Kronikë

Report Tv ka siguruar dosjen me dëshmitë që janë bërë për ngjarjen e rëndë në Himarë të martën, ku tragjikisht 7-vjeçarja Jonada Avdia humbi jetën pasi u përplas nga një gomone e drejtuar nga Arjan Tase.

Nga

Armand Xhelili

Me dhjetëra gomone, skafe dhe motorë ujë që janë kapur duke kryer manovra në det apo që kanë mungesë dokumentacioni po mbahen të bllokuara në Vlorë. Drejtori i ri i Kufirit, Eduart Sulejmani ka bërë të ditur se asnjë mjet lundrues nuk do të dalë në det, derisa të verifikohet gjithë dokumentacioni. "Report Tv" sjell pamjet nga pikat e bllokimit në Triport dhe aksioni i "Delta Force".

Një sipërfaqe prej 10 230 m2 tokë shtetërore në bregdetin e Sarandës përmes një skeme falsifikimi "gatuar" në zyrat e shtetit iu dha dy biznesmenëve të cilët e shndërruan në truall për ndërtimin e një hoteli.

Siguria në plazhe dhe jo vetëm është prioritet i të gjitha institucioneve që duhet të bëjnë detyrën e tyre, por në rastin që çoi në tragjedinë e Himarës ku një 7-vjeçare humbi jetën, duket se kjo punë nuk është bërë. Këtë ka nënvizuar Drejtori i Përgjithshëm i Policisë, Gledis Nano në një letër drejtuar Prefekturave, bashkive dhe Agjencisë Kombëtare të Bregdetit që nuk kanë bërë siç duhet detyrën, ashtu siç Report Tv ka raportuar më herët.

Gjatë hyrjes në Gjykatë, 51-vjeçari u kërkoi falje fëmijëve të tij, pa bërë komente të tjera

Një ditë pas incidentit të ndodhur në burgun e Peqinit, ku tre të paraburgosur goditën punonjësit e policisë dhe nuk zbatuan rregulloren e orarit të përcaktuar për tu futur në qeli, IEVP Peqin ka marrë masa kundrejt tyre, përfshirë referimin e çështjes në prokurori dhe vlerësimin e regjimit të rreptë 41/BIS.

Media britanike Mirror i ka kushtuar një artikull tragjedisë në himarë ku mbeti e vrarë 7-vjeçarja Jonada Avdisa, për shkak se u përplas për vdekje nga gomonia që drejtohej nga Arjan Tase.

Pronari i një subjekti, 36-vjeçari me iniciale A.L., është vënë nën hetim pasi kishte zaptuar hapësirën publike të plazhit në vendin e quajtur “4 ishujt” në Ksamil duke vendosur 132 çadra dhe shezlongë pa pasur lejen përkatëse.

Një 25-vjeçare shqiptare u arrestua sapo zbriti në Portin e Ankonës, pasi ndaj saj ishe vendosur masa e sigurisë “arrest shtëpie”. 25-vjeçarja, bashkëshorti i saj së bashku me 4 persona ka qenë nën hetim në  shtetin italian për trafik droge.

Ka rënë në prangat e policisë 33-vjeçari me Edison Koçi, i cili ishte i shpallur në kërkim, si personi i përfshirë në tentativën për trafikimin 101 kilogramëve kanabis drejt Turqisë. Ai akuzohet se ka bashkëpunuar me  dy persona e tjerë të arrestuar, Mico Rexhepisin dhe Arben Markun, të cilët tentuan  të trafikonin me kamion drejt Turqisë sasinë e kanabisit.

Në 24 orët e fundit në të gjithë vendin raportohen nga Ministria e Mbrojtjes se ka pasur 19 vatra zjarri, ku prej tyre vetëm 6 vijojnë të jenë aktive, ndërsa 13 të tjera janë arritur të izolohen.

Ditën e sotme në Gjykatën e Shkallës së Parë të Rrethit Gjyqësor Durrës, është vendosur masa “Arrest me burg” për 32-vjeçarin Marjus Musaku, i cili akuzohet për “Heqja e paligjshme e lirisë”, “Shtrëngimi apo pengimi për të bashkëjetuar ose për të lidhur apo zgjidhur martesë” dhe “Marrëdhënie seksuale me dhunë me të rritura”.

Rreth orës 9:20 në Ksamil ka ndodhur një konflikt mes një punonjëse dhe punëdhënësit të saj, pronar i një hotelit.

Gjykata e Vlorës ka vendosur masën e sigurisë “arrest me burg” për Arjan Tasen, i akuzuar për vrasjen e 7-vjeçares Jonada Avdia teksa drejtonte gomonen në plazhin e Potamit në Himarë. Në seancën gjyqësore, Tase nuk kundërshtoi masën e sigurisë. Ai tha se nuk donte të ndodhte, por nëse do të rrotullonte skafin në anën e kundërt, mund të kishte vrarë familjen e tij pasi në det ishte gruaja me djalin e madh dhe motra më dy fëmijët.