Kronikë

Nga

Keti Banushi

Ka dështuar seanca e parë në themel për inceneratorin e Fierit, ku një nga shkaqet ishte mungesa e avokatit të Arenc Myrtezanit, pronar i një kompanie fiktive sipas SPAK, që ndodhet në kërkim. Gjithashtu, Gjykata e Posaçme evidentoi problematika ne njoftimin e subjekteve  të akuzura që po gjykohen ne ketë proces. Seanca e radhës u caktua me 2 maj në orën 10:10.

Policia dhe familjarët e Leonard Thodhorin i njohur si “Koçole” dhe Fatmir Sulovarit (Krasniqin), kanë vijuar me kërkimet sërish ditën e sotme në Konispol. Ata rezultojnë të zhdukur që prej gati 19 ditësh dhe ende nuk ka asnjë gjurmë prej tyre. Policia dyshon se të dy janë ekzekutuar dhe groposur në fshatin Vrinë të Konispolit.

Një zjarr ka rënë në rrugën ‘Jordan Misja’ në Tiranë. Bëhet fjalë për një zjarr në një pallat në ndërtim.

Një 58-vjeçar është vënë në hetim nga policia e Tiranës pas publikimit të një videoje, pasi kishte lidhur një kec në makinën e tij dhe e tërhiqte teksa este na makinë.

Ministri i Mbrojtjes Niko Peleshi nga Korça në një komunikim me mediat paralajmëron situatën me reshjet që do përfshijnë vendin pas mesditës dhe marrjen e masave që të shmangen dëmtimet.

Gjykata e Apelit ka konfirmuar sot dënimin e dhënë nga Gjykata e Elbasanit me 25 vite burg për Astrit Sinanajn, i cili i tentoi të vrasë biznesmenin Fuad Verzivollin më 6 maj 2017 në Elbasan duke i vendosur poshtë makinës 1 kg tritol C4, që fatmirësisht nuk shpërtheu.

Një 51-vjeçar është vënë në prangat e policisë së Vlorës pasi i shpallur në kërkim ndërkombëtar për drogë në Itali. Bëhet fjalë për Besnik Osmënin

Në Gjykatën e Posaçme ka nisur gjyqi ndaj ish-ministrit të Mbrojtjes, Fatmir Mediu, i cili është nën akuzë për tragjedinë e Gërdecit. Seanca e sotme u shty për më 9 maj, ndërsa avokatët e Mediut kanë kërkuar pushimin me argumentin se çështja është parashkruar pasi kanë kaluar më shumë se sa 10 vjet nga koha e kryerjes së veprës penale, shpërdorim i detyrës, deri në çastin e marrjes së personit si të pandehur.

Një sasi lënde plasëse ka shpërthyer në lokalin e Fran Kolbuçajt 65-vjeç në Shkodër. Ngjarja është raportuar rreth orës 05:50 në lagjen Fermentimi.

Pasditen e kësaj të diele disa persona kanë thyer derën e ambienteve ku ndodhet KZAZ-ja 42 në Kavajë

Report Tv ka siguruar video dhe foto, të fiksuara nga kamerat e sigurisë, ku duket një makinë "Land Rover deefender" me targa zvicerane në fshatin Kukël në Shkodër, e cila dyshohet se ndihmoi të arratisej nga vendi i ngjarjes vrasësin e Ardian Nikulaj. E gjithë policia e Shkodrës është vënë më lëvizje për gjetur mjetin.

Dy drejtues mjetesh janë vënë në pranga nga policia rrugore pasi tentuan të korruptonin oficerin e policisë me qëllim shmangien e gjobës. Policia bën me dije se E. K., 20 vjeç, dhe R. M., 36 vjeç janë arrestuar pasi i kanë ofruar punonjësve të Policisë, shuma të ndryshme parash. 

Një 27 vjeçar është shpallur në kërkim pasi është identifikuar nga policia si autor i sulmit me armë drejt një market i në fshatin Grudë e Re në Shkodër.

Mariglen Kristo dhe Dorjan Totoshi janë vënë në prangat e policisë pasi tentuan të trafikojnë droga të forta drejt Greqisë. Dy të rinjtë të miosdhave 36 dhe 29 vjeç janë vënë në pranga pas një kontrolli nga ana e policisë në Kapshticë ku u kapën rreth 1.1 kg heroinë dhe 750 gr kokainë.

Jezus Pane, 26 vjeç nga Tirana, banues në Allias, Tiranë, humbi kontaktet që prej datës 21 prill 2023 me familjen e tij. Pas apelit në Report Tv, 26-vjeçari u gjet në qytetin e Lezhës.