Kronikë

Nëse keni kaluar në qendër të Tiranës, përbri godinës së bashkisë, dhe keni parë një instalacion disi ekzotik, mos ngurroni të futeni brenda, sidomos në këto temperature mjaft të larta. Ai është stacioni i parë i freskimit, një lloj oazi tropikal, ku të gjithë kanë mundësi të ndalen dhe të freskohen në këto ditë të nxehta vere

Policia Rrugore ka vijuar me kontrollin intensiv për të evidentuar dhe ndëshkuar shkelësit e Kodit Rrugor. Në 24 orët është konstatuar në Bulevardin Blu, në Kamzë, një drejtues mjeti me “Benz”, i cili lëvizte me shpejtësi 109 km/orë, ndërsa në rrugën urbane Fier-Vlorë, është konstatuar një tjetër drejtues me “BMW” me shpejtësi 189 km/orë. Në zonën e Yzberishtit në Tiranë u arrestua një drejtues mjeti i dehur, cili rezultoi me 0.98 mg/l në testin e dytë. 

OSHEE bën me dije do kryhen punime në kabinën "Prokuroria"/ Fid L8/Nst Qendër, ku për pasojë do të shkëputet energjia elektrike në zonë në intervalin kohor 09:00-16:00. Pa energji do të mbeten pjesërisht Blloku i pallateve  9-katëshe pranë Prokurorisë së Përgjithshme.

Asnjë viktimë nga COVID nuk është shënuar në vendin tonë në 24 orët e fundit, por rastet e reja kanë ardhur në rritje. Ministria e Shëndetësisë njofton se nga 2108 testime të kryera janë regjistruar 15 raste të reja, ndërkohë që aktualisht janë 81 pacientë aktivë me COVID19 në të gjithë vendin

Policia e Shtetit ka publikuar edhe masat e marra gjatë sezonit turistik të vitit 2021. Policia bën me dije se si rrjedhojë e masave të marra dhe e statusit të vendit tonë “si një vend i hapur dhe i sigurt” edhe përsa i përket pandemisë së COVID-19, për shkak të pritshmërisë së ardhjes së pushuesve vendas dhe të huaj janë angazhuar 1607 punonjës të Policisë

Zjarri i rënë mbrëmjen e djeshme në Vermosh të Malësisë së Madhe vijojnë të shkrumbojë hapësira të tëra me pyje, ndërsa flakët kanë dalë jashtë kontrollit. Zjarri ka rënë në kufirin me Malin e Zi, ndërsa rrezikohen qindra hektarë pyje, që është edhe kurora e gjelbër e zonës.

Gjatë ditës së sotme, ministrja e Drejtësisë Etilda Gjonaj ka zhvilluar një takim me homologun e saj nga Maqedonia e Veriut, Bojan Marichikj.

Tempreaturat e nxehta vijojnë të na shoqërojnë në këto ditë vere. Edhe sot termometri ka shënuar 39 gradë celsius e ndërsa në disa zona temperatura shkon deri në 40 garadë. Meteorologu Hakil Osmani tha për ‘Report TV’ se fundjava pritet të jetë më e freskët dhe do të kemi një ulje të temperaturave deri në 35 gradë celsius.

Të gjithë abonentët që do të kenë në vijim abonime me platformën dixhitale TiBO nuk do të kenë mundësi të ndjekin kanalet e DigitAlb dhe programacionin e tij. Njoftimi është bërë nga vetë Digitalb, i cili bën me dije se më 1 qershor ka ndërprerë bashkëpunimin me shoqërinë TiBO

Nga

Arsen Rusta

Gjykata e Elbasanit ka dhënë vetëm 4 vjet burg për Behar Pemën, shoferin që aksidentoi për vdekje e dy vajza të reja e plagosi  dy të tjerave shtatorin e  2020.  Ndërsa nëna e Lusinda Garunjës ka reaguar në facebook duke thënë se vajzën ja vranë për së dyti.

50-vjeçarja, Bukuroshe Muharremi ka mohuar përpara gjykatës se ka rrëmbyer 12-vjeçarin dhe e ka shfrytëzuar atë për të lypur në rrugë. Përpara togave të zeza, Muharremi ka thënë se ajo e ka strehuar në shtëpi, e ka ushqyer pasi ishte shok me nipin e saj të vogël dhe se fëmija i ishte prezantuar se nuk kishte prindër. Megjithatë, pavarësisht pretendimeve të saj, Gjykata e la në burg pa afat.

Është mbyllur procesi i radhës drejt plotësimit me 60 anëtarët e Byrosë Kombëtare të Hetimit. Sot është përmbyllur faza e korrigjimit të esesë dhe përzgjedhjes së kandidatëve, për fazat e mëtejshme të konkurrimit.

Një aksident i rëndë ka ndodhur në afërsi të fshatit Dushar në Maliq. Kamioni ka dalë nga rruga duke u përmbysur dhe për pasojë ka ndërruar jetë Drejtori i Pyjores së Maliqit, Marsel Nazifi 38 vjeç.

Varianti Delta i COVID, ose siç njihet ndryshe ai indian, mund të ketë hyrë në Shqipëri. Për këtë, ka disa sinjale të pazakonta për të cilat një sërë mostrash do të dërgohen në Gjermani, për të arritur deri në një përfundim zyrtar. Ka qenë ministrja e Shëndetësisë, Ogerta Manastirliu, ajoi që bëri të ditur këtë lajm, teksa bëri thirrje që të mos neglizhohet vaksinimi anti-COVID.

Nga

Sokol Dema

4 ditë pas denoncimit të një krimi mjedisor me djegien e mbetjeve urbane të Kavajës në landfille të paligjshme, asnjë person përgjegjës nuk është vënë përballë ligjit, aq më keq, as nuk janë identifikuar. Report Tv ishte sot në Kavajë për të marrë një përgjigje pranë Prokurorisë së Kavajës.

Pickimet nga merimangat dhe gjarpërinjtë po kthehen në një fenomen shqetësues në këto temperatura të larta. Mjeku intoksikolog, Lulëzim Banushaj foli për ‘Report Tv’ duke shpjeguar se në spitalin e Fierit janë paraqitur 10 raste nga pickimi i merimangës dhe 5 raste nga kafshimi i gjarprit dhe nëpërkës. 

Kryetari i Bashkisë së Tiranës, Erion Veliaj e ka nisur ditën e sotme duke takuar një mik special të shqiptarëve, Wesley Clark, i cili ishte në krye të NATO-s dhe që ndihmoi në operacionin për çlirimin e Kosovës.