Kronikë

Seanca e radhës ndaj të akuzuarve për inceneratorin e fierit u shty për shkak të kërkesave të avokatëve. Megjithëse ish ministri Lefter Koka dhe Alqi Bllako u paraqitën në sallë, gjykata e shtyu procesin për në 20 maj për shkak se kërkoi kohë për të shqyrtuar pretendimet e mbrojtjes për shpalljen e moskompetencës dhe pavlefshmëri për disa prova.

Pak ditë nga vdekja e Jani Rustemajt, 27-vjeçari i cili mbeti viktimë pak ditë më parë pas gjendjes së tij në koma, Prokuroria e Tiranës ka nisur hetimet.

Fituesi i zgjedhjeve për kryetar bashkie në Himarë Fredi Beleri është transferuar nga paraburgimi i Vlorës në paraburgimin e 313 në Tiranë. GJKKO vendosi ta lërë në burg së bashku me Pandeli Kokaveshin, të akuzuar për shit-blerje votash.

Dy persona janë vënë në pranga në Tiranë pasi vodhën dy herë brenda një banesë gjatë javës së fundit. Bëhet fjalë për dy të rinj 20 dhe 22 vjeç, të cilët vodhën 1 mln lekë, sende me vlerë dhe bizhuteri.

Kamerat e sigurisë kanë fiksuar lëvizjet e Habib Rexhës para dhe pas vrasjes së Arjan Gosës në Kavajë për hakmarrje. Autori i krimit duket që ecën qetësisht drejt lokalit ku qëndronte viktima ndërsa pas ekzekutimit, 31-vjeçari shikohet teksa ikën me vrap duke mbajtur pistoletën në dorën e majtë. Rexha është shpallur në kërkim, ndërsa për kapjen e tij policia ka vendosur një shpërblim prej 10 mijë eurosh.

48-vjeçari Arjan Gosa është vrarë në Kavajë. Ai u qëllua me një plumb në kokë teksa ka qenë duke pirë kafe me babanë e tij në një lokal në Kavajë. Policia ofron 10 mijë euro shpërblim për çdo informacion që çon në kapjen e autorit Habib Rexha. Shkak i vrasjes dyshohet hakmarrja, pasi më 29 mars ndodhi një vrasje e dyfishtë, ku pas një sherri banal vdiqën Edmond Gosa dhe Altin Rexha.

Gjatë 48 orëve të fundit ka pasur rreth 2400 ndëshkime për drejtues të mjeteve që nuk kanë respektuar rregullat e qarkullimit.