Kronikë

Gjykata e Posaçme kundër korrupsionin ka vendosur sot që Selim Çekaj, të vijojë të qëndrojë në qeli duke mos ndryshuar masën e sigurisë së tij "arrest me burg". Selim Çekaj është arrestuar pas gjetjes së 49 kg kokainë në kontejnerin me banane që ai kishte porositur.  

Dy persona janë arrestuar në Durrës, pasi janë kapur me 3 armë zjarri pa leje në makinë.

Një ditë më parë e mohoi, ndërsa sot, kreu i Bashkisë së Vlorës, Dritan Leli ka konfirmuar lajmi e 'Report Tv, duke pranuar se zjarrfikësit në Vlorë, prej dy muajsh nuk kanë marrë paratë që i takojnë për orët shtesë të punës. 

Sipas Lelit, kufizimet ligjore janë bërë pengesë që zjarrfikësit, të cilët janë heronjtë e këtyre ditëve të vështira ku ndodhet vendi me flakët, të bëhen pengesë që ata të mos shpërblehen për mundin dhe sakrificën e tyre.

Situata nga zjarret në të gjithë vendin ka detyruar sot Ministrin e Brendshëm, Bledi Çuçi të mbledh krerët më të lartë të Policisë së Shtetit. Drejtori i Përgjithshëm i Policisë së Shtetit, Ardi Veliu, kreu i Policisë Kriminale Tonin Vocaj dhe sekretari i Përgjithshme i Këshillit të Ministrave, Engjëll Agaçi për 60 minuta zhvilluan një takim në Ministrinë e Brendshme me Çuçin.

Është sekuestruar një lokal në pronësi të ish-drejtorit të Postës në Korçë, Valter Gora, i cili u arrestua pak javë më parë, i akuzuar për shpërdorim detyre dhe falsifikim dokumentesh.

Vettingu i prokurores së Tiranës, Elisabeta Imeraj shkaktoi debate e përplasje të forta mes saj dhe vëzhguesit të ONM, Theo Jacobs, i cili kërkon shkarkimin e prokurores. Pas këtyre situatave është detyruar të reagojë vetë Komisioni i Pavarur i Kualifikimit (KPK) ku shpreh se mes këtij institucioni dhe Operacionit Ndërkombëtar të Monitorimit (ONM) ka pasur dhe vijon të ketë një bashkëpunim të frytshme në lidhje me procesin e vettingut.

Ministrja e Shëndetësisë deklaroi nga qendra shëndetësore e Ksamilit se fokusi është tek intensifikimi i programit të vaksinimit, duke u bërë thirrje qytetarëve që të vaksinohen sa më parë gjatë këtij muaji të hapur të vaksinimit antiCOVID.

Vendi është përfshirë nga zjarret nga veriu në jug, ku shkak, në pjesën më të madhe të rasteve duket se është dora e njeriut dhe jo temperaturat e larta. Katër persona janë vendosur nën hetim ditën e sotme në Gjirokastër dhe një tjetër në Lezhë, të dyshuar si autorë të zjarreve që dogjën sipërfaqe të tëra me pemë e shkurre.

Shoqata e Avokatëve Penalistë të Shqipërisë i kanë dërguar një kërkesë zyrtare Këshillit të Lartë Gjyqësor që të vendosë për zhvillimin e seancave gjyqësore të hapura.

Në kohë të sezonit turistik por edhe fundjavës ku fluksi i kalimit të njerëzve në kufi është i madh, pala greke punon me staf të reduktuar. Kjo ka shaktuar një radhë të gjatë mjetesh në pikën kufitare të Kakavijës.

Një 56-vjeçar ka rënë në prangat e policisë ditën e sotme në Fier, pasi akuzohet se ka abuzuar seksualisht me një 20-vjeçare me aftësi të kufizuara.

Është përfshirë nga flakët fshati Gjorgos në Fier. Vatra e zjarrit është përhapur në një sipërfaqe të konsiderueshme, ndërsa prej orësh forcat operacionale po punojnë për t'i mbajtur flakët nën kontroll.

Një 62-vjeçar nga Lioni i Francës është nën hetime, pasi tentoi të kalojë në Kakavijë drejt Greqisë me 30 mijë euro të padeklaruara.

Kryeministri Edi Rama ka postuar një video nga lungomare e re e Sarandës. Këtë sezon veror Saranda duket edhe më e bukur për turistët dhe me një shëtitore të re ku mund të shijohet shëtitja buzë detit, ndërsa anës saj janë mbjellur pisha.

Radhë të gjata kilometrike që në orët e para të mëngjesit në pikën kufitare të Morinës në Kukës. Mijëra shqiptarë nga Kosova me automjetet e tyre po i drejtohen bregdetit shqiptar. Pala shqiptare po punon me procedurë të përshpejtuar e me 8 sportele, por fluksi është jashtëzakonisht i madh, ndaj janë krijuar radhë kilometrike.

Vijojnë të jenë aktive dy vatra e zjarrit në Majën e Rrunës. Zjarri në Majën e Rrunës mbi tunelin e Kalimashit i favorizuar edhe nga era është përhapur me shpejtësi gjatë mesnatës të cilat janë përhapur deri pranë Rrugës së Kombit.Dy vatra zjarri janë aktivizuar në fshatrat e Mirditës.

Nga

Adriatik Doci

Këngëtarja Greta Koçi nisi ditën e parë punës në administratë si drejtore e Drejtorisë së Marrëveshjeve në Ministrinë e Brendshme. Nuk kishte mbushur ende një vit nga diplomimi. Emërimi u firmos nga Isuf Çelaj i zgjedhur deputet i PD-së në zgjedhjet e fundit parlamentare