Kronikë

Nga

Doris Sallaku

Teksa cdo ditë referohen rastet e reja të infektimeve me Covid, pjesë me madhe e tyre janë me variantin Delta. Sipas shefes së Laboratorit të Virologjisë në ISHP, Iris Hasriba, varianti Delta po mbizotëron në Shqipëri porende nuk po shfaq agresivitet të shtuar. 

Të hënën fillojnë zyrtarisht detyrën 28 hetuesit e BKH që kanë përfunduar trajnimin. Demian Smith, zëvendës ambasadori i Shteteve të Bashkuara në Shqipëri ka mbajtur sot një fjalim në aktivitetin e përfundimit të programit të trajnimit të FBI-së, të grupit të kandidatëve për hetues të BKH-së.

Kreu i Kadastrës Artan Lame u ka prerë shpresat të gjithëve atyre personave që djegin pyjet për të hapur troje për të ndërtuar. Lame u shpreh se ata persona ta harrojnë se munden t'i legalizojnë objektet.

Kanë mbërritur nga Çekia dhe Holanda 3 helikopterë në ndihmë ndaj vendit tonë në kuadër të aktivizimit të Mekanizmit të Mbrojtjes Civile të Bashkimit Europian për të përballuar situatën me zjarret.

"Njerëzve nuk do t’u themi se shtëpitë s'do legalizohen", ky audio përgjim i kreut të kadastrës Artan Lame, publikuar para zgjedhjeve të 25 prillit shkaktoi furtunë mediatike. Audiopërgjimi ishte bërë në 2017, por, edhe sot 4 vite pas regjistrimit të kësaj bisede Artan Lame mendon njësoj. 

E rikonstruktuar së fundmi, Qendra Shëndetësore e Bushtricës në Kukës nga sot do të jetë e pajisur me një ambulancë të re, dhuratë nga dy vëllezër emigrantë.

Kapen 7 kg kokainë në Portin e  Durrësit. I vetmi ndryshimi në dërgesën e fundit të kapur ishte se nga fshehja e saj në kontejnerët me banane  ka 'kaluar' në kontejnerët me peshk dhe nënproduktet e tij. Ngarkesa vinte në vendin tonë për llogari të firmës “Fish Co”, me qendër në Tiranë, ndërsa në pranga u vu pronari i saj, Denis Doda, 35 vjeç.

Nga

Arsen Rusta

14 prona në vlerën e mbi 5 milion eurove, 3 automjete e dy llogari bankare ka sekuestruar SPAK dy personave të përfshirë në trafikun e kokainës, ndërsa i ka dërguar ata për gjykim. Ata janë Arjan Ndoci njohur dhe si Ardjan Ndoka dhe Julian Deblini njohur edhe si Julian Gjoka të cilët janë kapur në Spanjë me 788 kg kokainë dhe 1.25 milion euro cash.

Me fillimin e korrjes së grurit, u organizua në atraksionin më të bukur turistik të Maliqit, pikërisht tek pylli i Fazanëve, festa e “Bukës së re”. Kjo festë u shoqërua me panaire të varieteteve të ndryshme të brumit, nën tingujt e serenatave korçare dhe valleve tradicionale.

Kreu i Bashkisë së Tiranës, Erion Veliaj i ka bërë thirrje sot qytetarëve që të vaksinohen, nëse duan të marrin pjesë në koncerte apo aktivitet masive publike në Tiranë. I pranishëm në Ndoq, ku vizitoi një familje, banesa e të cilëve u rindërtua pas tërmetit, Veliaj u shpreh se në mënyrë që Tirana të hapet 100%, duhet të që qytetarët të vaksinohen.

Prokuroria e Posaçme Antikorrupsion ka zgjatur me një muaj hetimet për për ish-gjyqtaren Enkeleida Hoxha dhe të arrestuarit e tjerë. SPAK i ka zgjatur hetimet me qëllim për të pasur më shumë kohë për të kërkuar prova të tjera në lidhje me ish-gjyqtares dhe bashkëpunëtorëve të saj. SPAK ka kërkuar zgjatjen me 6 muaj të hetimeve edhe për mjekun Edvin Prifti i cili doli nga përgjimet që po kryheshin në Gjykatën e Krujës.

28 hetuesit e BKH kanë përfunduar trajnimin, ndërsa do të fillojnë zyrtarisht detyrën të hënën, 9 gusht. Ceremonia e dorëzimit të detyrës u zhvillua në Durrës ditën e sotme, ku të pranishëm ishin kreu i SPAK, Arben Kraja dhe drejtuesja e Byrosë Kombëtare të Hetimit, Aida Hajnaj.