Kronikë

Siç shihet në pamjet që sjell Report Tv ujërat e shiut kanë përmbytur pjesën e nënkalimit duke vështirësuar qarkullimin e automjeteve. Kjo situatë përsëritet sa herë ka reshje të dendura shiu dhe shkak mbetet bllokimi i zgarave të kullimit të ujërave dhe asnjë masë nuk është marrë për t’i dhënë zgjidhje problematikës.

Vdekja e 4 turistëve në Kavajë është cilësuar si vrasje nga organi i akuzës, por pavarësisht kësaj kur kanë kaluar më shumë se një muaj e gjysmë ende nuk ka një të dyshuar. Kjo i ka detyruar institucionet që të kërkojnë ndihmën e ushtrisë.

Një 29-vjeçar është arrestuar nga policia e Durrësit, pasi dyshohet se është autor i disa vjedhjeve në këtë qytet

Policia ka nisur hetim ndaj një 15-vjeçari i cili mbrëmjen e djeshme ka ngritur alarm paniku te banorët e “Fushës së Aviacionit” në Tiranë, pasi qëlloi me armë zjarri.

Në “kosh mbeturinash” është shndërruar bregdeti i Vlorës, në një kohë kur kryetari i Bashkisë Dritan Leli i është futur punës “me kokë" për pastrimin e ambienteve publike.

37 kg kokainë është kapur ditën e sotme në pikën kufitare Debeli Brijeg, mes Malit të Zi dhe Kroacisë.Kokaina u sekuestrua në një automjet me targa shqiptare, ndërsa mësohet se në të udhëtonin tre shqiptarë, ku njëri prej tyre ka pranuar se droga i përkiste atij dhe për këtë arsye u arrestua. 

Një aksident ka ndodhur në Vlorë, ku një furgon dhe një motor janë përplasur së bashku. Nga aksidenti kanë mbetur të plagosu dy fëmijë që po drejtonin motorin.

Mbrëmja e djeshme u shoqërua me një ngjarje tragjike në Gjirokastër, ku një vajzë vetëm 12 vjeçe humbi jetën pasi u asfiksua nga tymi kur banesa e saj u përfshi nga flakët. Familjarët po rrinin në shtëpi me qiri nderzur, pasi në fshatin e Derviçanit problemet e me energjinë elektrike vijojnë prej vitesh, ku banorët më së shumti janë pa drita.

Naftëtarët e Rafinerisë së Ballshit po protestojnë sërish përpara uzinës, ku kërkojnë shlyerjen e plotë të pagave të prapambetura. Sipas kreut të Sindikatës, Sokol Dautaj, tha se naftëtarët kërkojnë që në rafineri të mos kryhen punime deri sa të ketë një zgjidhje ligjore për pagat e tyre.