Kronikë

Sherri në familje për pak do të përfundonte në tragjedi pasi një 58-vjeçar ka tentuar t'i djegë banesën kushëririt të tij në Shkodër. Fatmirësisht në banesë janë shkaktuar vetëm disa dëme të vogla materiale. 

'Kamikazë' i ka cilësuar zjarrvënësit, Drejtori për Zonat e Mbrojtura Zamir Dedej, i cili theksoi se shumica e vatrave të zjarrit që kanë përfshirë vendin, janë të qëllimshme. Në një lidhje me Skype për 'Report Tv', ndërsa foli për situatën ku është përfshirë vendi, me zjarre nga veriu në jug, Dedej u shpreh se thelbësore për izolimin e flakëve, është ndërhyrja e shpejtë, mungesa e së cilës prodhoi situatë kritike ku gjendet gadishulli i Karaburunit.

Zëvëndëskryeministri Erion Braçe ka reaguar për situatën me flakët që kanë përfshirë vendin tonë. Braçe shprehet se këto zjarre nuk kanë rënë si pasojë e ndryshimeve klimatike, por ato janë të shkaktuara nga vetë dora e njeriut.

SPAK ka regjistruar çështjen e Selim Çekaj, i cili u arrestuar për gjetjen e 49 kg kokainë në kontejnerin me banane që ai kishte porositur. Dosja e tij u regjistruar në SPAK pas shpalljes së moskompetencës nga Prokuroria e Durrësit për këtë çështje.

Një 47-vjeçar, i shpallur në kërkim ndërkombëtar, është arrestuar ditën e sotme në Tiranë, me qëllim ekstradimin drejt Italisë.

Ministrja e Arsimit, Evis Kushi në kuadër të muajit të hapur të vaksinimit iu bën thirrje studentëve, mësuesve e pedagogëve që të vaksinohen kundër koronavirusit. Sipas Kushit vaksinimi është mënyra më e mirë për një vit të ri shkollor dhe akademik sa më të suksesshëm.

7 trafikantë janë arrestuar gjatë kohës që po tentonin të transportonin 62 kilogramë kanabis me 3 mjete të ndryshme nga Vlora në drejtim të Fushë Krujës.

Paraqitet e qetë situata me zjarret në Shkodër ditën e sotme, ku janë vënë nën kontroll apo janë shuar plotësisht flakët në vatrat që ishim të rrezikshme. Bashkia Shkodër bën me dije se një vatër zjarri në Malin e Taraboshit është neutralizuar gjatë gjithë natës.

Një 39-vjeçar ka rënë në prangat e Policisë pasi ka ushtruar dhunë fizike ndaj bashkëshortes së tij. Burime zyrtare bëjnë me dije se 39-vjeçari është identifikuar me inicialet E.P.

Një 38-vjeçar është arrestuar pasi trafikonte kokainë në zonën e Astirit. Për trafikimin e kokainës 38-vjeçari i identifikuar si Anteo Guci përdorte badge fals policie për t’iu shmangur kontrolleve.

Paraqitet e vështirë situata me flakët më Majën e Rrunës në Kukës, ku zjarret vijojnë të përhapen, ndërsa terreni malor vështirëson lokalizimin dhe punën për shuarjen e tyre.

Një sherr mes disa personave ka përfunduar në plagosjen e njërit prej tyre në Borsh.

Një konflikt për motive të dobëta ka çuar në pranga dy të rinj në Bulqizë. Burime për Report Tv bëjnë me dije se dy të rinjtë, të identifikuar si Blerdjan Gjoka, 32 vjeç dhe Murat Zhaboli 28 vjeç kanë goditur me thikë për shkak të detyrës një punonjës të ujësjellësit.

Nga

Eliza Gjediku

‘Heronjtë’ e ditëve të fundit në Vlorë që po luftojnë në çdo moment me flakët e zjarrit nuk janë paguar për orët shtesë të punës. Bashkia e Vlorës prej dy muajsh nuk i ka paguar 35 zjarrfikësit e qytetit për 178 orët e gatishmërisë, teksa disponon për këto pagesa fondi prej 55 mln lekë të vjetra për vitin 2021.  

Vijon pa ndalim puna për ndërtimin e konvikteve të reja të mjekësisë, e duket se studentët do të akomodohen pikërisht në këto hapësira, në vitin e ri akademik. Kryeministri Edi Rama ka uruar sot mirmëngjes pikërisht me një video nga kantieri i ndërtimit të këtyre godinave.

Në ditën e 14 të 'luftës' me flakët, zjarri vijon të jetë ende aktiv në Karaburun. Mëngjesin e sotëm, situata në Karaburun ishte e qetë, por përkeqësimi  motit solli dhe një përkeqësim të flakëve, ku era e fortë riaktivizoi një vatër në zonën e quajtur Gropa e Pirit dhe po digjen pyje me bredha. Për neutralizimin e flakëve ka nisur edhe ndërhyrja nga ajri.

Duket se vendo do të vijojë të jetë nën ndikimin e temperaturave të larta, ku pavarësisht vranësirave, reshjet thuajse nuk do të jenë të pranishme. Sipas MeteoAlb, në orët e mesditës dhe pasdites mund të krijohen mundësi edhe për rrebeshe afatshkurtra, por të izoluara, ndërsa në orët e mbrëmjes dhe të natës, vranësirat largohen gradualisht.