdukur prej 9 ditësh nga Martaneshi ende asnjë gjurmë për Agim Shehun. 

Edvin Kulluri, ish-anëtar i kryesisë së Partisë Demokratike, thotë se është kryetari i Partisë Demokratike, Lulzim Basha ai i cili u ka kërkuar kryebashkiakëve që të bllokojnë procesin zgjedhor. Kulluri tha në një intervistë për Report Tv, se përgjegjësi kryesor është Lulzim Basha, pasi bashkëpunëtorët e tij i merr, i përdor dhe më pas i hedh në rrugë

Dy operacionet e SPAK, të cilët goditën zyrtarët e lartë shtetërore për abuzimet me fondet publike, për deputeten e zgjedhur të Partisë Demokratike Jorida Tabaku, janë një fillim i mirë, por nuk është e mjaftueshme.

Ndryshimet e propozuara nga Lulzim Basha në statutin e PD, anëtari i Këshillit Kombëtar Dritan Shano i ka cilësuar si rregullime ortografike dhe sintaksore, që nuk sjellin frymën e re që sipas tij është e domosdoshme brenda kësaj force politike, pas disa humbjeve radhazi. 

Sheshi 'Skënderbej' në Tiranë ka qenë për 30 ditë një 'stadium' i vogël europian ku emocionet e futbollit kontinental janë ndier sikur të ishim në arenat më të shquara të Evropës ku u zhvilluan betejat futbollistike të EURO 2020. Ester Likaj, specialiste në Drejtorinë e Promovimit në Bashkinë e Tiranës, tregon detajet e organizimit.

Problemi i mbeturinave dhe plehrave në qytetin e Kavajës dhe zonën e plazhit të Spille dhe Golemit kanë gjetur zgjedhje pas javësh të tëra që kishin ‘pushtuar’ rrugët dhe ishin kthyer në bombë ekologjike për qytetarët dhe pushuesit gjatë sezonit turistik veror. Drejtori i shërbimeve në Bashkinë Kavajë, Ledio Hysa në një intervistë për Report Tv tha se Bashkia Kavajë dhe landfilli kanë firmosur sot marrëveshjen ku  i hapet rrugë vend-depozitimit të plehrave për përpunim.

Sociologia Entela Binjaku, e ftuar në Report Tv tha se ende në kokat e shumë qytetarëve shqiptarë vijon që të mbesë koncepti i 'pronës mbi gruan'. Binjaku tha se është e papranueshme që në mes të Evropës,  kemi ende kriminelë të kësaj natyre ku në çaste gjaknxehtësie, humbje të ekulibrit mental janë në gjendje që të vrasin

Nuk janë jetimët e strehës vorfnore, vitet e pushtimit të Shqipërisë nga Italia fashiste, por për dy vëllezërit binjakë nga Shkodra, historia përsëritet. 

Gjykata e dënoi me 4 vite burg shoferin e dehur që i mori jetën 2 vajzave në tunelin e Elbasanit, nënë e njërës prej viktimave me lot në sy u shpreh se janë mashtruar! Nëna e viktimës u shpreh se avokati i autorit u tha të firmosin aktin noterial për të mos pasur hakmarrje mes familje, ata e përdorën në gjykatë sikur ne i falëm.

Tempreaturat e nxehta vijojnë të na shoqërojnë në këto ditë vere. Edhe sot termometri ka shënuar 39 gradë celsius e ndërsa në disa zona temperatura shkon deri në 40 garadë. Meteorologu Hakil Osmani tha për ‘Report TV’ se fundjava pritet të jetë më e freskët dhe do të kemi një ulje të temperaturave deri në 35 gradë celsius.