Kronikë

Zjarrfikësi hero, Luan Kapaj, i cili rrezikoi jetën teksa po shpëtonte nga rrënojat e tërmetit të 26-nëntorit disa qytetarë dhe u dekorua edhe nga kryeministri Edi Rama për kontributin e tij, prej javësh po 'lufton' me flakët në zonë e Dukatit dhe Karaburunit në Vlorë në kushte të vështira. Në një intervistë për Report Tv, zjarrfikësi Kapaj shprehet se atij dhe kolegëve të tij nuk u mungon as guximi dhe as përvoja për të luftuar me flakët, por mjetet mbrojtëse duke vijuar që nga veshja, kokorja, maska që të mund të sigurojnë jetën e tyre fillimisht dhe më pas të ndërhyjnë sa më shumë në zonën e rrezikut.

Ballist Morina, shqiptari që ngriti dronin në ndeshjen Serbi-Shqipëri në vitin 2016 i ka dalë në mbrojtje këngëtarit serb Goran Bregoviç. Me një postim në Facebook, Morina shprehet se Bregoviç jo vetëm që nuk ka nxitur urrejtjen ndaj shqiptarëve, por k kënduar edhe një këngë në shqip.

Nga veriu në jug, vendi është përfshirë nga zjarre, ndërsa situata në Tiranë, këtë sezon, paraqitet më e qetë. Megjithatë, kreu i Bashkisë së Tirans, Erion Veliaj, bën me dije se ka patur raste të izoluara në rrethinat e Tiranës. Sipas tij, tentativa për zjarrvënie janë regjistruar edhe te Parku i Liqenit, Pezë dhe në Vrap, por fatmirësisht situata është vënë nën kontroll shpejt.

Një person është arrestuar dhe dy të tjerë janë shpallur në kërkim ditën e sotme në Durrës, të akuzuar si autorë të disa vjedhjeve në qytetin bregdetar. Bëhet me dije se është arrestuar Hamid Hoxha janë shpallur në kërkim Edmond Neza dhe Kreshnin Shira.

Gjykata e Posaçme kundër korrupsionin ka vendosur sot që Selim Çekaj, të vijojë të qëndrojë në qeli duke mos ndryshuar masën e sigurisë së tij "arrest me burg". Selim Çekaj është arrestuar pas gjetjes së 49 kg kokainë në kontejnerin me banane që ai kishte porositur.  

Dy persona janë arrestuar në Durrës, pasi janë kapur me 3 armë zjarri pa leje në makinë.

Një ditë më parë e mohoi, ndërsa sot, kreu i Bashkisë së Vlorës, Dritan Leli ka konfirmuar lajmi e 'Report Tv, duke pranuar se zjarrfikësit në Vlorë, prej dy muajsh nuk kanë marrë paratë që i takojnë për orët shtesë të punës. 

Sipas Lelit, kufizimet ligjore janë bërë pengesë që zjarrfikësit, të cilët janë heronjtë e këtyre ditëve të vështira ku ndodhet vendi me flakët, të bëhen pengesë që ata të mos shpërblehen për mundin dhe sakrificën e tyre.

Situata nga zjarret në të gjithë vendin ka detyruar sot Ministrin e Brendshëm, Bledi Çuçi të mbledh krerët më të lartë të Policisë së Shtetit. Drejtori i Përgjithshëm i Policisë së Shtetit, Ardi Veliu, kreu i Policisë Kriminale Tonin Vocaj dhe sekretari i Përgjithshme i Këshillit të Ministrave, Engjëll Agaçi për 60 minuta zhvilluan një takim në Ministrinë e Brendshme me Çuçin.

Është sekuestruar një lokal në pronësi të ish-drejtorit të Postës në Korçë, Valter Gora, i cili u arrestua pak javë më parë, i akuzuar për shpërdorim detyre dhe falsifikim dokumentesh.

Vettingu i prokurores së Tiranës, Elisabeta Imeraj shkaktoi debate e përplasje të forta mes saj dhe vëzhguesit të ONM, Theo Jacobs, i cili kërkon shkarkimin e prokurores. Pas këtyre situatave është detyruar të reagojë vetë Komisioni i Pavarur i Kualifikimit (KPK) ku shpreh se mes këtij institucioni dhe Operacionit Ndërkombëtar të Monitorimit (ONM) ka pasur dhe vijon të ketë një bashkëpunim të frytshme në lidhje me procesin e vettingut.

Ministrja e Shëndetësisë deklaroi nga qendra shëndetësore e Ksamilit se fokusi është tek intensifikimi i programit të vaksinimit, duke u bërë thirrje qytetarëve që të vaksinohen sa më parë gjatë këtij muaji të hapur të vaksinimit antiCOVID.

Vendi është përfshirë nga zjarret nga veriu në jug, ku shkak, në pjesën më të madhe të rasteve duket se është dora e njeriut dhe jo temperaturat e larta. Katër persona janë vendosur nën hetim ditën e sotme në Gjirokastër dhe një tjetër në Lezhë, të dyshuar si autorë të zjarreve që dogjën sipërfaqe të tëra me pemë e shkurre.

Shoqata e Avokatëve Penalistë të Shqipërisë i kanë dërguar një kërkesë zyrtare Këshillit të Lartë Gjyqësor që të vendosë për zhvillimin e seancave gjyqësore të hapura.

Në kohë të sezonit turistik por edhe fundjavës ku fluksi i kalimit të njerëzve në kufi është i madh, pala greke punon me staf të reduktuar. Kjo ka shaktuar një radhë të gjatë mjetesh në pikën kufitare të Kakavijës.

Një 56-vjeçar ka rënë në prangat e policisë ditën e sotme në Fier, pasi akuzohet se ka abuzuar seksualisht me një 20-vjeçare me aftësi të kufizuara.