Kronikë

Në 24 orët e fundit asnjë qytetar nuk ka humbur jetën nga COVID 19, ndërkohë që janë shënuar 13 raste të reja

Qendra për Kontrollin dhe Parandalimin e Sëmundjeve në SHBA e ka futur Shqipërinë te vendet me nivel të ulët rreziku të infektimit nga COVID. Duke nisur që nga dita e djeshme 7 qershor, CDC e ka shënuar në “nivelin 1” vendin tonë.

Të gjithë udhëtarët që duan të vizitojnë Britaninë e Madhe, duhet të kalojnë 10 ditë në karantinë të detyrueshme në hotel. Por ekzistojnë dhe mundësi të tjera për banorët e Emiratëve të Bashkuara Arabe që dëshirojnë të udhëtojnë drejt Mbretërisë së Bashkuar

Avokatja e Shtetit, Enkelejda Muçaj ka deklaruar se çështja ‘Beccheti’ vazhdon në gjykata. Teksa raportoi në Komisionin e Ligjeve, Muçaj shtoi se 98% e kërkesave të Becchetit në Gjykatat Ndërkombëtare janë rrëzuar tërësisht.

Arrihet marrëveshja e pare mes Shqipërisë dhe një vendi anëtar të BE për njohjen e ndërsjelltë të certifikatave të vaksinimit. Kjo marrëveshje është arritur gjatë takimit Rama-Orban në Budapest ditën e sotme.

Pas një periudhe të vështirë në Albcontrol, për shkak të protestës së kontrollorëve që bllokuan trafikun ajror, në krye të këtij institucioni është emëruar ish-zëvendësministri i Infrastrukturës Hantin Bonati. Lëvizja tjetër është tek ARRSH, ku në krye të këtij institucioni është vendosur Evis Berberi, i cili ka zëvendësuar Ergys Verdhon të cilit i është besuar drejtimi i KESH

Operacioni 'bregdeti ynë', për prishjen e ndërtimeve pa leje në vijën bregdetare, do të vijojë deri në zhbërjen totale të çdo paligjshmërie. Kështu u shpreh zv.ministri Brendshëm Besfort Lamallar në 'Report TV'. Ai theksoi se ky aksion do të vijojë edhe me gjobitjen e të gjithë zyrtarëve që shkelën detyrën, duke lejuar ndërtimin e objekteve pa leje.

Një helmetë zhytëse, që dyshohet se daton që prej Luftës së Dytë Botërore, është gjetur mesditën e sotme në Karaburun të Vlorës.

Një punonjës policie është vënë në pranga nga drejtoria Rajonale e SHÇBA Durrës-Kavajë pasi disa ditë më parë ka shtypur një person dhe është larguar nga vendi i ngjarjes.

Një 28-vjeçar ka rënë në prangat e Policisë ditën e sotme në Tiranë, i akuzuar se ka ushtruar dhunë fizike dhe psikologjike ndaj i-sh të dashurës. Po ashtu, sipas policisë, dyshohet se ai i ka kërkuar një shumë parash ish-të dashurës së tij, në mënyrë që të vazhdonin lidhjen.

3 pronarë biznesesh janë proceduar penalisht në gjendje të lirë, pasi ka ndërtuar pa leje në zonën e bregdetit. Bëhet fjalë për objekte me strukturë druri kryesisht të ndërtuara në bregdetin e Jalës si edhe të Dhërmiut.