Kronikë

Nga

Aldo Mustafa

3 vite pas tërmetit të 26 nëntorit, pallati 12-katësh i firmës “Gora” në lagjen nr.12 pas kalvarit të gjatë të hartimit të disa aktekspertizave nga Instituti i Ndërtimit për rikonstruksionin apo shembjen e tij, 65 familjet që banonin në të kërkojnë nisjen sa më shpejt të punimeve, sepse godina ka dëmtime të shkallës DS3.

Një 30 vjeçar është arrestuar në Pikën Kufitare të Morinës pasi ka tentuar të kontrabandojë 400 litra naftë.

Një shqiptar në Fieri, i akuzuar për super trafik ndërkombëtar të drogës, është arrestuar në Kolumbi, gjatë një operacioni masiv të organizuar në bashkëpunim me policinë ekuadoriane. 37-vjeçari Artur Rrapaj u prangos bashkë me një nga narkotrafikantët më të rëndësishëm të vendit amerikano-jugor, Emilio Sanchez Farfan i njohur me pseudonimin ‘Gato Farfan’.

Gjykata e Tiranës ka vendosur masën arrest me burg për Marjol Alikon i cili akuzohet se teksa qarkullonte me makinë në bulevardin Zhan D’Ark, ka përplasur për vdekje 75 vjeçaren, Dituri Koprencka. 

1500 efektivë të policisë së shtetit do të jenë në terren ditën e nesërme për protestën e thirrur nga Sali Berisha. Nga ora 12:00 që nis protesta, do të jetë i bllokuar Bulevardi “Dëshmorët e Kombit” dhe të gjitha drejtimet që lidhen me bllokun e rrugës së Elbasanit.

Gjykata e Durrësit ka vendosur masën e sigurisë “arrest me burg” për 27-vjeçarin e identifikuar si Emre Nuredini, i cili akuzohet se nxori në shitje fëmijën e gjashtë.

Në Gjykatën e Posaçme (GJKKO) është zhvilluar seanca gjyqësore e radhës për çështjen e pastrimit të parave nga ana e Rezart Taçit, kunatit dhe shoferit e tij që akuzohen do të pastronin në Shqipëri miliona euro të mafias italiane.  SPAK ka dërguar shpalljen fajtor të kunatit të Taçit, Artur Balla dhe dënimin me 13 vite burg, ndërkohë që për shoferin Bledar Lilo ka kërkuar 12 vite burg. Vetë Rezart Taçi është në arrati. 

Nënë e bir, të identifikuar si Franko Elmazi 31 vjeç dhe Rezarta Isufaj, 48 vjeçe kanë rënë në prangat e policisë së Elbasanit pasi u kapën me lëndë narkotike të ndarë në sasi dhe në doza.

Shtyhet për të disatën herë gjyqi në ngarkim të ish Ministrit të Brendshëm Saimir Tahiri. Edhe këtë herë shkak është bërë mosprezenca e avokatit Maksim Haxhiaj.

Për rreth 60 minuta ish Ministri i Transporteve Damian Gjiknuri ka dëshmuar në SPAK për shkeljet dhe abuzimet në ndërtimin e rrugës Tiranë Elbasan. Gjiknuri bëri kallëzimin penal në 2017, që pasoi me arrestimin e tre ish zyrtarëve poste të emëruar nga LSI. 

Një vilë luksoze në mes të Vlorë e mbushur në 2 kate me kanabis, u zbulua nga policia pas një veprimi amator të kunatit të pronarit, që plagosi me armë gjahu fqinjin, vetëm se po punonte në tokën e tij pranë vilës së drogës. Pronari Lorenc Xhaferi u shpall në kërkim por policia i sekuestroi vilën dhe po heton edhe burimin e pasurisë së një hoteli luksi në Lungomare. Në një fshat të Vlorës, në të njëjtën ditë, u zbulua edhe një stan ku kultivohej kanabis me llamba.

Bosi i Cosa Nostra-s, Matteo Messina Denaro që u kap pas 30 vitesh në arrati ka qenë edhe në Shqipëri. Teksa shijonte lirinë, kreu i mafies siçiliane që merrej me trafik droge, vite më parë dërgoi një të deleguar ‘ambasador’ në Shqipëri, Luca Bellomo, ne burg nga viti 2015.