Kronikë

Suzana Dika, 49-vjeçe, kishte humbur kontaktet me familjen ditën e djeshme para mesditës pasi kishte dalë për të hedhur mbeturinat por nuk u kthye më. Ajo u gjet e pajetë sot, e nxjerrë  e mbytur nga ujërat e lumit Shkumbin në Elbasan. Vëllai i saj e kishte denoncuar në polici ndërkohë që sot pasdite denoncimin do ta bënte edhe në ‘Pa Gjurmë’ për të kërkuar ndihmë për gjetjen e motrës së tij.

Një 34-vjeçar është arrestuar në pikën e kalimit kufitar në Bllatë pasi tentoi të fuste brenda vendit një sasi nafte të dyshuar si të kontrabanduar.

Një prezantues britanik është përplasur me ministrin Robert Jenrick për gjuhën e përdorur ndaj shqiptarëve. Në emisionin e mëngjesit, ministri Robert Jenrick i tha prezantuesit Nick se nuk është aspak i penduar dhe mbrojti veten duke thënë se duhet të dallojnë diasporën shqiptare që e respektojnë nga ata që janë emigrantë të paligjshëm që futen në Britani në mënyrë ilegale me gomone.

Ngjarjet të cilat do të ndiqni sot në emisionin 'Pa Gjurmë'.

Nga

Sokol Dema

Policia dhe Prokuroria e Elbasanit kanë në duar ekspertizën e një prej dronëve që sekuestruan pas arrestimit të dy shtetasve rus dhe një ukrainas në uzinën e Gramshit. Sipas burimeve, nga kqyrja e dronit është zbuluar se në të kishte pamje të disa institucioneve dhe reparteve.

Pavarësisht kërkesës së avokatëve, për shkrirjen e dy dosjeve për inceneratorin e Elbasanit dhe të Fierit, Gjykata nuk ka pranuar tua shqyrtojë bashkë të dyja çështjet e inceneratorëve. Seanca e sotme u shty për t’u zhvilluar në datat 1 dhe 2 shkurt. Të pranishëm në seancën e sotme paraprake për incenatorin e Elbasanit ishin ish ministri i Mjedisit, Lefter Koka dhe deputeti socialist, Alqi Bllako.

Një shqiptar në Itali, 54-vjeç, ka rënë në prangat e policisë pasi tentoi të abuzonte seksualisht me një djalë të mitur.

Dy efektivë të policisë rrugore në Durrës janë vënë nën hetim nga policia për korrupsion pasi dyshohet se i kanë marrë para një shtetase

Kanë rinisur kërkimet për gjetjen e 26 vjeçarit Mateo Lika i cili është raportuar i zhdukur që prej katër ditësh pasi dyshohet se ka rënë me makinë në ujërat e lumit Seman. 

Policia arrestoi mësuesin e Fizkulturës në Tepelenë që u dhunua nga 3 persona, pasi njëri nga autorët u vetëdorëzua dhe e akuzoi se i ka ngacmuar seksualisht motrën 13-vjeçare, nxënëse në shkollën ku jep mësim Kleanth Laçi. Deri në përfundim të hetimeve, mësuesi u pezullua nga puna, ndërsa familjarët e një tjetër nxënëseje bënë kallëzim se 59-vjeçari i ka ngacmuar vajzën.

Tre persona janë arrestuar nga policia e Durrësit nën akuzën se kanë përvetësuar 5000 m² tokë të një qytetari, duke e regjistruar në hipotekë si pronë të tyren.

Gazetari shqiptar që punon për ‘Corriere Della Sera’, Leonard Berberi ka komentuar një nga ngjarjet më të bujshme në Itali, arrestimin e Matteo Messina Denaro, kreut të mafias italiane ‘Cosa Nostra’.

Si pasojë e motit të paqëndrueshëm janë anuluar lundrimet e linjës Ankona-Durrës

Andi Civici, ish gjyqtar i Apelit të Tiranës, ka dalë përfundimisht nga sistemi i drejtësisë. Vendimi është marrë sot nga trupa gjykuese e Kolegjit të Posaçëm të Apelit, thuajse 3 vite nga vendimi i KPK-së. Trupi gjykues i Kolegjit të Posaçëm të Apelimit, i përbërë nga Natasha Mulaj kryesuese, Rezarta Schuetz relatore, Albana Shtylla, Ina Rama, Sokol Çomo anëtarë ka përcaktuar kështu fatin e një prej gjyqtarëve të akuzuar për pasurinë e tij.

Nga

Adriatik Doci

Prokuroria e Tiranës po i heton për pastrim parash, ja pasuria e plotë e Rozeta Dobit dhe Alda Klosit. Zyrtarja e shtetit u pasurua gjatë detyrës si drejtoreshë në ministritë e Financave dhe Rindërtimit.

Vdekja e Laer Kurtit nga mbidoza e kokainës që i shkaktoi infarkt, pasi u arrestua nga policia, mund të ishte parandaluar nga uniformat blu. Ky është përfundimi i Avokatit të Popullit në një raport që ka bërë, të cilin ia ka dorëzuar Drejtorit të Përgjithshëm të Policisë së Shtetit, Muhamet Rrumbullaku, drejtorit të Tiranës Tonin Voci si dhe Shefit të Komisariatit të Policisë nr.3 Tiranë ku ndodhi ngjarja, Altin Lila.