Kronikë

L.H, 47 vjeç është shqiptarja që ushtronte prostitucionin në Itali e cila është qëlluar për vdekje me thikë në mes të ditës në shtetin fqinj, teksa po priste klientët në trotuar. 47 vjeçarja nuk arriti t’i shpëtonte autorit i cili e ka ndjekur më pas e ka tërhequr zvarrë për tokë dhe e ka goditur 5 herë me thikë në këmbë dhe shpinë. Më pas autori është larguar, ndërsa policia është vënë në kërkim të tij.

Një grup alpinistësh kanë humbur rrugën malin Murgana në fshatin Sotirë në Dropull afër kufirit me Greqinë, duke mbetur të bllokuar për disa orë. Njëri prej alpinistëve është rrëzuar dhe ka lënduar këmbën. Kanë qenë vetë aplinistët ata që kanë telefonuar në sallën e Drejtorisë Vendore të Policisë Gjirokastër ku kanë kërkuar ndihmë

Pasditen e sotme një shtëpi në Lushnje është përfshirë në flakë si pasojë e një shkëndije elektrike.  Zjarri ka rënë rreth orës 18:00, në fshatin Fiershegan, Lushnjë, në banesën e një 60 vjeçari

Një aksident i rëndë ka ndodhur pasditen e sotme në aksin rrugor Elbasan Metalurgji në Elbasan. Një makinë ka përplasur një këmbësore, e cila është dërguar në gjendje të rëndë në spital.

Kjo e dielë ka shënuar një rekord të infektuarish me COVID në vendin tonë. Në bilancin e ministrisë së Shëndetësisë raportohen 1124 raste të reja dhe 14 viktima në 24 orët e fundit

Josif Dëna apo siç njihej nga të gjithë beratasit si Doktor Sifi nuk e mposhti dot betejën disa javore me virusin COVID-19. Ai ishte i shtruar prej 2-javësh në Spitalin "Shefqet Ndroqi" dhe ditët e fundit ishte në intubim për shkak të përkeqësimit të gjendjes së tij shëndetësore.

Një predhë është gjetur në kantierin e punimeve për rikonstruksionin e shëtitores në Sarandë. Predha dyshohet se është së bashku me djegore dhe paraqet rrezik.

Një vjedhje në një market ndodhi mëngjesin e kësaj të diele në Pogradec. Burime për Report Tv bëjnë me dije se është vjedhur një sasi e vogël parash, rreth 3000 lekë.

Degradimi i Urës së Zogut mbi Lumin Mat dhe mungesa e reagimit nga institucionet shtetërore, ka ngritur në protestë një grup të rinjsh dhe përfaqësues të Shoqërisë Civile të zonës së Kurbinit.

Pak orë pas intervistës për Report Tv, nga reparti i reanimacioni të spitalit COVID 2, ka ndërruar jetë një pacient vetëm 35 vjeç. Kushtet e tij shëndetësore janë rënduar papritur dhe mjekët nuk kanë arritur ta shpëtojnë. I infektuar në restorantin që ka familja e tij, i riu teksa foli për gazetaren Migena Sotiri, pati një mesazh për të gjithë ne. Po ashtu të tjerë rinj të shtruar në gjendje të rëndë në spitalin ‘Shefqet  Ndroqi’ rrëfyen betejat e tyre.

Një aksident ndodhi mëngjesin e kësaj të diele në Laknas në kryqëzimin e Bërxullit. Dy automjete, një prej tyre makinë policie janë përplasur me njëra tjetrën. Si pasojë e përplasjes, janë plagosur dy drejtuesit e makinës së policisë (efektivë jashtë shërbimit aktualisht) si dhe drejtuesja e mjetit tjetër me iniciale S.Xh. dhe pasagjerja E.XH.

Pavarësisht se në pjesën më të madhe të vendit, kushtet atmosferike janë të mira, në Vlorë është pezulluar lundrimi i mjeteve të vogla dhe ato të peshkimit. Rezultat i kësaj janë bërë era e fortë në bregdetin e Vlorës me drejtimin jug-juglindje me forcë 4-5bft 7-10m/s.

Një 39-vjeçar i cili ishte shpallur në kërkim nga policia, u arrestua ditën e djeshme në zonën e Alliasit në Tiranë. Bëhet fjalë për Ardian Shahi (Muça) i cili rezulton se ka plagosur 5 herë me thikë një punonjës policie në Peshkopi.

Detaje të reja vijnë nga ekzekutimi i 40-vjeçarit Gentjan Qarrit ditën e djeshme në Vlorë. Burime për Report Tv bëjnë me dije se nga 20 plumba të shkrehur drejt tij, vetëm 12 kanë prekur trupin e 40-vjeçarit. Policia ka shoqwruar nw komisariat 15 persona pwr t'u pyetur lidhur me ngjarjen.

Gjykata e Pogradecit ka lënë në burg 3 të arrestuarit e Shoqatës së Peshkimit të cilët detyronin peshkatarët të kryenin peshkim të paligjshëm të koranit. Në burg deri në përfundim të hetimeve janë lënë kryetari i Shoqatës së Peshkimit Pogradec, Adriatik Dokollari, 49 vjeç dhe dy punonjësit e shoqatës, Mariel Durollari, 47 vjeç, dhe Endri Pera, 43 vjeç.

Gjykata le në burg 7 personat e arrestuar dy ditë më parë në Korçë për trafik droge. Seanca është mbyllur ditën e djeshme, ku para trupit gjykues kanë dalë Ahmetion Myslimi (transportues), Mariglen Arapi (transportues) , Mario Tanellari (organizatori) , Xheljan Ajdini, Elvi Tahiri (subjekt i OFL), Niko Janko, Mikail Mejdi.

Shumë përdorues të rrjeteve sociale apo platformave të komunikimit, shpeshherë kanë rënë pre e sulmeve kibernetike ku i janë vjedhur të dhënat. Së fundmi po qarkullon një mesazh në Whatsapp, ku sipas denoncimeve, dyshohet se disa piratë futen në të dhënat e platformës dhe të bllokojnë aksesin.