Kronikë

Niveli i lumit Ishëm ka rënë gjatë natës dhe uji është tërhequr në 90% të sipërfaqes së përmbytur. Vijon të ketë prezencë uji nëpër arat e fshatit Murqinë dhe Mallkuç ku sipërfaqja prej dhjetra hektarësh tokë bujqësore vijon akoma të jetë nën ujë si pasojë e kanaleve kulluese të cilët nuk kryejnë funksionin e tyre pasi kanë mbi 3 dekada pa pastruar.

Kërkesa në rritje për konsumin e arrorëve dhe kushtet e përshtatshme klimatike për prodhimin e tyre në veri të vendit krijojnë mundësi për fitime në banorët e këtyre zonave. Një studim i profesorëve Drini Imami dhe Engjëll Shkreli, i financuar nga BERZH, vërteton se arroret (dhe veçanërisht gështenja) përbëjnë një burim të rëndësishëm të ardhurash për komunitetet ku bujqësia intensive nuk është e përshtatshme, dhe ku alternativat e punësimit janë të pakta

Ambasadorja e SHBA në Tiranë, Yuri Kim ka reaguar ndaj deklaratave të kryeministrit Edi Rama, i cili dje në një konferencë për rindërtimin iu përgjigj diplomates së SHBA që të mos i kujtonte detyrën e tij për mos kandidimin e kandidatëve me precedentë penalë në zgjedhjet e 25 prillit.

Deri në mesditë moti paraqitet me alternime kthjellimesh dhe vranësira kalimtare, ku më të dukshme vranësirat do jenë në zonat përgjatë kufirit Lindor. Por pas mesditës  vranësirat largohen nga i gjithë vendi duke bërë që moti i kthjellët të dominojë në shqipëri, sipas meteoAlb.

Sanitarja Tire Alldërvishi që pretendonte se ishte infermiere në spitalin Covid 2 dhe infermierja e Covid 1, Ronida Hysa, janë arrestuar dhe akuzuar pasi u denoncuan nga emisioni Stop në Tv Klan se zhvatën dhe grabitën pacientët me Covid-19.

Familja e një të riu shqiptar që ka ndërruar jetë në Spanjë është tronditur, pas ekspertizës së bërë nga Instituti i Mjekësisë Ligjore.  Report Tv mëson se atij i mungonte zemra, e për pasojë Prokuroria e Tiranës ka nisur hetimet për “Shit-blerjen e paligjshme të organeve njerëzore”.

Banorët e katër fshatrave në bashkinë Maliq protestuan këtë të martë për rrugën kryesore që i lidh me zonat urbane, e cila është dëmtuar dhe i vështirëson jetesën veçanërisht gjatë dimrit. Banorët kërkojnë të merren masa ndryshe kërcënojnë se do bllokojnë aksin Korçë-Pogradec.

Sot morën dozën e dytë të vaksinës kundër koronavirusit të gjithë ata që u vaksinuan më 11 janar, një proces i cili do të vijojë krahas atyre që marrin dozën për herë të parë. Zëvendësministrja e Shëndetësisë njëkohësisht dhe kryetarja e Komitetit Teknik të Shëndetësisë, Mira Rakacolli thotë se nuk ka pasur asnjë efekt anësor të vaksinave tek mjekët.

Një ditë pasi Gjykata Kundër Korrupsionit dhe Krimit të Organizuar (GJKKO), ka dënuar me 186  vite burg 17 të pandehurit për dosjen 339/3, Report Tv mëson se është vendosur edhe konfiskimi i pasurive të tyre. 

Qytetarët të cilëve u kanë skaduar mjetet e identifikimit dhe nuk kanë mundësi ta kontrollojnë në portalin E-Albania, tashmë mund të paraqiten në zyrat e Gjendjes Civile për t'i konfirmuar. Këtë e ka bërë të ditur Drejtori i Përgjithshëm i Gjendjes Civile, Bledi Doracaj në një intervistë për Report Tv.

Dy të humbur në katër ditë u denoncuan në emisionin ’Pa Gjurmë’, në Report TV. Adrian Bregu dhe Etleva Bicaku kanë humbur më datës 29 janar të këtij viti. 53-vjecari u zhduk nga Sukthi i Durrësit, ndërkohë që po të njëjtën ditë, në fshatin Thanasaj të Lushnjës kishte humbur gjurmët edhe një 30-vjeçare. 

Në 24 orët e fundit në vend është regjistruar një rekord infektimesh nga koronavirus. Ministria e Shëndetësisë raporton se 942 janë rastet e reja me COVID-19  nga 3856 testime të kryera.  Gjithashtu në 24 orët e fundit kanë humbur jetën 5 qytetarë.

Tre personat e arrestuar, dy shqiptarë dhe një kroat dy ditë më parë pasi u kapën me mbi 300 kg kokainë, janë lënë në burg nga ana e gjykatës së Selanikut deri në përfundimin e hetimeve

Ky veprim i bërë nga policët, u ka kushtuar atyre vendin e punës, për pasojë janë pezulluar.

Banorët e Nartës në Vlorë prej më shumë se një muaji ndodhen nën ujë. E gjithë kjo situatë sipas tyre ka ardhur nga mosfunksionimi i hidrovorit, teksa kërkojnë zgjidhje. Ndërsa në Fushë-Krujë dhe Shkodër reshjet e dendura të shiut të natës së kaluar kanë shtuar sipërfaqet e tokave të përmbytura.

Kjo është pamja që të ofron qendra e Tiranës pas reshjeve të shiut që kanë përfshirë vendin tonë. Pavarësisht reshjeve të cilat vijojnë prej ditësh, temperaturat këtë të martë nuk kanë qenë të ulëta duke luhatur në vlerat nga 0°C  deri në 14°C.

Nga

Adriatik Doci

Komisioni i Sigurisë dhe i Ligjeve rrëzon projektligjin për shërbimin e detektivëve privatë si pjesë e ligjit të sigurisë fizike, sipas deputetëve të PS-së duhet një ligj më vete për shërbimin zbulues me agjentë të fshehtë