Kronikë

Fermerët e Maliqit që merren me prodhimin të misrit po përballen me mungesën e tregut. Ato thonë se shkak po bëhet importi kurse çmimi me të cilën paraqiten tregtarët nuk justifikon as shpenzimet e tyre.

Në prag të festave të fundvitit, Franca pritet të lirojë masat izoluese në të gjithë territorin. Anila Hyka, anëtare e Këshillit Koordinues të Diasporës në Francë në një intervistë për Report Tv tha se kjo bëhet për shkak të qytetarëve që të takojnë familjarët e tyre.

Kryeministri Edi Rama ka bërë bilancin e një viti nga procesi i rindërtimit për zonën e Durrësit, pas tërmetit tragjik të 26 nëntorit 2019, ku humbën jetën 51 persona. Në bilancin e një viti në zonën e Durrësit, Rama thekson se janë rindërtuar nga e para me fondet e qeverisë shqiptare u ngritën 5 shkolla e kopshte, 50 banesa drejt përfundimit, 145 pallate të riparuara dhe janë ndihmuar me grante 9 655 familje dhe po trajtohen me bonus qiraje 4 135 familje.

Një 15-vjeçare që hyri në lidhje me një emigrant në Angli po kërcënohet prej ditësh nga ish i dashuri që i bën asaj presion përmes rrjeteve sociale. Rasti u regjistrua në komisariatin e Farkës bëjnë me dije që sqarojnë se e mitura vendosi ta ndërpresë historinë, por pas këtij vendimi ish i dashuri pretendon që ka investuar tek ajo përmes dhuratave të shumta dhe ndaj ajo duhet t’i kthejë të gjitha. Në të kundërt fotografitë e vajzës do të shpërndahen në ambientet e jashtme të shkollës private që vajza po ndjek.

Një banesë përfshihet nga flakët në Shkodër. Fatmirësisht nuk ka të lënduar por vetëm dëme materiale.

Nga

Adriatik Doci

Ish-gjyqtari i Apelit në Tiranë, Alaudin Malaj i kërkon KPA rikthimin e çështjes së tij në KPK dhe gjykimin nga një tjetër rup gjykues.

Nga

Elton Qyno

Emri i Tresës, në dokumentin që flet për liberalizimin e vizave me Shqipërinë. Personi i ekzekutuar në Ekuador ishte arrestua në Angli si drejtues grupi kriminal.

Institucionet më të rëndësishme të kulturës dhe shkencës të kombit shqiptar në Shqipëri, Kosovë dhe Maqedoninë e Veriut kanë dalë me një deklaratë të përbashkët për luftën e UÇK. 

Dita e ngritjes së flamurit do të festohet në mënyrë të pazakontë këtë vit në Vlorë pasi nuk do të ketë prezencë të qytetarëve, në respekt të masave mbrojtëse ndaj COVID. Kryebashkiaku i Vlorës Dritan Leli e sheh këtë si një detyrim në emër të jetës, ndërsa thekson se do të marrin pjesë krerët më të lartë të politikës shqiptare.

Nga

Doris Sallaku

Nga data 1 dhjetor mësimi në shkolla do të zhvillohet i alternuar, në klasa dhe online. Për Report Tv prindër dhe gjyshër shprehen se më e mira do të ishte mësimi në shkolla, por janë të detyruar që ti përshtaten këtij vendimi.

Drejtoresha e IShP-së, Albana Fico, në një intervistë për Report Tv deklaroi se Komiteti Teknik i Ekspertëve do të marrë masa të tjera shtesë në rast se vihet re një rritje në numrin e të infektuarve me koronavirus. Ndër të tjera ajo tha se është vënë re një interesim i qytetarëve për vaksinën e gripit sezonal.

Publicistit dhe politikanit Kosovar Veton Surroi, i hiqet titulli “ Nderi i Qarkut Kukës” i dhënë nga Këshilli i këtij qarku në vitin 2015, pasi Surroi dalë kundër luftës së UÇK dhe interesave të shtetit të Kosovës. Kryeministri Edi Rama e cilësoi lajthitje kolektive dhe se parlamenti duhet të ndërhyjë dhe të sqarojë njëherë e mirë dhënien e titujve dhe medaljeve që vetën në vendin tonë jepen dhe hiqen me absurditetin më të madh. Tërhiqet kryebashkiaku Gjici, kërkon ndjesë.

Aksident pranë urës së Sukthit. Një makinë është përplasur me automjetin e policisë. Një person është plagosur dhe është dërguar në spital për ndihmë mjekësore, gjendet jashtë rrezikut për jetën.

Gjatë 24 orëve të fundit janë regjistruar 18 humbje jete dhe 645 raste të reja pozitive me COVID-19. Gjatë ditës së sotme humbi jetën nga COVID piktorja e njohur Lumturi Blloshmi e cila quhej edhe si 'Frida Kahlo' shqiptare. Gjithashtu edhe ish kryebashkiaku i Pukës, Beqir Arifaj ka humbur betejën me Covid-19. Në 24 orët e fundit janë shëruar 403 qytetarë, ndërsa në 3 spitalet COVID po trajtohen 463 pacientë.

Nga

Adriatik Doci

Prokurori Mete dha dorëheqjen në shtator 2020, për dy vite dilte në pension, Komisioni Vetingut planifikon seancë dëgjimore në datën 2 dhjetor 2020.