Kronikë

Nga

Enxhi Musaj

 Një depozitë uji ka rënë nga tarraca e një pallati në rrugën e Durrësit duke shkatërruar 3 makina. Pronari i depozitës, thotë për Report Tv se ka bërë kontrrolle periodike dhe nuk ka mundësi të dëmshpërblej pronarët e 3 automjeteve, pasi ka të ardhura vetëm pensionin.

Policia e Tiranës ka vënë në pranga një 30-vjeçare, pasi përplasi një tjetër automjet teksa ishte në gjendje të dehur. Hetimi ka nisur edhe ndaj 2 pasagjerëve që kishte e reja në makinë, pasi secili prej tyre pretendonte se ka qenë duke drejtuar automjetin në momentin e aksidentit.

Nga

Ergys Kavaja

Një bankë e nivelit të dytë në Koplik është grabitur. Tre persona të maskuar dhe me arme me një golf të Zi kanë grabitur dhe janë larguar. Ndërkohë, nuk dihet se sa është shuma që kanë arritur të marrin.

Një tjetër drejtues mjeti i droguar në timon rrugëve të Tiranës është prangosur sot nga policia. 

David Gjonaj është lënë në burg nga gjykata e Shkodrës, pasi u preu rrugën dy turistëve polakë të cilët po udhëtonin me motor. 27-vjeçari tentoi të hynte në një pikë karburanti, ku nuk i lejohej të kthehej pasi vijat ishte e pandërprerë
 

5 peshkatarë janë vënë nën hetim pasi po peshkonin në kundërshtim me ligjin një sasi peshku (i llojit klen), i cili me urdhër të Ministrisë së Bujqësisë dhe Zhvillimit Rural, është i ndaluar për t'u peshkuar në këtë periudhë kohore

Punëtori i ndërtimit Genci Spaho vdiq në kantierin e rindërtimit në Manëz, ndërsa ngjarja është e veshur me mister. Familjarët akuzojnë se po manipulohet shkaku në tentativë për të fajësuar viktimën dhe jo kompaninë "Edicom" në pronësi të Luigj Aleksit. Për Report Tv ka folur në kushtet e anonimatit i afërmi i të ndjerit, i cili thotë se në kartelën e vdekjes nuk cilësohet “aksident në punë”. 

Një 35-vjeçar i identifikuar me inicialet A.B., banues në Ersekë është arrestuar nga policia e Korçës pasi dyshohet se ka ngacmuar seksualisht një të mitur.

Si rezultat i kontrolleve në të gjithë vendin janë pezulluar 79 leje drejtimi, nga të cilat 39 për shpejtësi (të matura me radarët automatikë), 29 për drejtim mjeti nën efektin e alkoolit apo në gjendje të dehur dhe 11 për qarkullim në sens të kundërt

Nga

Sokol Dema

Kur tashmë konflikti verbal kishte nisur brenda ambienteve të lokalit në rrugën "Ibrahim Ndroqi", Ilir Kapo dhe Olgert Dhimitri u zhvendosën për t'u "sqaruar" jashtë tij. Sipas burimeve nga policia, sapo dy burrat dolën jashtë nisën të godisnin njëri-tjetrin me grushta. 60-vjeçari Kapo e ka goditur gjithandej Dhimitrin, me grushta e shqelma, ndërsa një grup prej shtatë apo tetë personash të lagjes që kanë qenë të pranishëm, nuk kanë mundur t'i ndajnë

Një 35-vjeçar ka humbur jetën në një aksident në vendin e quajtur në Qafë-Barak, në Has. Sipas policisë shtetasi S.J, banues në fshatin Gajrep, Has, duke drejtuar mjetin tip kamion dyshohet se është hedhur nga dera e automjetit, pasi ka humbur kontrollin mbi drejtimin e tij, për shkak të mosfunksionimit të sistemit të frenimit

KPK ka shkarkuar Prokurorin e Gjirokastrës, Emror Kasaj. Ky i fundit u përball për herë të dytë me Komisionin e Pavarur të Kualifikimit më 5 maj lidhur me problemet në kriterin e figurës dhe profesionalizmit.