Kronikë

Gjykata e Apelit ka lënë në fuqi vendimin e marrë nga gjykata e Lezhës në 2021 për Agron Manukën dhe Imer Loshën. Manuka u dënua me 10 vite burg ndërsa Losha me 8 vite burg, pasi të dy u kapën në rrugën nacionale Milot-Lezhë teksa po udhëtonin drejt Shkodrës me një makinë të mbushur me eksploziv.

Nga 13 dhjetori deri në javën e parë të prillit, janë kthyer në atdhe 1000 shtetas shqiptarë. Bëhet fjalë për shqiptarë që kanë dështuar për të marrë një azil në Britani të Madhe, por edhe kthime vullnetare në Shqipëri.

Gjykata e Posaçme kundër Korrupsionit dhe Krimit të Organizuar ka dënuar me 21 vite burg në total Bledar Lilon dhe Artur Ballën, shoferin dhe kunatin e biznesmenit Rezart Taçi. Lilo u dënua me 10 vite burg ndërsa Balla me 11 vite. Dy të dënuarit përfitojnë nga gjykimi i shkurtuar. Ata akuzohen se kishin në plan pastrimin e 18.4 milionë eurove në Shqipëri.

Një 41-vjeçari nga Kosova është arrestuar sot nga policia Sarandë pasi u kap teksa transportonte 6  emigrantë të paligjshëm, me qëllim kalimin e kufirit.

Një 22-vjeçar ishte shpallur në kërkim për mashtrim, pasi i kishte marrë makinën me qira një personi dhe nuk ia kishte kthyer më.Policia kapi dhe arrestoi të riunnga Shkodra.

Dy persona janë vënë në pranga nga policia Durrës pasi u kapën në flagrancë teksa tentonin të vidhnin një fabrikë në Shijak, të arrestuarit dyshohen për disa vjedhje të kryera dy muajt e fundit.

Treni i pasagjerëve i linjës Shkodër-Laç ka përplasur një person pranë fshatit Zejmen të Lezhës.

Një mjet është përplasur me murin në Shkodër në lagjen Gjuhadol

Nga

Sokol Dema

Është arrestuar në Greqi Kujtim Demiri, i dënuar nga ish-Gjykata e Krimeve të Rënda në Shqipëri me 14 vite burg.

Një 49-vjeçar është arrestuar nga policia e Vlorës pasi kishte ndërtuar një objekt pa leje, në një sipërfaqe toke në bregdet, në lagjen “Uji i Ftohtë”.

Dy persona janë vënë në pranga nga policia pasi u kapën në flagrancë teksa tentonin të vidhnin një fabrikë në Shijak, të arrestuarit dyshohen për disa vjedhje të kryera dy muajt e fundit.

 Një 28-vjeçare e identifikuar si Arlinda Rama, është arrestuar nga policia e Rinasit pasi ishte në kërkim si pjesë e grupit kriminal që shpërndante drogë pranë shkollave dhe në klube nate.

Një 35-vjeçari shqiptar është shpallur në kërkim nga Policia rumune pasi ka plagosur rëndë pronarin e një klubi nate në Bukuresht të Rumanisë.

Nga

Armand Braho

Gentjan Çipi dhe Romeo Basholli kanë rënë në prangat e policisë së Korçës pasi dogjën dje një makinë. Fillimisht ngjarja u raportua si shkëndijë elektrike por burime për Report Tv bëjnë me dije se mjeti është në pronësi të vëllai të vajzës së Mario Hajdinit, e cila ka pasur konflikte me një prej autorëve, Gentjan Çipi.

Një 18-vjeçar është shpallur në kërkim në lidhje me vrasjen e Stiven Toshkesit. Arbër Murataj është shpallur në kërkim nga Policia, për t’u pyetur nëse ka ose ja dijeni për ngjarjen.  Arbër Murataj, është djali i Admir Muratajt, grabitësit që mbeti i vrarë në vjedhjen e Rinasit në vitin 2019.

Prej më shumë se 7 muajsh, banorët e Bërxullës që preken nga autostrada Thumanë-Kashar kërkojnë shpronësime të drejta duke thënë se ‘flenë me strese e halle të mëdhaja’. Ndonëse morën premtim nga drejtori i Kadastrës për zonën Kamzë-Vorë se pronat e tyre do të certifikohen, kërkojnë vlerësimin e banesave dhe të gjejë tokën ku do të stabilizohen.

Një i ri nga Shkodra ka rënë në pranga pasi u kap në pikën kufitare të Hanit të Hotit, duke transportuar 3 emigrantë të paligjshëm kundrejt fitimit.

Një 43-vjeçar është shpallur në kërkim nga policia e Shkodrës pasi kishte arsenal armësh në shtëpi. Sipas asaj që njoftojnë uniformat blu, ai e kishte arsenalin e armëve gati për shitje. Shtetasit që do t’i blinin këto armë, do t’i përdornin për të kryer krime ndaj personit e pronës.