Kronikë

Nga

Arsen Rusta

E premtja ishte një ditë e zezë për bilancin e viktimave në aksidente rrugore e cila prodhoi 5 jetë të humbura dhe hyrjen në fuqi të Kodit të ri Rrugor. Masat ndëshkuese janë rritur në 15-20 mijë lekë për shpejtësi tej normave ndërsa parashikohet dhe heqje patente deri në 18 muaj.

Një person është arrestuar dhe një tjetër është shpallur në kërkim ditën e sotme në Fier, pasi akuzohen se kishin ngritur një strukturë për prodhimin e kriptovalutave. Mësohet se në pranga ka rënë Fabjo Braçaj dhe është shpallur në kërkim Fatjon Koçi.

Ministrja e Shëndetësisë, Ogerta Manastirliu, nga qendra e vaksinimit të përqëndruar në Vlorë, ka shpallur ditët e hapura të vaksinimit masiv antiCOVID19, për të gjithë qytetarët mbi 18-vjeç, në të gjithë vendin. Vaksinimi i hapur do të bëhet në datat 29 dhe 30 qershor, ndërsa gjatë sezonit veror do të ketë edhe ditë të tjera që do të përcaktohen në vijim. Të gjithë qytetarët që duan të vaksinohen duhet të regjistrohen në e-Albania.

Një autobus ka marrë flakë duke u djegur plotësisht gjatë orëve të para të mëngjesit. Ngjarja ka ndodhur rreth orës 02:25, në fshatin Velmish të Roskovecit.

E shoqëruar nga daja, vogëlushja ka vendosur sot lule në vendin ku ndodhi aksidenti, ku pati edhe një apel për shoferët teksa tha 'ecni me avash'. Ndonëse vetëm 3 vjeç, në ndryshim nga shumë të rritur, vogëlushja duket se e kupton më mirë rëndësinë e respektimit të rregullave të kodit rrugorë.

Kryeministri Edi Rama inspektoi ditën e sotme ecurinë e punimeve në sheshin e Flamurit që po ndryshon pamjen e derisotme të qendrës dhe infrastrukturën lidhëse të Transballkanikes me zonën e portit në Vlorë.

Ka ndërruar jetë në spital 82-vjeçari i cili mbeti i plagosur si pasojë e një aksidenti pasditen e djeshme në Tiranë. Ngjarja ndodhi në bulevardin “Bajram Curri”, ku automjeti që drejtohej nga Mariglen Harizi, 25 vjeç, doli nga rruga, përplasi 82-vjeçarin dhe më pas përfundoi në lumin e Lanës.

Igli Madani, 22-vjeçari që drejtonte mjetin ‘Audi’ A8 që shkaktoi aksidentin tragjik në ditë më parë në Vlorë ku u shua një familje, ndodhet i shtruar në spitalin e Traumës në Tiranë. 22-vjeçari ka mbetur gjithashtu i plagosur nga aksidenti tragjik në autostradën Fier-Vlorë, i cili ndodhet i shtruar në kirurgji me diagnozën politraumë.

Mes dhimbjes e lotësh, e ëma e Silvana Gushit ka përcjellë sot për në banesën e fundit të bijën dhe dy mbesat, Evën dhe Anastasian. Pamjet trishtuese tregojnë të ëmën e SIlnvanës të veshur me të zeza, e cila duket se nuk mund të qëndrojë dot në këmbë nga dhimbja, ndërsa thërret me të madhe 'o lulet e nënës çfarë më bëtë'!

Pas aksidentit tragjik të ndodhur ditën e djeshme, ku humbën jetën 4 anëtarët e familjes Gushi, Njësia Operacionale e Tiranës ka 'zbarkuar' në autostradën Vlorë-Fier, ku po kryhen kontrolle të shumta me radarë. Burime bëjnë me dije se deri më tani janë vendosur të paktën 15 masa ndëshkimore. Në aksin rrugor nga tuneli i Elbasanit deri në Bërzhitë ku policia po monitorin me radarë janë hequr 8 patenta për shkak të shpejtësisë së madhe që ka qenë mbi 130 k/h, në një kohë që në atë aks nuk lejohet më shumë se 90 km/h.

Një 42-vjeçar nga Kosova, i shpallur në kërkim ndërkombëtar për grabitje, është arrestuar mëngjesin e sotëm në Durrës. Në pranga ka rënë Blendi Cërmanji, i cili pritet të ekstradohet drejt Kosovës.

Nga

Çapajev Gjokutaj

S’di të thuash nëse këto shkelje i bënte nga që ishte i ri e me natyrë të papërmbajtur apo ngaqë komoditeti që i kishte krijuar i ati biznesmen, përfshi dhe Audin 100 mijësh, i kishin mbushur mendjen se ishte i veçantë, tejet e zoti dhe mbi të tjerët.

Si pasojë e temperaturave të larta që kanë përfshirë vendin prej disa ditësh tashmë, vaksinimi kundër COVID në Elbasan nuk do të kryhet më në shesh. Bashkia ka vënë në dispozicion Teatrin Skampa, ku çdo person mbi 50-vjeç duhet të shkojë tashmë që të marrë dozën e vaksinës.

Eduart Gushi, Silvana Gushi, Eva Gushi dhe Anastasia Gushi që humbën jetën në aksidentin tragjik të ditës së djeshme, u përcollën sot për në banesën e fundit. Ceremonia mortore u zhvillohet në Patos, në orën 10:00, ndërsa shpenzimet u morën përsipër nga Bashkia Patos.

Kryeministri Edi Rama e ka nisur mëngjesin e sotëm me një video nga punimet që po bëhen për bypass-in e Vlorës. Kryeministri shprehet se synimi është që kjo urë të bëhet e kalueshme në mes të korrikut.

Nga

Sokol Dema

Drejtori i Shërbimit Zjarrfikës në Tiranë Shkëlqim Goxhaj u bënë apel qytetarëve të përdorin vetëm bombula nga shërbime të licencuara pasi janë një rrezik potencial për shkaktim të zjarrit. Ngjarja më e fundit nga rrjedhja e gazit të bombulës ndodhi sot në Savër të Lushnjës ku si pasojë një banesë u shkrumbua.

Temperaturat e ajrit mbeten të pandryshuara sërish vlerat minimale por ulen me të paktën 2 gradë vlerat maksimale duke luhatur vlerat ditore nga 18°C mëngjesi deri në 37-38°C mesdita.

Kryeministri Edi Rama, dhe kryetari i Kuvendi, Gramoz Ruçi, i kanë uruar ditëlindjen profesorit të njohur Rexhep Qoses, i cili kishte 85-vjetorin e lindjes sot.