Kronikë

Janë gjetur dhe sekuestruar një sasi e konsiderueshme lëndësh kimike të rrezikshme për shëndetin, të cilat ndodheshin në banesën e një 70-vjeçari. 

Ekskluzivisht sot në ’Pa Gjurmë’ flet nga Kenia shoqja e Xhoit, punonjësin e kazinosë që u hodh nga ballkoni i një hoteli në Tiranë nga persona të paidentifikuar.

Ish-shefi i Klubit Partizani Afrim Tole është marrë në pyetje nga SPAK lidhur me hetimin që po kryhet për privatizimin e kompleksit “Partizani”. Marrja në pyetje e Tolës, vjen një ditë pasi Prokuroria e Posaçme mori në pyetje ish-drejtorin e Kompleksit Isa Taren.

Gjykata e Apelit e Tiranës ka hequr sot masat e sigurisë për 5 punonjësit në sektorin e IT-së (teknologjisë së informacionit), në Departamentin e Administratës Publike, të cilët ishin në ‘detyrim paraqitje’ në kuadër të hetimeve për sulmet kibernetike të kryera nga Irani ndaj portaleve shtetërore të shërbimeve online. 5 punonjësit e IT-së u identifikuan nga vetë AKSHI.

Gjykata e Apelit të Tiranës ka lënë në burg dy shtetasit të cilët janë arrestuar për një vjedhje të ndodhur në 7 nëntor të vitit 2022.

Një 15 vjeçar është vënë në hetim pasi shqetësonte banorët në Grudë të Re, Shkodër duke lëvizur me pistoletë në brez.

Një trup i pajetë është gjetur në rrugë në aksin rrugor Elbasan-Peqin, në fshatin Paper.

Në gjykatën e Elbasanit është shtyrë sërish seanca për kërkesën për liri të ish ministrit të Brendshëm Saimir Tahiri, i cili kërkon llogaritje të kohës së paraburgimit.

SPAK ka mbyllur hetimet për ish anëtarin e Gjykatës së Lartë Guxim Zenelaj dhe ka dërguar çështjen për gjykim në GJKKO. SPAK kërkon edhe konfiskimin e pasurive të tij, 3 apartamente, 2 garazhe e 1 dyqan në Ishull Lezhë dhe 1 tokë në Vlorë.

Prokuroria e Lushnjës ka konfiskuar pasuritë e tre personave. Dyshohet se Julian Sula, Demir Licka dhe Fatmir Abdurramani kanë ngritur pasuritë e tyre duke kryer veprimtari të paligjshme.                                                  
 

Seanca gjyqësore ndaj Arbër Paplekajt është shtyrë sërish. Avokatja Rezarta Tahiraj ka bërë me dije vendimin e Gjykatës së Lartë që ka hedhur poshtë vendimin për ta transferimin e çështjes nga Gjykata e Elbasanit.

Gert Shehu, 31 vjeç, i cili goditi me grusht ish-kryeministrin Sali Berisha në protestën e 6 dhjetorit, ka kërkuar në Apel lirinë nga qelia. Avokati i tij ka dorëzuar sot kërkesën në Gjykatën e Apelit për masë më të lehtë sigurie.

Një shqiptar dhe një italian janë arrestuar në Arezzo të Italisë pasi janë kapur me 2.5 kg kanabis. Ata janë kapur gjatë kontrollit të ushtruar nga policia dhe lënda narkotike që u është sekuestruar nëse do të hidhej në treg do të kapte vlerën e 65 mijë eurove sipas mediave italiane.

4 kg heroinë dhe 7 kg kokainë është sekuestruar nga policia franceze që vuri në pranga tre persona me origjinë nga Franca dhe Shqipëria. Ata u vunë në pranga në komunën 'La Roche sur Foron' më 13 dhjetor ndërsa u sekuestruan 20 mijë euro cash dhe automjete.

Një 31-vjeçar, Klajdi Buza ka rënë në pranga pasi lëvizte i armatosur në rrugët e qytetit të Krujës.

Altion Sulejmanaj është arrestuar nga policia e Fierit pasi ka tentuar t’i vërë flakën një lokali në lagjen “Apolonia”. 40 vjeçari mësohet se ka qenë kamarier në lokalin e S.M. Ky i fundit e ka hequr nga puna dhe kjo ka nxitur përshkallëzimin e konfliktit derisa Altion Sulejmanaj ka vendosur t’i vërë flakën lokalit ku më parë punonte.

2 persona janë vënë nën hetim pasi kanë tentuar të korruptojnë punonjësit e policisë së pikës kufitare në Kapshticë dhe kanë paraqitur dokumente të falsifikuara në mënyrë që të shmangin procedurat e rregullat të kalimit të kufirit.