Kronikë

Nga

Kristaq Thano

Qyteti i Fierit është mbuluar mëngjesin e sotëm nga një mjegull tymi nga zjarri i fushës së mbetjeve urbane e cila mori flakë ditën e djeshme. Një re e dendur tymi ka mbuluar qytetin si pasojë e erës. Banorët ankohen se prania e tymit ndjehet edhe në frymëmarrje.

Në kuadër të parandalimit dhe “goditjes” së paligjshmërisë, policia e Durrësit ka vënë në pranga 3 persona për vepra të ndryshme penale.

Ish kryebashkiaku i Lushnjes, Fatos Tushe, i arrestuar për shpërdorim detyre, do të qëndrojë në burg. Apeli i Gjykatës Kundër Krimit të Organizuar rrëzoi kërkesën duke lënë në fuqi vazhdimin e arrestit ndaj Tushes, ish vartësve të itj dhe dy biznesmenët e arrestuar për favorizim në tendera.

Në pikët kufitare të Kapshticës, policia në bashkëpunim me autoritetet doganore, kanë “goditur” nja rast të mosdeklarimit të një shume parash në euro.

Nga

Adriatik Doci

Gjyqtari i Vlorës Ken Dhima rezulton me probleme të rënda në kriterin e pasurisë, apartamente me paratë e vjehrrit, para dhuratë, hua dhe kontrata të çuditshme. ILDKPKI e kallëzoi në 2014 për pasurinë, por prokuroria i mbylli dosjen dhe KLD-ja nuk e shkarkoi. Etilda Gjonaj kërkoi shkarkimin e tij në 2018, por KLD-ja e shpëtoi për herë të dytë

Sot 6 protagonistëve të aksionit të dështuar të operacionit të drogës te ‘Varri i Bamit, po u merren deklarimet në lidhje me ngjarjen. Bëhet fjalë për 5 efektivët e policisë, të cilët trafikanti iu iku nga duart në mënyrën më spektakolare. E pasi nuk arritën që të ndalonin trafikantin e drogës, efektivët i kthyen gazetarit Ergys Gjençaj duke e shtrirë për tokë vetëm për faktin se ai po filmonte këtë operacion, ku policia dështoi për ta finalizuar me arrestimin e trafikantëve që po shkëmbenin kokainë.  

6 persona janë arrestuar dhe 2 të tjerë janë shpallur në kërkim ditën e sotme në Shkodër, pasi u kapën duke kultivuar kanabis. Në pranga kanë rënë Gjokë Foleta, Pal  Alia, Besnik  Rripa, D. Q. Manjola  Kroni dhe Eugena Gjelaj, ndërsa në kërkim janë shpallur shtetasit E. Gj. dhe Rr. Rr. 

Mbrëmjen e djeshme edhe pas kundërshtimeve më dhunë të efektivëve, policia e Kurbinit arriti të prangoste 2 vëllezërit, Fation dhe Klodian Lika.

Në letër thuhet se temperaturat e larta të këtyre ditëve, të cilat kanë  përfshirë dhe do vazhdojnë të përfshijnë gjithë territorin e vendit tonë, edhe në Qarkun e Tiranës kanë sjellë dhe vijojnë të sjellin shqetësime shumë serioze mbi rrezikshmërinë e zjarreve me pasoja të rënda ekonomike. Ditët në vijim sipas parashikimeve, do të jenë me rrisk edhe më të lartë nga rreziku i zjarreve.

Përmes një videoje të postuar në Facebook, Kryeministri Rama ka bërë me dije se në fshatin Arapaj të Durrësit po vijon puna intensivisht për të vënë në funksion gjatë kësaj vere rezervuarin që do t'i vijë në ndihmë të gjithë fermerëve.  

Policia ka dalë sot me një njoftim në lidhje me operacion anti-drogë që u zhvillua një ditë më parë te "Varri i Bamit", ku u arrestuan 5 persona, u shpall në kërkim një tjetër, ndërsa u sekuestruan 1 kilogram e 128 gramë kokainë.

Të shkaktuar nga dora e njeriut, apo nga temperaturat ekstremisht të larta që kanë përfshirë vendin, zjarret vijojnë të djegin sipërfaqe të tëra me kullota e pyje. Një tjetër vatër zjarri është aktivizuar sot në fshatin Tragjas të Vlorës. Flakët favorizohen nga era, ndërsa zjarrfikësit tentojnë t'i shuajnë me mjete rrethanore.

Temperaturat e ajrit rriten sërish ndjeshëm në mëngjes dhe mesditë duke u luhatur vlerat ekstremale ditore nga 20°C mëngjesi deri në 42°C mesdita.

Një 19 -vjeçare ka humbur jetën mbrëmjen e djeshme Fier dhe një person tjetër ka mbetur i plagosur, si pasojë e një aksidenti.

Gjykata e Posaçme rrëzon kërkesën e SPAK për për rihapje të hetimeve për çështjen e shpërthimit të Gërdecit dhe ish-ministri Fatmir Mediu nuk do rihetohet.

Me qindra sipërfaqe me ullishte, vreshta por dhe pyjet me pisha janë djegur gjatë muajit korrik, për shkak të zjarreve që shpeshherë janë të qëllimshme. Zjarrfikësit janë duke hasur në vështirësi të mëdha për shkak se mungojnë mjetet logjistike, e nga ana tjetër janë fermerët ata që kërkojnë dëmshpërblim për dëmet.

Lëkundje të forta sizmike janë ndjerë mbrëmjen e sotme në qytetin e Lezhës. Sipas Institutit të Gjeoshkencave, Ujit dhe Mjedisit, lëkundjet kanë pasur magnitudë 3,6 ballë të shkallës Rihter.