Kronikë

COVID-19 i ka marrë jetën presidentit të televizionit “Fax News” Kasem Hysenbelliu. Pas infektimit dhe rëndimit të gjendjes ai ishte dërguar në Turqi për kurim, por nuk mundit të fitonte dot betejën me këtë virus. Ndërkohë që politika ka shprehur mesazhe ngushëllimi.

Një gjykatë në Britaninë e Madhe ka shpallur të pafajshme shqiptaren Eltiona Skanën, 30-vjeçaren e cila disa muaj më parë vrau një vajzë vetëm 7-vjeçare. Gjatë seancave gjyqësore Skana u shpreh se vajza e vogël tentoi ta vriste e para ndaj edhe e kreu aktin e tmerrshëm.

Mot me alternime kthjellimesh dhe vranësira të herë pas hershme mbizotëron në vendin tonë gjatë gjithë ditës. 

Një efektiv policie i forcave të FNSH-së në Shkodër është ekzekutuar me armë zjarri mëngjesin e sotëm në aksin rrugor Lezhë-Milot, në zonën e Gajushit. Xhulio Prela, 26 vjeç, ka qenë duke lëvizur më makinë në momentin që është ekzekutuar me armë zjarri. Prela nuk njihej si problematik, ndërsa policia po heton në 3 pista. Në vendin e ngjarjes janë gjetur 3 gëzhoja, ndërsa janë shoqëruar 15 persona. Plumbi e ka prekur në pjesën e gjoksit, duke i marrë menjëherë jetën.

Kryeipeshkovi i Tiranës dhe Durrës, Imzot George Frendo i është rikthyer rrjedhës normale të jetës pas betejës me Covid-19. 

Edhe pse ligjërisht është zonë e mbrojtur, pylli i gështenjës në Pogradec masakrohet nga sëpatat e motosharrat. Banorë të zonës i presin gështenjat për dru zjarri apo për tregti. Agjencia e Zonave të Mbrojtura është në dijeni të fenomenit shqetësues, por duket e pafuqishme për ta ndalur masakrën.

Grupi i punës në Komisionin Qendror të Zgjedhjeve ka shqyrtuar disa variante për të mundësuar votën e emigrantëve për zgjedhjet e 25 prillit. Në tryezë janë varianti i votimit me postë, votimi në konsulatë dhe votimi elektronik.

Kryebashkiaku i Lezhës, Pjerin Ndreu, ka humbur nga COVID një person të rrethit familjar. Betejën e ka humbur Mark Gjoka. Lajmin e ka bërë me dije vetë Ndreu me anë të një postimi në rrjete sociale i cili shkruan se Gjoka është kushëriri i tij.

Organizimi i ceremonive mortore me pjesëmarrje të madhe qytetarësh mbetet një shqetësim në kushtet kur kurba e infeksionit nga Covid-19 njeh vetëm rritje. Mjeku infeksionist i spitalit të Librazhdit, Abedin Isaku apelon qytetarët të shmangin grumbullimet, ndërsa tregon gjendjen e të sëmurëve në këtë bashki.

Shefi i Urgjencës Kombëtare, Skender Brataj tha se pavarësisht shifrave të larta në vend, në fakt është ulur vdekshmëria krahasuar me fillimin e pandemisë si dhe ka një ulje të lehtë të pacientëve të shtruar në spitale.

Një tjetër aksident i rëndë ka ndodhur në rrugët e vendit. Në autostradën Vlorë-Fier janë përplasur 3 automjete.

Nga

Adriatik Doci

Projekti për Kodin e ri Penal shfuqizon veprën penale të organizimit dhe pjesëmarrjes në grumbullime e manifestime të paligjshme, krim vetëm protestat me persona të armatosur.

Nga

Sokol Dema

Në një kohë që përmes raportit të fundit Këshilli i Europës ngre shqetësimin se drejtuesit e kualifikuar të Policisë së Shtetit rrezikohen në vetting, ish-drejtuesi i policisë, Fran Rica, nuk ndanë të njëjtin mendim. Rica shprehet se vetting në polici nuk ka të njëjtin standard hetimi si ai i drejtësisë dhe deri në fund pak zyrtarë nuk do të arrijnë ta kalojnë. Rica shton se problem janë vonesat, pasi sjellin trysni në polici.

Një aksident masiv ka ndodhur në autostradën Tiranë- Elbasan në afërsi të fshatit Ibë, ku janë përplasur 3 makinë

Prokuroria e Posaçme kundër Korrupsionit dhe Krimit të Organizuar (SPAK)  ka përfunduar hetimet për ish-drejtorin e Tatimeve në Korçë, Thoma Tontonozi dhe specialistin e regjistrimit, Stjuart Bardhoshi. SPAK njofton se nga hetimet janë provuar akuzat dhe tashmë e ka çuar çështjen për gjykim në Gjykatën e Posaçme të Shkallës së Parë për Korrupsionin dhe Krimin e Organizuar.