Kronikë

Aksidenti fatal që i mori jetën tre ditë më parë një 54 vjeçareje nga Shkodra aksin Laç-Fushë Krujë ende ka mbetur pa autor. E motra e viktimës Leonora Deda, i kërkon policisë të zbulojë autorin që u largua pas aksidentit, që minimalisht duhet t’i kërkojë ndjesë.

Një peshkarexhë është mbytur në Portin e Durrësit teksa ishte e ankoruar pas njoftimeve se do të kishte mot të keq. Mësohet se shkak është bërë një dëmtim që ka pasur duke bërë që të fuste ujë dhe të mbytej.

Një 37-vjeçar është arrestuar nga policia pasi tregtonte mallra kontrabandë

Gati 2 vite e gjysmë nga dënimi që mori nga shkalla e parë, gjyqtari Admir Thanza është shpallur i pafajshëm nga Apeli i Gjykatës së Tiranës.  Ish-anëtari i Gjykatës së Lartë është liruar nga akuzat për falsifikim dokumentesh.

Gjithsej 55 shkelje duke përfshirë favorizime për dhënie amnistie, dhënie ditë pune plus, vlerësim sjellje fiktive etj, janë disa prej akuzave ndaj 18 punonjësve të burgjeve që u dha dje masa e ‘arrestit në shtëpi’, kërkuar nga prokurori Bledar Valikaj. 

Policia kufitare e Morinës ka vënë në pranga një 42-vjeçar pasi është kapur duke futur drejt Shqipërisë 5.1 kg heroinë

Prokuroria e Tiranës ka kërkuar sekuestrimin e 6 pasurive të paluajtshme të Altin Gegës, i cili u arrestua më 27 korrik të vitit 2021 për “Prodhim dhe shitje të lëndëve narkotike”. Sipas Prokurorisë, ka dyshime të forta se ka pasur lidhje me grupe kriminale në Tiranë, i fokusuar kryesisht në shpërndarjen e drogërave dhe transportin e kanabisit dhe kokainës.

Një pistoletë, e fshehur brenda një bidoni vaji për makina, është gjetur në Portin e Durrës ndërkohë që është ndaluar personi që po tentonte ta kalonte. Burime për Report Tv bëjnë me dije se në Port, dogana e kontrollit, skaneri i bagazheve ka identifikuar një pistoletë dhe më pas janë lajmëruar urgjent strukturat e policisë në Port Durrës.

SPAK po vijon marrjen në pyetje të ish-zyrtarëve të lartë të qeverisjes së Sali Berishës, në kuadër të hetimit për privatizimin e ish-kompleksit sportiv Partizani. Ditën e sotme para organit të akuzës është paraqitur ish-ministri i Ekonomisë dhe Financave Genc Ruli, si person që ka dijeni në lidhje me aferën e privatizimit të ish-klubit Partizani. Ai nuk ka dhene shpjegime para mediave, pasi iu shmang një qytetari që e akuzonte si "Koka e krimit të Sali Berishës"

Agjencia e Mbikqyrjes Policore ka pezulluar nga detyra 2 inspektorë të policisë kufitare si dhe të 2 doganierë

Deniz Klironomi, shqiptari që u arrestua në Kolumbi mbante nofkën "Gucci" dhe dyshohet se ka gisht në zhdukjen e këngëtarit nga Elbasani, rreth 8 vite më parë. Në shkurt të vitit 2020, emisioni ‘Pa Gjurmë’ në Report Tv ka zbuluar detaje nga zhdukja e tij.

Nga

Elvis Hila

Gjykata e Lezhës ka liruar nga qelia, 18-vjeçarin Ardjan Gjinkolaj, i cili në muajin maj të vitit 2021-të bashkë me 4 persona të tjerë akuzohen se përdhunuan një 15-vjeçare në fshatin Tarazh të Mirditës, ngjarje kjo e cila tronditi mbarë opinionin publik dhe solli mjaft reagime.

Policia Kufitare, gjatë kontrolleve në Rinas dhe në Portin e Durrësit, zbuloi dy raste të kontrabandës së mallrave dhe një të tretë për mosdeklarim të parave në kufi. Në Rinas u proceduan penalisht dy persona, ndërsa tentuan të kalojnë në mënyrë të padeklaruar veshje me vlerë 12 840 euro dhe akuzohet për “Kontrabanda me mallra të tjera". 

Shërbimi i Kontrollit të Brendshëm i burgjeve ekzekutoi sot 18 masa sigurie të dhënë nga gjykata, me kërkesë të Prokurorisë së Tiranës për punonjësit e burgjeve, pas një kallëzimi të bërë nga Drejtoria e Përgjithshme e burgjeve për korrupsion.

Në lumin Shkumbin është gjendur i mbytur një 69-vjeçar me iniciale T.T, i cili ishte larguar ditën e djeshme nga banesa.