Kronikë

Pak para mesnate, shoqëria në kafe e disa të rinjve, u kthey në tragjedi. 27-vjeçari Mehmet Qema u qëllua me plumb pistolete në gjoks nga shoku i tij 28-vjeçari Marjus Dema. Në pamjet që Report Tv siguron pak momente para vrasjes, autori i drejton armën shokut të ulur në tavolinë, ndërsa miqtë e tjerë janë ende duke qeshur. 28-vjeçari u vetëdorëzua pas negociatave me familjarë e avokatë, ndërsa janë vetëdorëzuar edhe miqtë e tyre të shpallur në kërkim. Dëshmia: Nuk kisha qëllim ta vrisja pasi jemi miq.

Një konflikt në rrugën "5 Maji" në Tiranë ka përfunduar me përdorimin e armëve e për pasojë një person ka gjetur vdekjen. Viktima, identiteti i të cilit është Mehmet Qema, 27 vjeç ka ndërruar jetë në spital.

Ndërsa procesi i vaksinimit në vend vijon me ritme mjaft të shpejta, Ministrja e Shëndetësisë, Ogerta Manastirliu, tha se objektivi i ri është kryerja e 1 milion vaksinimeve brenda muajit Qershor. Ndërkohë, sa i përket masave anti-COVID, Manastirliu u shpreh optimiste se nëse shifrat e pandemisë do të jenë në këto trende, do të kemi një lehtësim të tyre në fund të muajit maj.

Kamerat e sigurisë të karburantit përballë kanë ndihmuar për të zbardhur të gjithë skemën e plotë të ekzekutimit të Bledar Birçaj mesditën e kësaj të hëne në Vlorë, në zonën e quajtur ‘Bishti i Kalldrëmit’.

Është zbuluar skandali i një farmacie në Rinas, e cila jep tamponë fals negativ të COVID, për të udhëtuar jashtë vendit. Tamponi kushton 30 euro dhe përgjigjen e merr në fare pak minuta.

Vazhdojnë prej muajsh punimet në ish-Sheshin Shqiponja, që e kanë kthyer hyrjen në kryeqytet në një kantier ndërtimi. Kryeministri Edi Rama ka publikuar një video nga punimet në Facebook, ndërsa thotë se puna vijon me tre turne.

Jo vetëm në dimër, por edhe gjatë stinës së verës fshati turistik i Dardhës në Korçë tërheq mjaft vizitorë të trevave shqiptare dhe vendeve të huaja. Ai ka tërhequr vëmendjen edhe të të huajve, jo vetëm të shqiptarëve.

Është restauruar kisha e Shën Vlashit në Skuraj të Milotit, e cila ishte shkatërruar gjatë sistemit komunist. Objekti i kultit u ringrit me donacione private dhe kontributin e banorëve përfshirë dhe ata të besimit mysliman. Mesha e parë u mbajt nga Arqipeshkvi i Tiranës dhe Durrësit Imzot Giorg Frendo.

Plazhi më i madh në veriperëndim të vendit, Velipoja nuk është ende gati për çeljen e sezonit turistik. Operatorët turistik duket se i kanë marrë masat, por ata që kanë çeduar janë Bashkia e Shkodrës dhe Ministria e Mjedisit. Ndjekim vëzhgimin e gazetarit Ergys Kavaja...

Ndërsa situata me pandeminë po përmirësohet, duket se edhe nxënësit do të rikthehen gradualisht në normalitet, pas një viti mësimi të alternuar mes atij në klasa dhe online. Ministrja e Arsimit, Evis Kushi tha sot në "Report TV" se nxënësit e arsimit parauniversitar do t'i rikthehen këtë vit modelit të mëparshëm për provimet.

Në 108-vjetorin e ditën e drejtësisë shqiptare, nga Poli i Drejtësisë, kreu i SPAK, Arben Kraja ka paralajmëruar të gjithë ata që janë shkarkuar nga vettingu dhe kanë probleme me pasurinë, do t’i nënshtrohen filtrave të SPAK.

Një gomone me 400 kg kanabis që ishte nisur nga Shqipëria, është kapur në brigjet e Brindisit, teksa në pranga ka rënë skafisti nga Vlora. Report TV mëson nga burime zyrtare se është arrestuar 30-vjeçari nga Vlora, me inicialet E. I.

Shefi i politikës së jashtme së Bashkimit Evropian Joseph Borrel, pas samitit të ministrave të jashtëm të BE, theksoi se integrimi i Shqipërisë dhe Maqedonisë së Veriut në BE është një fokus kryesor i unionit.

Më 5 Maj Këshilli i Bashkimit Europian i ka rekomanduar të vendeve të BE-së vazhdimin e negociatave të integrimit me Maqedoninë e Veriut dhe me Shqipërinë. Shefi i politikës së jashtme Joseph Borrel, theksoi se integrimi i Shqipërisë dhe Maqedonisë së Veriut në BE është një fokus kryesor i unionit. Borrel deklaroi se ka nevojë për vazhdimin e procesit të anëtarësimit për Malin e Zi dhe Serbinë gjithashtu nevojën për liberalizimin sa më parë për Kosovën, teksa vuri theksin edhe vazhdimin e dialogut me Serbinë.

Vijon të shënojë ule numri i rasteve të reja me koronavirus në vend, ku në 24 orët e fundit raportohet për 30 persona të infektuar. Ministria e Shëndetësisë bën me dije se fatkeqësisht janë 4 persona që nuk e kanë fituar dot betejën me këtë virus.

Komisioneri për Zgjerimin dhe Fqinjësinë në Bashkimin Evropian, Oliver Varhelyi, teksa ka postuar foto nga takimi i Këshillit të Punëve të Jashtme të Bashkimit Evropian ka nënvizuar se diskutimi ka qenë i frytshëm.