Kronikë

Liqeni i Komanit nuk është gati për të pritur turistë. Ai është i "pushtuar" në mbeturinat. Ndoc Mulaj, specialist i turizmit malor në Shqipëri, ka publikuar video nga kjo katastrofë, teksa ngre alarmin se në këtë Liqen po shkarkohen kamionët me mbeturina.

Në spitalin infektiv aktualisht ndodhet vetëm 1 pacient që po merr trajtim mjekësor, shifër kjo që tregon se pandemia në vendin tonë është drejt fundit. Si rezultat i 3853 testime të kryera në 24 orët e fundit, janë identifikuar vetëm 3 raste të reja infeksioni, ndërsa një 73-vjeçare nuk ka mundur të fitojë betejën me virusin.

Nga

Adriatik Doci

Kuvendi i kërkon Këshillit të Lartë të Prokurorisë të dalë me deklarata publike në mbrojtje të prokurorëve që vihen në shënjestër të sulmeve për shkak të punës hetimore. Për KLG-në kërkohet të gjejë konsensusin e me Ministrinë e Drejtësisë për riorganizimin e gjykatave.

Bilanci tragjik aksidenteve rrugore, më i fundit ai në aksin Fier-Vlorë, duket se nuk ka shërbyer si një mësim për shoferët për qenë më të kujdesshëm në timon, pasi "kanë në dorë" jetën e tyre dhe të tjerëve. Vetëm në 12 orët e fundit janë pezulluar 66 patenta dhe janë vendosur 2668 gjoba.

Zvicra ka futur Shqipërinë në zonat me rrezik të ulët infeksioni. Nga sot, Aeroporti 'Nënë Tereza' bën me dije se qytetarët mund të kalojnë në kufirin zvicerian pa qenë e nevojshme të kesh një test anti-COVID ose të jesh i vaksinuar me një vaksinë.

Mungesa e fondeve për përpunimin e mbeturinave, sjell panoramën e trishtë në kulmin e sezonit veror: “Mbytjen” e qytetit të Durrësit nga plehrat. Bashkia është dorëzuar përballë detyrimit ligjor për të menaxhuar mbetjet urbane, dhe zgjidhjen tashmë e kërkon nga qeveria.

Zbulimi i varrit monumental në Parkun Arkeologik të Amantias në Ploçe të Vlorës, është padyshim një atraksion më shumë për turistët. Një video të këtij monumenti të rrallë e ka publikuar sot kryeministri Edi Rama, i cili thotë se të gjithë turistët që dashurojnë të udhëtojnë edhe në kohë e histori, tashmë mund të ndalojnë të shohin këtë ekzemplarë.

Ambasada Amerikane ka shprehur mbështetjen ndaj Këshillit të Lartë të Prokurorisë, për vendosjen e standardeve etike dhe rregullave të sjelljes së prokurorëve. Me një postim në faqen zyrtare në Facebook të Ambasadës së SHBA, shkruhet se rregullat e etikës do të udhëheqin sjelljen e prokurorëve, brenda dhe jashtë detyrës, dhe do të jenë një mjet thelbësor në forcimin e besimit të publikut në sistemin e ndjekjes penale.

Parakalime në krah të kundër dhe kërshillëk policisë, çmenduria e të rinjve në rrugë me shpejtësi deri në 280 km/h.

Nga

Doris Sallaku

Sytë janë të parët që përballen me rrezet e forta të diellit në këto ditë të valës së të nxehtit në vend. Mjekët okulistë me tone shqetësuese flasin për mungesën e mbrojtjes së shikimit nga dielli, shtuar edhe problemet e shfaqura tek ata që kanë kaluar COVID.

Ata bëjnë pjesë në rrethin e besimit. Madje janë aq afër, sa mund ta quani vëlla, mik, mikeshë, siç i ndodhi një çifti në Tiranë që bënin be për një 51-vjeçar derisa zbuluan se në të vërtetë ishin të mashtruar.

Nga

Arsen Rusta

E premtja ishte një ditë e zezë për bilancin e viktimave në aksidente rrugore e cila prodhoi 5 jetë të humbura dhe hyrjen në fuqi të Kodit të ri Rrugor. Masat ndëshkuese janë rritur në 15-20 mijë lekë për shpejtësi tej normave ndërsa parashikohet dhe heqje patente deri në 18 muaj.

Një person është arrestuar dhe një tjetër është shpallur në kërkim ditën e sotme në Fier, pasi akuzohen se kishin ngritur një strukturë për prodhimin e kriptovalutave. Mësohet se në pranga ka rënë Fabjo Braçaj dhe është shpallur në kërkim Fatjon Koçi.

Ministrja e Shëndetësisë, Ogerta Manastirliu, nga qendra e vaksinimit të përqëndruar në Vlorë, ka shpallur ditët e hapura të vaksinimit masiv antiCOVID19, për të gjithë qytetarët mbi 18-vjeç, në të gjithë vendin. Vaksinimi i hapur do të bëhet në datat 29 dhe 30 qershor, ndërsa gjatë sezonit veror do të ketë edhe ditë të tjera që do të përcaktohen në vijim. Të gjithë qytetarët që duan të vaksinohen duhet të regjistrohen në e-Albania.

Një autobus ka marrë flakë duke u djegur plotësisht gjatë orëve të para të mëngjesit. Ngjarja ka ndodhur rreth orës 02:25, në fshatin Velmish të Roskovecit.

E shoqëruar nga daja, vogëlushja ka vendosur sot lule në vendin ku ndodhi aksidenti, ku pati edhe një apel për shoferët teksa tha 'ecni me avash'. Ndonëse vetëm 3 vjeç, në ndryshim nga shumë të rritur, vogëlushja duket se e kupton më mirë rëndësinë e respektimit të rregullave të kodit rrugorë.

Kryeministri Edi Rama inspektoi ditën e sotme ecurinë e punimeve në sheshin e Flamurit që po ndryshon pamjen e derisotme të qendrës dhe infrastrukturën lidhëse të Transballkanikes me zonën e portit në Vlorë.

Ka ndërruar jetë në spital 82-vjeçari i cili mbeti i plagosur si pasojë e një aksidenti pasditen e djeshme në Tiranë. Ngjarja ndodhi në bulevardin “Bajram Curri”, ku automjeti që drejtohej nga Mariglen Harizi, 25 vjeç, doli nga rruga, përplasi 82-vjeçarin dhe më pas përfundoi në lumin e Lanës.

Igli Madani, 22-vjeçari që drejtonte mjetin ‘Audi’ A8 që shkaktoi aksidentin tragjik në ditë më parë në Vlorë ku u shua një familje, ndodhet i shtruar në spitalin e Traumës në Tiranë. 22-vjeçari ka mbetur gjithashtu i plagosur nga aksidenti tragjik në autostradën Fier-Vlorë, i cili ndodhet i shtruar në kirurgji me diagnozën politraumë.